دبسنى دبس +++((شوية فضفضه))

فيه شوية حاجات عايزة اقولكم عليها
اولا : النتيجة على الابواب واول مرة بجد اخاف كدا مش عارفة ليه تقريبا كدا لان الامتحانات من سهولتها الواحد حس ان فيه حاحة غلط ........او انه يدخل مادة يلاقى سؤال من بره المنهج او ان الامتحان طويييييل محتاج 3 ساعات مش ساعتين مش عارفة يااما العيب فينا كطلبه :)



ثانيا: انى ان شاء الله هكمل كورس يلا نعيشها صح (افتح قلبك وحب الناس )
كنت اديت الجزء الاول منه واتكلمت فيه عن الايجابية والامل والتوكل على الله والثقة بالنفس ومفاتيح النجاح والحمد لله لما شوفت تقييم الكورس دا دفعنى انى اكمله بس يارب يكون بنفس الاداء ومفيش حاجة تاثر عليا
اللى عايز يعرف اكتر (((

http://www.facebook.com/topic.php?uid=119521828067133&topic=235&ref=nf

ثالثا : حصلى الفترة اللى فاتت شوية حاجات غرييييييبه بجد هبقى احكى عليها البوست اللى جاى

عارفين نفسى فى ايه كمان نفسى اروح مكان بعيييد مفيهوش حد واكون لوحدى المكان دا يكون على البحرواتمشى عليه وقت الشروق والغروب وافضل احكى معاه زى زمان
نفسى ارجع صغيرة زى زمان وامسك دبدوبى والعب معاه وارى فى الجنينه براحتى من غير عيب وميصحش بقالى كتير جوايا بيبكى لكن مش عارفة انزل دمعه واحده من عينى
الواحد اتغير كتييير اوى ونفسى ارجع زى زمان بقيت بكره الناس لانهم بجد وحشين اوى
نفسى اغمض عينى وافتحها الاقى نفسى فى عالم تانى بناس مختلفه بوشوش مختلفه

واخيرا بجد محتاجة دعواتكم الفترة اللى جاية عندى شوية مشاكل بقالها شهر نفسى بقى اخلص منها لانى زهقت

التاج دا انا وعدت انى اول ماارجع هجاوب عليه اى نعم اتاخرت 5 شهور بس لازم نجاوب :):)

السؤال الاول

:

رتب الاتى حسب اهميتها بالنسبه لك

الصداقه _ الحب _ العائله_ المستقبل _ المال

الصداقة _ الحب _ المستقبل _ المال _ العائلة

السؤال التانى

:

اجب عما يلى

:

عرف الحب فى جمله صغيره ( حب الحبيب و الحبيبه) ,
الحب شىء جميل جدا

الحب ممكن يولد عندك الطموح والارادة انك تعمل اى حاجة

وفى نفس الوقت ممكن الحب يخليك تكره كل حاجة حلوة فى حياتك

وهل يمكن ان نعيش بدون حب (الحبيبه او الحبيب برده ) ؟؟؟

اكيد اصل الحياه مش هتقف لو محبناش

بس دى غريزة جوا الانسان انه يحب ويتحب فتلاقيه دايما بيدور على الحب

2_ ما الرساله التى تريد ان تبعثها لحبيبك او حبيبتك ( زوج /ة المستقبل ) إن وجد أو لسه ماوجدش ؟

الندم والبكى مبيرجعوش اللى راح (انسى )

انا خسرتك اه لكن كسبت نفسى

3- ياترى إيه أكتر حاجة بتكرهها فى الحياة ؟؟؟

الخيانه

الظلم

الكذب

عدم احترام الاخرين

ان حد يحاول يفرض حاجة عليا

التسلط

الانتقام

وااكتر حاجة بكرها ان ولد يكلم بنت ويطلع حد فيهم بيضحك على التانى

4- لو هتتمنى أمنية قبل ما تموت هتبقى إيه

ونفسى احج قبل مااموت

ونفسى احضر دبلومة فى علم النفس

وبجد نفسى انشر 3 قصص (وانجلى الحزن _ حطام امرأه _ حب امتلاك )

وكتاب تنمية بشرية(يلانعيشها صح )

وكتاب الشعر(الحب اليتيم )

نفسى ارتبط بإنسان صالح يحافظ عليا واحبه ويحبنى

ونفسى انى اعيش فى المدينة واندفن فى البقيع

5- مين أكتر حد محتاج تشوفه وترتاح فى حضنه أو تبص فى عنيه ؟؟

خالى

6- مين أكتر حد نفسك تخسره ؟؟؟

السؤال دا لو من اسبوع كنت جاوبته

لانى دلوقتى خسرته

7- من وجهة نظرك ... إيه هى الحياة ؟؟؟

رحله

8- ياترى هتقع فى الحب تانى لو حبيبك/حبيبتك سابك أو لو كان سابك بالفعل ؟؟؟؟

انا اللى ازعل عليه بجد انى احب حد وحد يحبنى والقدر هو اللى يفرقنا ( الموت )

لكن انه يمشى ويسيبنى دى لا مزعلش لان اللى بيحب بيعمل اى حاجة عشان ميخسرش حبيبه

الحياه مبتقفش على حد ميستهلش انك تزعل عليه حتى لو حبيته

9- ياترى تقول إيه للعالم كله ؟؟
....
عيب عليكم

10- ياترى لو هتخسر كل اللى حواليك فى سبيل حلمك ؟؟؟ هتكمل وتحاول تحققه حتى لو كان مستحيل ؟؟؟

هو مفيش حلم يخليك تخسر اللى حواليك هو ممكن تلاقى حلم حد معارضك فيه انت تتحداه وتحققه ساعتها هو هيعرف انه كان غلطان

11- ياترى إيه أكتر إحساس عشته الايام اللى فاتت ؟

احاسيس كتير حب وكره وخوف وامان وفرح وحزن ارتياح واستسلام وجبروت كلها احاسيس متناقضة

بتمررى التاج دا لمين ......

حبايبى كتيييير وخايفة انسى حد نفسك طويل يلا عد معايا

جهاد :)

شوكولاته:)

ويلا:)

عادل:)

محمد البنا :)

كلام من قلبى

كشكول 100 ورقة

حاجات جوايا

رهف

ياسمينا

افروديت

امير الحب

احاسيس ايوشة

هى وظروفها

اتنين حبيبين

فكرة من الزمن دا

لولا وزهراء

محمود باحث عن الحب

الحب الجميل

فولتا

زناتى

ساسو

emymony

ويلا

الازهرى

الشوكة الناعمة

قلب قطة

بنوتة

محمد غالى

د/ احمد لاشين

خواطر شابه

مى

وياااارب مااكون نسيت حد

فاكر ولا لا

اخدنى الشوق والحنين ومسكت الريموت وقعدت قدام التى فى ( اللى هو التليفزيون )
وانا بقلب استفزنى اعلان برنامج اللى بيقدمه الواد اللى فاكر نفسه حليوة دا اللى هو امير كرارة ايوا هو دا اللى كان بيقدم برنامج ستار ميكر اللى خرجلنا ايساف وشاهيناز وغيره وغيره
سيبك انت من الرغى دا اللى استفزنى بقى انه فى البرنامج بيقولك ايه فااكر ولا لا ... لو حافظ اغانى عربى كتير وحافظ كلماتها كويس اتصل وتعالى هتكسب 250 الف جنيه والناس بتتصل وتموت كدا وياااااه لو راحت وكسبت يجيلها ساكته قلبية ولو مكسبتش يجيلها نقطة وبرضو هتموت :)
..........................
برضو سيبك من الرغى دا :):)
اللى بيحزنى بقى ان مفيش اعلان كدا يقولك لو حافظ ايه واحدة من القران مش يقول سورة ولا صفحة
ربنا بيقولك انك لو حفظت القرآن وختمته وفضلت تراجع عليه هتشفع لسبعين من اهلك وهتدخل بيهم الجنه ...........
بالزمة انك تقعد ليل ونهار تحفظ كلمات اغانى عشان 250 الف جنيه ومسيرهم هبتصرفوا على جوازة ولا دواء ولا سفر ولاعربية ...... ولا انك تحفظ قران تدخل بيه جنه الخلد
فكروا كدا بجد انا بحزن على الشباب دول
بحزن لما بلاقى بنت هتموووووت من العياط وعنيها بقت زى الاوطة (الطماطم ) :):)
عشان حفلة تمورة فاتت ومتفرجتش عليها وبحزن على الشباب اللى بيسقط البنطلون ويلبس سلسة وياكل لبان ويقلد تقليد اعمى
بحزن على الشباب اللى يفضل سهران طول الليل بيحمل شريط دياب الجديد ولا اليسا
وربنا بينزل كل يوم فى التلت الاخير يقول هل من تائب هل من مستغفر
فكروا فيها بجد ليه بنبص تحت رجلينا وبنطمح اننا نكسب الدنيا وناسين الاخرة
حد يقولى ياستى ماهو احنا بنصوم رمضان وبنصلى وبنقرا قران وبنقيم احنا هنموت نفسينا يعنى :)
طب دا فى رمضان فين باقى الشهور
انا مش بكتب هنا عشان اقول الاغانى حرام ولا بطلوا لا
انا جاية بدردش وهسيبكم تفكروا
لو انت مت وانت بتسمع اغانى .......... ولا لو مت وانت ماسك مصحفك :)
من مات على شىء بعث عليه
......................................
عايزة دعوااااتكم الفترة اللى جاية
ربنا ينصرنى :) ويوفقنى لما فيه الخير

خاين هقتله

هذه اولى كلمات سمعتها من امى
كنت عائده يوما من التدريب حتى سمعت امى تصيح خاين .... هقتله دهشت وحدثت نفسى (يالهوى امى بتتكلم على مين !!)
اغلقت البوابه من خلفى وصعدت مسرعا على السلم وما ان وصلت الى الباب وجتها تحمل بندقية اخى وتصوبها نحوه
( صحت : لا ياماما علشان خاطرى )
دنوت مسرعه نحوه واخذته فى حضنى واردت ان احميه من بطش امى ونظرت لامى
ايه ياماما هتقتليه ليه حرام عليكى
ماما : لا مش حرام عليا دا خاااين متمررش فيه العشرة
ادمعت : طب علشان خاطرى
ماما : لااا هو مش هيبات فى البيت النهاردة انا صبرت عليه كتير لكن النهاردة خلااااص لحد كدا كفاية اوى الخاين
نظرت له واخذت اتحدث معه : ليه تعمل كدا مش عيب تسرق حاجة حد انا علمتك كدا وبعدين انت ناقصك ايه شوفت عمايلك دى هتوصلك لايه
ونظرت لامى : خلاص ياماما علشان خاطرى طب بصى اهدى انت وانا هعلمه الادب وعقابا ليه مش هيبات النهاردة بس وبكرة هيرجع تانى خلاص
وفعلا بات برة البيت ومن ساعتها مشفتوش تانى ولا رجع
فعلا خاين متمرش فيه العشرة ولا المعروف
..........................................................................................................................

طبعا عمالين تقولوا مين دا ابوها ولا اخوها ولا ميييييين اكيد الشيطان لعب فى دماغكم بمفكين ههههههههه

هنت عليك

راجع دلوقتى تبكى وندمان
تقولى حبيبتى انسى اللى كان
اتأكدت انى الخسران
خلينا نرجع زى زمان

زمان كنت حبيبى
كنت اتمنى تكون من نصيبى
زمان انا هنت عليك
صيعتنى من بين اديك
زمان قولتلى انسينى
جاى دلوقتى بتقول ارجعيلى
خلاص الوقت فات
جيت بعد الميعاد
مبقاش فى قلبى حبك
صدقنى انا كرهتك
لافى يوم هنسى اسائتك ليا او قسوتك عليا
انت خلاص كسرت جوايا حاجات
مبقاش ليك ذكريات
بس اللى نفسى اعرفه انا كان ذنبى ايه
عملت فيا كدا ليه
لو الغلط منى كنت قولى غلطت فى ايه
سبتنى فجأه وقولت خلاص
مفرقش معاك العشرة اللى بينا ولا احساس
وال عايزنى اسامحك طب على اى اساس
انت اللى انسى وروح
قلبى مش ناقص جروح
انا مصدقت داويته
ياريته ماحبك
ياريته ماعرفك
صدقنى خلاص كرهتك

المسأله المستحيلة

وحشتونى وحشتونى وحشتونى :):)

بقالى ساعة قاعدة محتارة اكتب ايه ولا ابتدى منين
لكن مش هقول غير انى سعيدة جدا جدا جدا
انى رجعت تانى انا وعدتكم انى هرجع اى نعم اتاخرت بس مش كتير 6 شهور بس :):)
مش عارفة انا وحشتكم زى ماانتو واحشنى كدا ولا ايه
ام هند محتارة احط اول بوست ايه اى والله هههههههه حاسة ان دماغى واقفة
لكن يومين بس وهتتظبط وهرجع دموع بتاعه زماااااان عارفينها ايون هى دى :):)
انا اللى لاحظته الفترة اللى فاتت ان كتير من المدونين اللى انا بحبهم سابوا التدوين ودا كان مزعلنى ويمكن كان مخلينى مش راضية ارجع تانى
اتمنى انهم يرجعوا تانى لانهم وحشونى

دى حاجة كدا على ما اثم لغاية مااظبط دماغى

انتو عارفين انى كئية من يومى فدا الطبيعى :(:(

بعد ان محوتك من ذاكرتى وابعدت رسائلك عن متناول يدى وقذفت بصورتك بعيدا عنى .وابتعدت عن كل شىء يذكرنى بك . واعلنت نسيانك للابد

وختمت على قلبى لكى لايتذكر وينسى حبك مهما حدث

فعلت كل شىء .كل شىء لكى انساك

وفجااااه فتحت كتابا كنت منذ دقائق اقرأ فيه اخذت اقلب صفحاته فوجدتك

وجدت احدى صورك .....وبجوارها احدى الوردات التى اهديتنى يوما اياها ......فوجدت نفسى تبتسم واخذنى الشوق اليك واسرعت خطاى لكى اتصل بك علمت وقتها

انها مسأله مستحيله ان انساك