الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الخميس، 30 سبتمبر 2010

هيا انـطـلـق


البعض يعتقد انهم لم ولن يكونوا احيانا الاحلام تكون صعبه الوصول .....ولكن عليك بالاستمرار

مهما كانت المسافات بعيده ....... ان كنت تؤمن بحلمك ...فأعلم انك ستجعل الحلم حقيقة

نعيب الزمان والعيب فينا وما للزمان عيب سوانا ونهجوا ذا الزمان بغير زنب ولو نطق الزمان لنا هجانا

يمضى الزمان وتطوى الايام هذه يوم جديد وعلى عملك شهيد فأين السعى والتجديد ماذا عن احلامك

ماذا عن انجازاتك ....... هل هذا ماتريد الى متى السكون الضعف خلق الاعزار الضياع

تريد ان تكون ولكن لماذا تردد الزمان والمكان والفشل المتردد الخوف الظروف

لاتلقى باللوم على من حولك ولا تستسلم للفشل آمن بقدراتك وبإبداعاتك امن بنفسك

اخرج من اعماقك لاتنتظر التغيير ابدأ بنفسك اولا انت تستطيع ويمكنك فعل كل ذلك

الطموح الامل طرد الخوف عدم الاستسلام التوكل الفعل هما اساس النجاح

هيا ان الاوان لننطلق ونستمتع بالحياه

هيا لنحقق التغير

هيا لنستمتع بالمسئولية

كفاك وقوف عند اخطائك الماضية ولتكن وقفة اعتبار تعطيك دفعه جديده للمستقبل لاتلقى باللوم على قله امكاناتك

فكل ماتحتاج اليه يكمن داخلك والنجاح يفتح الابواب لمن يحب ان يراه

فلتبدأ الان كى تصل الى مصدر النور فى اعماقك ولتنعم برقصه النجاح

هيا استجمع قواك نادى بصوت عالى زمن النجاح قد اعلن الحلول

قرر خطط ضع هدفا توكل على الله انطلق استخرج قدراتك استخدمها ارفع اسمك بحلمك ولكن هناك من يحبطون من حولهم يدمرونهم يجعلونهم يائسين عليك بالثبات اياك والضعف والاستسلام لاتجعلهم ينتصرون عليك قاوم انجز ثابر بالعمل بالعزم بالارادة اجعل لحياتك معنى اغتنم وقتك

اغتنم شبابك قبل هرمك فأنك ستسأل عن عمرك فيما افنيته

اصعد سلم الحياه ناجحا متفائلا قويا تذكر حلمك دائما النجاح الحقيقى يكمن فى العطاء والتعاون والامل والثقة والتوكل والايجابية والعزم والارادة

مااروع ان تضع حلما وتحققه هيا وقم واكمل طريقك

وعش كل لحظة كأنها اخر لحظة عش بالايمان عش بالحب عش بالامل عش بالثقة فى النفس عش بالارادة والقوة

وقدر قيمة الحياه


الحلقه الجديدة من

((((((قلــــــوب بــــلا مرســــــي))))

ملل وقلق وشىء غير متوقع
بطل كسل وادخل اقرأ وقول رايك

اكيد يهمنى رايك

الجمعة، 24 سبتمبر 2010

بدون مقدمات +++ تنوييييييييييه هام


مدونة الشوكة الناعمة هى حذفت المدونة تماما

و اى حد هيستعملها او يرجعها هيكون مش هى

و التدوينة دى بطلب منها شخصيا

أرجو الأنتباه لذلك

و انا مش عارف ليه هى عملت كدة

وبجد بقولها انك سبتى جوانا فراغ كبير لاننا بجد بنحبك اوى اوى اوى


شكراً

ان شاء الله وبعد محاولات عنيييفه انى هروح لقاء الاسكندرية وسعيدة جداااا انى هشوف حبايبى





ليتني كنت طائرا

ليتني كنت طائرا لاسقيقي من ماء الشلال

ليتني كنت طائرا لاجلب لكي ورده من اعلي اعالي الجبال

ليتني كنت طائرا لاستطيع ان احلق في سماء حبك

ليتني كنت طائرا لارتوي من نهر عشقك

ليتني كنت طائرا لابني لكي عش من ارفع انواع الخيزران

ليتني كنت طائرا لاحملك علي احدي جناحي ونحلق سويا حول القارات

ليتني كنت طائرا لاكون لكي درع الحياه

ليتني كنت طائرا ... لان بعالم الطيور لا يوجد به مقدمات
لبدا الحياه ..


انا بعتذر جدا عن عدم متابعتى للمدونات الفترة اللى فاتت بس دا لان كان عندى حاله ملل رهيبه انى اعمل اى حاجة
بس الحمد لله علجت الموضوع دا وظبطت نفسى وان شاء الله هحاول منقطعش عن المتابعه


((((((قلــــــوب بــــلا مرســــــي))))

بطل كسل وادخل اقرأ وقول رايك

هتعرف ايه المصيبة اللى حصلت فى بيت سلمى
وهنحكى سوية عن فيروز ومنه وسراج :)

الجمعة، 10 سبتمبر 2010

حاجات فى نفسى



نفسى اركب مركبه فى النيل ساعه الغروب وافضل فيها لغايه باليل بس طبعا يعنى مش هكون لوحدى


نفسى حد يجيبلى ورد اه والله بوكيه ورد احمر
وانا فى الجامعه لقيت واحده ماسكه بوكيه ورد يجنن رحت قولتلها جايباه منين على اساس افرح نفسى واشتريه قالتلى لا دا من حد عزيز عليا ومعرفش منين اتفرست طب وانا مفيش حد عزيز او حتى عزيزة يجيبلى ورد احمر كدا


نفسى ارجع صغيره ياااااه على الاقل كنت احس بطعم العيد طول الاربع ايام

يوم الوقفه كنت اجهز الفستان والشنطة والشراب والجزمة والتوكه والبورنيطه (كنت عايقه امال ايه ) وارصهم على السرير واستنى وافضل صاحيه واستنى الفجر يأذن واصحى البيت كله (كنت المنبه بتاعهم ) وافضل اتنطط واكبر مع الراجل والبس وننزل نصلى بيكون يوم جمييييل واحساس حلو وانا خارجة بقى لازم اركب المراجيح واتصور واجيب بالوتان (بحبها اوى )
واروح بيت العيله ونفضل هناك نلعب فى الجنينه ونضحك وناخد العديه (امال احنا رايحه بيت العيله ليه عشان اشوف خالو وخالتو يعنى) هههه
دلوقتى وبالنسبه ليا العيد هو ساعه الصلاه وبس
عارفين جبت كابات انا واصحابى مكتوب عليها احب ابى وامى _ القدس فى القلب _ الله يرانى فى كل مكان _حياتى كلها لله
ووزعناها على الاطفال فى الطريق وفى الساحه وكنت مبسوطة اوى اطفالى فى المسجد جهزتلهم العديه وكمان جوايز حلوة عشان اشجعهم


نفسى اروح جنيه خضره وافضل اجرى واتنطط زى ماكنت بعمل زمان واعمل كمان مرجحيه وافضل اتمرجح (دى مرجيحه كان عمو صاحب الجنينه بيعملها يربط حبل بين شجرتين وانا اتمرجح كانت تحفه )

نفسى كمان لو حد زعلان منى يقولى ميكتمش فى نفسوا انا عمرى مابزعل حد ولا بكون قاصده بحب الناس لكن ساعات الاقى حد متجنبنى بروح واسأله الاقيه زعلان من حاجة حصلت من فترة حتى انا نسيت تفاصيلها طب ليه لما يكون حد جواه حاجة من حد مش بيقول فى ساعتها حتى الشيطان ميدخلش بينهم

نفسى كمان اركب عجله اه والله عجله وافضل اجرى اجرى
لما كنت فى اسكندريه المرة اللى فاتت وكنا فى الجنينة اللى قدام البيت لقيت طفل راكب عجله نديت عليه واخدتها منه وفضلت الف بيها فى الجنينه كان احساس تحفه والله

نفسى ارجع اعيش فى قطر او السعوديه زى الاول بس عارفين نفسى افضل فى السعوديه اوى وكمان نفسى لما اتجوز اعيش هناك فى المدينه واكون جنب جدو وتيتا

نفسى اخد بابا فى حضنى دلوقتى واقولوا بحبك اووووووى وكان نفسى تحضر معانا العيد بس هستناك فى العيد الكبير بقى

نفسى الابله اللى بتحفظنا القران ترجع تانى عشان هى حلفت انها مش هتدينا تانى اصل احنا معندناش دم
انا استأذنت وسافرت وهى سمحتلى اه مش انا الاجازة دى اخدتها خمسه صياعه من الاسكندريه للقاهرة للبلد للاسماعيليه للقاهرة وفى النهاية رجعت 6 رمضان الى بلدى الحبيب هههههههه
هى بقى كانت مسافره البلد بتاعتهم وقالت انا بنزل مخصوص عشانكم يعنى لو مش هتيجوا قولولى هى نزلت مرة مخصوص عشان تلاقى واحده ومرة كمان عشان متلاقيش حد ومرة تلاقى 4
طبعا انا رجعت من السفر وبتصل عليها اخدت الطريحة واتبستفت لوحدى هههههههه
يارب ترجع تانى لحسن الواحد كدا هيتسوح خالص والله

نفسى كمان انجح السنة دى بتقدير وكمان مشروع التخرج ربنا يوفقنى فيه

نفسى فى حاجات كتير اوى
يارب بقى تتحقق

كل سنة وانتم طيبييييييييييين يااحلى مدونين انا عرفتها

**************



((((((قلــــــوب بــــلا مرســــــي))))

بطل كسل وادخل اقرأ وقول رايك

هتعرف ايه اللى جرا لكريم
وهتعرف على اللى مخبياه فيروز 4 سنين
وهتشوف بشاعه ياسر مع منه

الأربعاء، 8 سبتمبر 2010

تتجوز عرفى


ازااااااااى تتجوز عرفى

الحكايه ليست بالصعوبه المتخيله ......طالما خلاص نويت وتوكلت واخدت القرار انت طبعا والجو بتاعك يبقى تعمل اللى هقولك عليه بدون نقاش فتح مخك معايا ونفذ طوالى

اول الطريق ابحث عن 2 شهود ظراف لطاف دمهم خفيف من نوعيه فوتلى وافوتلك ....... والنهاردة عندك وبكرة عندى وانت عارف ياحبيبى قد ايه البعد قاسى

تماااااااااااام ؟

وطبعا هات ورقه وقلم ........واكتب

انك انت الشاب المحترم ابن الناس المحترمين اللى تعبوا لحد ماكبرت واعرضيت واتعلمت ودخلوك الجامعه عشان تحب وتتحب وتنوى تتجوز بدون علمهم

عادى يعنى هى ايه المشكله !!!!!!!! بتحصل فى احسن العائلات
نويت تتجوز الانسه البكر المصون العاقل الرشيد اللى نوت تفضح اهلها فضيجة بجلاجل يسمعها الرايح والجاى وبلاد تركب الافيال
نويت على الجواز منها تحت اسم الجواز العرفى
طبعا ياابنى لازم قصه حبكم تكتمل وتتوج بالارتباط ولازم طبعا تنتهى بفضيحة ....... على العموم خلينا فى المهم

خلاص ؟!

كتبت اسمك وكتبت اسمها
اكتب بقى واكون زوج لها امام الشيطان ونفسى انما امام الله والمجتمع والناس واهلها
لاااااااااااااا ده لا ممكن ابدا ايه الكلام الفاضى دا

لا ابوها لو عرف هيكتبك ورقه تانية خالص .....ممكن وصل امانه او شيك
المهم ياعنيا بعد ماتكتب كل دا هات الشهود وكل واحد يوقع على الورقه انه شاهد مش مهم شاهد على ايه المهم انه شاهد حتى لو مشفش حاجة

وبكده يابنى تكون خلصت الاجراءات الشكليه دور بقى على شقه فاضيه وعيشلك ساعتين اوعى تسمع كلام حد يقولك ان دى اهانه لحبيبه القلب لا طبعا هى اللى اختارت تلبس بقى

وطبعا انت هتكون راجل وهتكمل للاخر يعنى لو بقيت اب مش هتكون ندل وتخلع وتسرق الورقه

لااااااااااا طبعا انت راجل (استرجل واشرب بريل )
هتسيب دراستك وتنزل وتدور على شغل عشان تصرف على حبيبه القلب والضيف الجديد

وكدا نبقى خلصنا ولوووووووووووولووووووووووووولى

والف مبروك وبارك للسانيورة
وان شاء الله نتقابل فى الطب الشرعى عشان تحليل الDNA

************************
اعزائى المشاهدين بنختم حلقتنا النهارده ونشوفكم فى نشره اخبار تلاته ووتلت تربع
والبوست اللى جاى هيكون مع اول واحد نفذ الشروط واتجوز عرفى

بس نفسى اعرف ليه هنادى ياخدها الوبا لوحدها ليه مايخدش حماده كمان لو عرفت الاجابه الصحيحة اتصل على 090000009000 وهتربح معانا عروسه وورقه جواز عرفى والشهود كمان
او ابعتلنا على تهييس دوت كم

ممنووووووووووع اللمس او الاقتراب او التصوير الطبق متكهرب
*********************

كل سنة وانتم طيبين
رمضان عدى بسرعه بس بجد احلى رمضان عدى عليا
ربنا يتقبل مننا صالح اعمالنا ويجعلنا من المقبولين
يلا عشان محدش يعتبرنا منايفه
كل واحد ياخد واحده بسسسسسسسس
عييييييييييب احنا مش فى اتوبيس
واحده بس انا حاطه كمرات مراقبه

http://4.bp.blogspot.com/_eh4A7SXhnkg/Sb1W4mVSURI/AAAAAAAAAp8/zGeKRVlYvdw/s400/egypt17.jpg

ودى بقى هديه لاى حد يدخل هنا دى حاجة اثريه مبقاش منها الايامدى
عشان تعرفوا غلاوتكم عندى بس


((((((قلــــــوب بــــلا مرســــــي))))

بطل كسل وادخل اقرأ وقول رايك

هتعرف ايه اللى جرا لكريم
وهتعرف على اللى مخبياه فيروز 4 سنين
وهتشوف بشاعه ياسر مع منه




الجمعة، 3 سبتمبر 2010

لـــن اقـــل وداعـــا +++ شجعنى شكرا


وسسع ومحدش يحوشنى اصل قلبى هيقف اى والله
واخيييرا وبعد طول انتظار
هيكون فيه لقاء لحبايبى المدونين فى الزقازيق مدينة السحر والجمال لاتقولى القاهرة ولاغيرها ههههههههه
كنت بتفرس كدا لما اسمع لقاء ورا لقاء وانا مش عارفة اروح فمن موقعنا هذا قررنا نحن مدونين الشرقيه اننا نعمل لقاء هنا فى الزقازيق
وطبعا لان من طبعى الديمقراطيه فهتيجوا هتيجوا
وطبعا شندوتشاتك فى شنطتك فلوسك فى محفظتك زمزميتك فى ايدك مطوتك فى جيبك :):)
هنوديكم ونعرفكم على اهم المعالم السياحيه فيها
*************************
نتكلم بجد شوية
انا كنت بكلم بيطريه وويلا وعرضت عليها الفكرة مصدقتش وشبطنا فيها سوا
انا عرضت اننا نروح دار الايتام او معهد الاورام اللى هنا ونروح اى مكان ترفيهى بعد كدا
هى قالت ان فيه حته اسمها ابو الريش
المنطقة دى فيها عائلات تحت خط الفقر تقريبا يعنى اللى فى بيوتهم يدوبك على قد يومهم
وفى واحدة هى اللى عارفاهم كلهم واحد واحد وعيلة عيلة
ممكن نتفق فى يوم ما مع الدكتورة دى ونسألها ايه اللى محتاجينهم ونحدد اليوم والمكان والزمان
وبعدين ننطلق على مكان حلو كده نتفق معاه ناكل فيه
(الكلام داقبل الفطار وشكلها كان جعان )


الكلام دا هيكون تقريبا بعد العيد او تالت يوم
هتشجعونا وتخلونا نعمل الفكرة بجد ولاااااااااا
ايه









قوول رايك بصراحة

بعد تيار عنيف من


الحب والذى جمع

بينهم عن طريق


الصدفه اجبرهما


القدر على ان يفترقا



ودعته وقلبها يعتصر الما وعيناها ممتلئتان بالدموع والتى حاولت


جاهدة حبسها ولكن لم تستطع فأنسكيت وسالت على


وجنتيها وكأنها تصرخ


(لاتذهب _ ابق معى)


هو : نظر اليها ورفع وجهها وقال : حبيبتى يؤلمنى


رؤية دموعك تماسكى تعلمين جيدا انى اريد البقاء


ولكن لابد من الرحيل حتما سأعد لابد ان التقى بكى ثانيا


لا تنظرى الى هكذا


هى :كيف لا انظر اليك وروحي تكاد ان تخرج من بين ضلوعي


وانفاسي تكاد ان تهرب مني انا لا استطيع التنفس الا بأنفاسك


فان كان القدر فرقنا فلن استطيع ان انسى من علمنى


الحب وان نسيت اعلم جيدا انى رحلت الى الابد


هو : انت تمزقى قلبى بهذه الكلمات حاولى ان تتماسكى


هى : هل تذكر عندما قلت لى انه لايوجد شىء يسمى نسيان فى قاموس الحب


هو : اجل اتذكر ولكن لااعلم متى اعود هل ستظلى تتذكرينى


هى : لك ماشئت ولكن ان استطعت ان تنسى ذكرياتى والايام التى قضيناها سويا فانا لن انساك


فعندما اسرح بخيالى اتذكرك وعندما امسك بدفاترى اتذكرك وعندما اقلب فى صفحاتها ارى صورتك واتذكرك

اجبنى كيف انساك وذكراك مخلد بقلبى ؟؟

كيف انساك وهمساتك لاتفارق مسمعى ؟؟

كيف انساك وعينى لاتغفل عن صورتك ؟؟

كيف انساك وعطرك منتشر بأرجاء حياتى ؟؟

اجبنى كيف ؟؟ ثم تستمر فى البكاء

هو : يقوم بمسح دمعتها ومعانقتها يقول وعينه مغرورقه بالدموع سأعد مهما حدث ولن انساكى مهما الزمان طال

وسنلتقى ثانيا لاتقلقى

الان حان موعد رحيلى ثم قام وهو يمسك يدها لايريد ان يتركها وبدأ يسحبها بطء الى ان افترقا

اخد يبتعد ويبتعد وهو يقول احبك احبك

سأعد ...... لن انساكى ...

ثم نظرا كلاهما للاخر وقلبهما ينزف الما

ودنا مسرعين وتعانقا نظر لها وقال الوداع ياحبيبتى

هى : لن اقل وداعا بل الى اللقاء وتركته ودنت مسرعه بعيدا عنه ودموعها تسيل على وجنتيها

مضت ايام واسابيع

وشهور


ومازالت اخر كلمه بأذنها


عالقة ومازالت صورته فى


خيالها تأبى السقوط

ودائما تردد همساته وفى


كل ليلة قبل ان تغمض عيناها تتسائل






( امازال يذكرنى ام شغلته الحياه ؟!! )



الحلقه التانية من قلوب بلامرسى هنعرف فيها ايه اللى حصل لما


جت تكلم محمد اخوها


واخبار سراج بعد اول يوم شغل


وياترى ايه اللى جرى لكريم وخلى سراج ومراد يتخضوا عليه كدا


اتمنى تنورونى لان تعليقاتكم تهمنى