الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

السبت، 18 ديسمبر، 2010

انا بطاطسايه


خليك بطاطسآيه مهروسه او مقليه

عارفين ليه البطاطس المحمرة هي الاكلة الوحيدة التى اجتمع الناس كلهم علي حبها .. >> ؟

1- البطاطس المحمرة لما بتتقلي في الزيت بتبقي عادة مقرمشة من برة و طرية من جوة

-عشان كدة لما حد يعمل معاك موقف سخن اوي ماتعملهوش وحش اوي..
ايوة حاسسه انك زعلان منو خد موقف بس خلي قلبك ابيض وطري
طيب يعني "مش ناشف و سامح عشان ربنا يسامحك .

2- البطاطس المحمرة تلاقيها عند ماكدونالدز و كنتـآكى
ولا بلاش مكدونالدز و كنتاكى عشان احنا مقاطعين
و برضه تلاقيها عند بتاع الفول والطعميه

- انت كمان خليك زي البطاطساية ماتتكبرش علي حد وصاحب كل الناس غني او فقير

3- البطاطس المحمرة بتتقدم مع حاجات كتير : مايونيز ,كاتشب ,صلصات مختلفة
و ساعات كمان طحينة واجمل حاجه لما بتكون بلملح والدوقه

بس..بتفضل في الاخر اسمها بطااااطس

-يعني مهما اتعرضت انت لثقافات و بيئات مختلفة احتفظ دايما بشخصيتك المستقلة
و طريقة تربيتك خلي الناس هية اللي تتاثر بيك

4- البطاطس ممكن كمان تبقي شيبسي و هي اول واسرع حاجة
بنفكر فيها لما بنحس بالجوع و احنا بره البيت

- عشان كده ساعد الناس دايما و خليك اول واحد ييجي علي بالهم لما يقعوا في مشكلة
و خليك جدع وسهل ومتاح زي "الشيبسي"

5- البطاطس المحمرة لو اتهرست بتبقي كمااااان طعمها حلوو ممكن نسميها "بطاطس بيوريه"
فمهما الدنيا تهرس و تبهدل فيك وتطلع عين اللى خلفوك

خليك شخص كويس و لذيذ و طلع للدنيا لسانك و قول ..

" انا بطاطساية مهروسه "

ببساطة عشان تبقي محبوب من كل الناس خليك بطاطسيه

*******************

حلقه جديده من
((((((قلــــــوب بــــلا مرســــــي))))

اكيييد رأيكم يهمنى

الاثنين، 13 ديسمبر، 2010

دموع وألحان


امسكت كمانها واخذت تتحسسه بأصابعها وكانها تعتذر له عن طول الغياب ..... ثم بدأت فى العزف .....انها تشكو تتألم تشتاق تبكى فى صمت ...... كل لحن من الحانها يأن........اخذت تعزف وتعزف شاركتها الطبيعه حزنها تلبدت السماء بالغيوم واشتدت الرياح التى تموج بين طياتها احزان دفينة ....وفجأه ساد الصمت .....ثم اخذت نفسا عميقا واغمضت عينها للحظات أرتسمت الابتسامه على شفتيها ... وعادت الى العزف من جديد .... تغير لون لحنها ....فقد هام على خيالها ذكريات جميلة .....رسمت الورود بين الحانها ........تذكرت حبيبها يوم ان التقت به .....يوم ان صرح لها بحبه ....يوم ان تسابقا تحت زخات المطر .....يوم ان تشابكت يداهم وهم يسيران بين الزهور والاشجار ....لحظة ان جعلها تغمض عينها تحلم بالمستقبل معه لتفتحهما على كابوس الفراق .... فلم تجده جانبها .....فقد ذهب وتركها تشكو غدر الايام ....ترك قلبها غارقا فى بحر حبه ......اخذت تتذكر وتتذكر ...وسرعان مااختفت الابتسامه ....وبدأت الحانها تأن من جديد الى ان انتهت من عزف اخر مقطوعه .......انسابت الدموع على وجنتيها .....ومالبثت ان تقوم حتى وجدت يد حانية توضع على كتفيها ...انتفض جسدها ابتسمت ....تذايدت انفاسها .....ثم التفتت لتجده امامها ....بكت ثم ضحك ثم ارتمت بأحضانه ....ليبدأ قلبها بالعزف على اوتاره اجمل الحان الحب

بقلمى / تغريد احمد

23/11/2010

*****************

**غروب الحب **
حلقه جديده من
((((((قلــــــوب بــــلا مرســــــي))))

اكيييد رأيكم يهمنى


الاثنين، 6 ديسمبر، 2010

اعترافات بنوتة



التدبيسة دى جاتلى من اسماء عبد العزيز صاحبه مدونة امنحينى عذرا طبعا انا مقدرش ارفضلها طلب لانها اعز صديقاتى ربنا يخليها ليا
الصراحة انا من عارفه اكتب ايه بس كتبت كل اللى جه على بالى انا رغاية بقى واستحمولوا ههههههههه

بالنسبة لدراستى:

انا فى رابعه اداب اعلام قسم صحافه انا كنت علمى رياضه وكان هدفى انى ادخل هندسة لكن ربنا مأردش دخلت كلية الاداب وكان املى انى ادخل قسم علم نفس لانى بحبه جدا كان طموحى انى احضر الماجستير بس اكتشفت انه مينفعش فدخلت اعلام حسيت انها حاجة كبيره الدراسه جمييلة وسلسه مع الدكاترة السلسين ...لكن عندنا دكاترة اعوذ بالله والحمد لله ربنا وفقنى ووصلت لسنه رابعه وعقبال كدا مااخلص خالص القسم صعب جدا فى مذاكرة مواده لانه كلها كلام اكاديمى ونظرى بحت

بالنسبة لتدريبى او شغلى

انا بقالى 3 سنين فى مجال الصحافه اشتغلت فى اخبار الشرقيه واخبار الشرقيه اليومية وبانوراما اخبار الشرقيه واخييييرا اشتغلت فى صوت الوفد وانا فيه حاليا لكن لسه انا فى مرحله لدراسه سياسيه الجرنال جالى شغل فى القاهرة لكن اهلى مرضيوش

بالنسبة لطموحاتى

ان شاء الله هحضر دبلومة فى الصحه النفسية _ واكمل فى مشوارى عشان اكون مدربه تنمية بشرية _ واتمنى انى انشر كل كتاباتى _ بسعى دائما للتعلم كى اكون زوجة تقيه وام مثاليه _اتعلم اشارات الصم والبكم وان فعلا فريق انوار رساله ههيا يقوم على ارض صلبه لاننا بيه هنسعى لتغيير فكر مجتمعنا توسيع مداركهم واكسابهم مهارات جديده _ وان فريق تيم كنوز واللى اانا عضوة فيه يكون من اكفأ الفرق فى الشرقيه

نفسى اعمل حلقه تحفيظ قرآن للاطفال

بس خايفه لانهم قالولى دى امانه يعنى لو حفظتهم حكم غلط او نطق غلط هاخد ذنبهم

اكتر حاجة زعلتنى انى مكملتش فى معهد القراءات بس دا لان امتحاناتهم فى نفس توقيت امتحاناتى فتوقفت كنت اتمنى انى اكمل مع والدتى واكون معاها دلوقتى فى معهد الدعاه انا بجد بغبطها جدااا

بالنسبة لهواياتى

بشكر واالدى جدااا لانه اول واحد اكتشف موهبتى الشعريه ......كنت فى مرة ماسكه جرنال لقيت صفحة الادب عجبنى الكلام وكان نفسى اكتب زيه اشمعنى هما وبدأت اكتب اى حاجة تيجى على بالى وكنت اورى لبابا كان بيشجعنى وبيصلحلى اخطائى وبيعلمنى ومن هنا كانت بدايتى كتبت اشعار كتيير جدا وخواطر ونثريات

بشكر حبيبه قلبى اسماء عبد العزيز وهى اول واحده اتبنت موهبه كتاباتى القصصيه وبدأت توجهنى وكل ماكنت اكتب حاجة اوريهالها وهى تظبطهالى بحبهااا جدا ويارب ترجع بالف سلامه لان البلد وحشه من غيرها جدا


عندى موهبه تمثيل رهييييبه واول مرة اعرف دا لما اصحابى دبسونى انى اعمل دور واحده فلاحة ولبست وظبطت نفسى وعملت الدور محدش كان مصدق انى دا انا .....ومن هنا كل مانطع رحله مع المسجد بيحطونى اول القائمه هههه


بعمل عروض جميلة للاطفال فى الحفلات تبع المسجد ......ودربت اصحابى على عروض كنا بنعملها فى حنه اصحابنا وبننشد وكانت فى منتهى الجمال والكل شهد بيها .....كان عايزين نقول ان برضو الافراح الاسلامية جميلة مش كئيبة ومعقده


بالنسبة لشخصيتى

انسانه متزنة فى كل حاجة بعرف امتى اكون قوية وامتى احسس اللى قدامى انى ضعيفه امتى اكون عقلانية وامتى اكون عاطفيه امتى احب وامتى اهجر امتى اكون حازمة وامتى اكون متساهله الخ

.شخصيه صامته جدا وهادية مع الاغراب ورغايه وفرفوشه مع اللى اعرفهم

بحب الناس جدا سعادتى بتكمن انى اشوف حد سعيد بسببى

مبحبش ازعل حد مهما حصل .اى نعم ساعات بخربط فى الكلام لما اكون زعلانة بس بروق بسرعه جدااا وبعتذر

منصته جيده للى بيتكلم

بحب كتير اخد قرار لوحدى عشان اتحمل انا نتيجته بس مفيش مانع لو اخدت برأى ذوى الخبره

بحب اسرح بخيالى كتييييير لكن عقلانية فى نفس الوقت ولو فيه قرار لازم احكم عقلى وتحكيمى لعقلى تعبنى كتيير وانقذنى كتيييير

عندى طوله بال كبيره وصبوره

اكتر حاجة بكرهها انى الاقى اللى قدامى بيستغلنى .واكتر حاجة بتضايقنى ان الناس اللى بحبهم اكتر ناس تتمنالى التعاسه واكتر حاجة توجعنى الكذب والخيانة اكتر حاجة بقدرها الحب والصداقه

... قلبى عمره مايقسى ابدا يمكن وقت الزعل بس وفى ثانية بروق وعمرى فى حياتى ماكرهت حد ولاشلت من حد ومهما عمل فيا عمرى مابدعى عليه .......دموعى قريبه جدااااا ويمكن دا بيحسس اللى قدامى انى ضعيفه

بحب الاطفال ومغرمه بالقعده معاهم بحس انى برجع طفله تانى بفضل اجرى واتنطط والعب جدعه قوى مع كل الناس اللى اعرفها واللى معرفهاش

عنيده محبش حد يفرض عليا راى انا مش مقتنعة بيه لمجرد انه بس يرضى غروره

دمى خفيف بكره النكد موووت احب الفرفشة والدماغ الرايقة على الرغم انى احيانا بكون كئيبة ونكدية

احيانا مش باقدر اسكت على وضع غلط بدافع عن الناس واجيب حقهم من بق الاسد زى مابيقولوا لكن باجى لغاية عندى ومبعرفش اجيب حقى L

حيانا متمردة واحلامى اكبر من قدراتى بتحمس بسرعة وبفقد حماسى بنفس السرعة ومن غير اسباب

متقلبة جداً وهوائية بحب الشتا والجرى تحت المطر بحب الليل ومنظر النجوم والقمر

مرنة جداً يعنى بقدر اتأقلم مع اى ظروف والحمد لله بقدر اكون متفائلة فى ظل اى ظروف

احياناً يكون عبيطة بس بمزاجى كلامى ليه معنى واحد بس .. يعنى مش بعرف اقول كلمة وانا اقصد بيها كلمة تانية وللاسف دايماً الناس بتعاملنى العكس بتعاملنى على اساس انى اقصد معنى تانى


بس اللى عايزة اقولوا ان تغريد بتاعه امبارح غير بتاعه النهارده غير بتاعه بكره

بحس انى كل يوم فى تغير مستمر للافضل دائما


بالنسبة للصداقه

اكتر حاجة سابت اثر فى نفسى انى حبيبت اصحابى جدا جدا وفى الاخر ملقتهمش مخلصين ويمكن أنى من النوع اللى بيحاول يتخطى الازمة بسرعة وبحاول اخرج من كل تجربة مؤلمة بحاجة تخلينى اقوى كان زمانى انهرت نفسيا من كل اللى حصلى

لكن ربنا عوضنى بصديقه بجد ربنا يعزها بحبها جدااااا (امنية محمد ضيف ) صاحبه مدونة كبر دماغك اتعلمنا مع بعض كتير ومهما حصل مبنزعلش وفعلا بنخاف على بعض

مبقتنعش خاالص بفكرة الصداقه بين الولد والبنت

بالنسبة للحب

بقدر الكلمة دى قوى وبديها حقها .....نفسى تتمحى كلمة الفراق من القاموس ...بفرح قوى لما احضر فرح واعرف ان الاتنين كانوا بيحبوا بعض ...وعلى رغم من كل دا اتحبيت كثير لكن عمرى ماحبيت حد عمرى ماسبت لنفسى المساحه انى احب حتى لما اتخطبت كنت خايفه افتحله قلبى وفضل الباب متوارب ...خوفى من خوض التجربه كان بيمنعنى انى اجرب ....خوفى من كلمة الفراق نفسها كانت عائق ....اقولكم على حاجة انا حتى لما كنت افكر انى احب واعيش فى خيالى انى بدأت فى قصه حب مكنتش احب انها تكون سهله يعنى مش هيكون للحب معنى من غير عوائق واحنا نتخطاها عشان نرتبط ويمكن توصل اننا نفترق بس نرجع تانى لبعض بس حتى لو حصل دا وحبيت ومش هكون بالجرأه الكافيه والشجاعه انى اقف قدام اهلى عشان انصر حبى ...على رغم انى .بقف جنب اصحابى قوى وبشجعهم انهم ميضحوش بالساهل قلبى بيبكى لما اشوف دمعه واحده او واحد مش قادرين يكملوا حبهم .....عارفين كمان انا حتى مش عارفه افهم نفسى ان كنت مع او ضد الحب ......لكن بدعى ربنا يرزقنى الزوج الصالح اللى يذيقنى طعم وحلاوة الحب الحلال

بصراحة عندى كلام كتييير وزمانكم دلوقتى بتقولوا ربنا ينتقم من الكفرة يمهل ولايهمل هههههههههه

بعتذررر لاى حد ضافنى على الفيس وانا مقبلتش الاضافه وياريت كلهم يتقبلوا اعتذارى لانى بجد مبضفش شباب غير اخواتى واقرب الاقربين

وكمااااااااان ياريت تسامحونى على تقصيرى معاكم هانت اهو كلها ايام معدودة والامتحانات تخلص

كل سنة وانتم طيبييييين

تحيااااااااتى القلبية للجميع

اختكم فى الله
تغريد احمد

الجمعة، 26 نوفمبر، 2010

كروت شحن وموبايل والكل كاسبان !!!!!!!!!!!!!!!!!!!


عزيييييزى

لاتنتدهش اذا فوجئت الفترة السابقه
بمجهول يأخذك بين احضانه من دون مناسبة !!!!!!
او يقف على بابك ويهديك كرتونه بها زيت وكيلو سكر وكام صابونة !!!!
او يعدك ان قريريط ارضك الزراعيه ستدخل كردون مبانى بقدرة قادر !!!!
او ينتهز فرصه العيد ويرسل لك كام كيلو لحمة ...او يقوم بدفع مصايف اولادك المدرسية !!!........

ولا تستعجب !!!!!!

عندما يقوم احدهم بوضع حفنه من اللحاليح المصرية وهى جمع لحلوح وهو طبعا الجنيه المصرى الغلبان ...
او يعطيك موبايل وكروت شاحن كادوه !!!!

ولا تستعجب!!!!

ان رأيته فى سراديق العزاء وهو من الاصل لايعلم من الراحل ...او تراه يرقص طربا فى الحفلات والافراح من دون سابق دعوة ................ او انك ترى صورته وقد بدا ( منتفخ الاوداج مبروم الشنبات مبحلق العينين مثل الاسد العضنفر !! او تراه يخطب مفوها وكأنه احمد عرابى او سعد زغلول

لاتندهش!!!

اذا رأيت ولمحت إمراة تتوسل الى سيادتك لتمنحها صوتك الغالى وتستغل ملكاتها الانثوية من الدلال والحنان ونعومة الصوت وتسبيل العيون لخطف قلبك وصوتك

لاااااااا تندهش عزيزى الناخب فأنت فى موسم الانتخابات !!!!!!!!

والانتخابات كلها مصالح وتربيطات والكل اكيييييييد كسبان !!!!!!
فى القطفة الاولى سترى العشرات من المرشحين الذين لايملكون شيئا يؤهلهم ليمثلون الشعب !!

فى القطفه التانية تنخفض اعدادهم بشكل ملحوظ ولانهم يعلمون انهم راسبون مع مرتبة الشرف فسيكتفون باألاف من الحاليييح مقابل التنازل !!!!!!


يدهشنى ايضااااا

واسأل نفسى دائما ماهو السر وراء اندفاع الناس لدرجة الاقتتال على مقعد الشعب ؟؟؟
هل الناس لديها قناعه بأن مجلس الشعب برلمان نيابى حقيقى يعبر عن امال والام الموطنين بصدق ؟؟؟
.....هل يشرع القوانين ولاينتظرها من الحكومة ؟؟؟؟
.هل يناقش مشروعات القوانين التى يقدمها الاعضاء ...ولايجعلها حبيسه الادراج؟؟؟

هل يعرف هؤلاء ان من أسوأ عاااادااات المجلس هو التصفيق عمال على بطال للحكومة !!!!!!!!
_ وان جميع الاستجوابات تنتهى بالانتقال الى جدول الاعمال اى وكأنها لم تكن !!!!!!

ماااذاااااا يريد هؤلاء الذين ينفقون الاموال بهذا البزخ من دخولهم المجلس .
..ماذا ينتظرون هل تحولت عضوية البرلمان الى وجاهه اجتماعيه تستحق كل هذه الاموال والاقتتال والشراسه والبلطجة؟؟؟؟!!!!!!!!

من اهم ظواهر هذه الانتخابات الانفاق الغير مسبوق من المرشحين وبصورة لافته للانتباه
بدايه من التقديم للحزب الوطنى والتبرع (عمال على بطال ) وصرف ملايين بكل سهولة والمبالغه فى ذبح الاضاحى !!!!!! والتباهى بها سباق محموم فى الصرف وكأن اصحاب هذه النقود لم يشقوا بجلبها فالملايين التى يمتلكوها ظهرت بسهوووووووله والاسهل هو اسلوب إنفاقها

من هنااااا اتسائل هل مقعد مجلس الشعب او الحصانه تستحق كل هذه الملايين ؟؟؟؟؟
وهل يعتقد المرشح ان جلوسه تحت القبه سوف يجعله يستعيد كل هذه الاموال مضاعفه ؟؟؟؟؟؟؟
هل يعرف طرق لكيفية التربح من دخوله المجلس بحيث انه يحسبها جيدا ؟؟؟؟؟؟؟
وكأنه استثمار مضمون والا لم يتهافت الجميع للوصول الى القبه !!!!!


اليكم اعزائى الناخبين .....

ان عملية الانتخابات فى النهاية شهاده سيحاسبنا الله عليها حسابا عسيرا .......من الامانة الوطنية ان تراعى الله والدين والوطن فى اختيار من يمثلك تحت القبه دوون النظر الى شكله او حزبه او دينه او غناه او فقره ......
فقد آن الاوان لدولة كبيره مثل مصر ان يكون لها برلمان حقيقى ونئب حقيقى وإراده حقيقيه ولن يصنع هذا غير شعبه
استعجب على من يقول لافائده !! او من ينادى بالمقاطعه !! او من لايقتنع ان صوته امانه !!
صدقونى ان لم تؤمن انت بالتغيير والاصلاح فسنظل فى القاع
ان الله لايغير مابقوم حتى يغيروا مابأنفسهم
وفى كل الاحوال فهى معذره الى الله اتمنى ان تحطم قيودك الفكرية وتسعى للتغير والتنمية وهذا لن يأتى الا بإختيارك للممثل المناسب الذى يختاره ضميرك وصدقونى ترك صوتك سبب من اسباب التزوير
ان لم تجد من يمثلك والكل سيىء فأذهب وابطل صوتك على الاقل اختر افضل السيئين








!

تحياااااتى القلبيه

*********************

موضوع جميل جدا وعجبنى فكرته وطريقه عرضه للاستاذ ماجد اتمنى انه ينال اعجابكم


((هكذا علمتني الحياة))

***************************

ضحايا الحب
.....
حلقه جديده من
((((((قلــــــوب بــــلا مرســــــي))))

اكيييد رأيكم يهمنى

الجمعة، 19 نوفمبر، 2010

بحبه ياباااباا



وحشتونى وحشتونى وحشتووووووونى
اى والله واحشين قلب ام برقوق خاص
بناتيتى الاعزاء جايالكم النهارده لانقل لكم بيان رسمى فهمى نظمى

ركزى معايا يانن عينى لو انت

بتحبيه.. بغلاسته وتناحته وبصباع رجله الخارج من شرابه المقطوع.

مش قادرة تستغني عنه وعاوزة أهلك يوافقوا على جوازكم؟


أول حاجة

لازم تختاري وقت مناسب عشان تفاتحيهم فيه..
وبما إن الأم هي اللي
بتعرف الحاجات دي أولاً؛
فلازم تتجنبي إنك تفاتحيها في الموضوع
ده في المطبخ..
جنب السكاكين والحلل اللي بتغلي والحاجات اللطيفة دي.. وده
مش ضمان كافي، للأسف عشان كده بانصحك تلبسي خوذة لتجنب الحوادث العرضية،
ويا حبذا لو لبستِ درع كامل يغطيكِ من "فوج لتحت" ومن "تحت لفوج".

لما تكتشفي

بقى إن الوالد والوالدة مش طايقينه،
وعندهم مشاكل جامدة مع موضوع
الشراب بالذات،
وده شيء متوقع زي ما احنا عارفين،
اعملي اللي هاقولك عليه.
والنتايج مش مضمونة.

.
اقفي في الصالة -لو وقفتِ في الصالون الموضوع كله
هيبوظ- وارفعي إيديك لفوق في حركة مسرحية -تخيلي نفسك "أمينة رزق" في أي
أفلامها- وإذ فجأة وعلى حين غرة وعلى حين بغتة، اقعي
(هيكون شيء لطيف لو
حطيتِ شوية جلسرين تحت عنيكِ ونكشتِ شعرك قبل الوقوع).
في الأول أهلك ولا
هتتهز ليهم شعرة.. مش مهم.. استمري في الدور لغاية النهاية حتى لو ما فيش
مشاهدين غيرك.
اثبتي في مكانك.. ساعة.. ساعتين.. تلاتة.. لحد ما يبدءوا
يشكوا إن الموضوع بجد.

إياكِ إياكِ لما يقربوا منك تضحكي! افتكري كل الحاجات الوحشة اللي مرت بيكِ..
من أول المصاصة اللي اتسرقت منك في
الحضانة لحااااد الحلقة الأخيرة من مسلسل
"ليلة القبض على فاطمة"

، وعشان تزودي المأساة تخيلي نفسك "فاطمة" شخصياً.
طبعاً


هيحاولوا يفوقوكِ بأرق الوسائل الممكنة (جردل مية متلجة)، مش هتفوقي..
وتقعدي تقولي كلام مش مفهوم.. من نوعية و"أعمل إيه باللي في بطني"
(مش الأكل أكيد)
، وتمثلي دور رقصة الفرخة الأخيرة عند الفرارجي.. شوية
vibration يعني!
لو سمعتي أصوات غريبة حواليكِ، وصوت -خير اللهم اجعله
خير- زي صوت سن سكاكين وسواطير، أوعي تفتحي عينك..
حتى لو حسيتِ بحاجة
بتزغزك على رقبتك..
لأن كده أهلك يبقوا حلوا ليكِ المشكلة..

من جذورها!

والبقاء لله



الى هنا اعزائى ينتهى بيانا
عايزة اسمع اخبار سعيده
فوتوكم بعافية تيك كيييييير

***********************

حلقه جديده من
((((((قلــــــوب بــــلا مرســــــي))))

اكيييد رأيكم يهمنى

كل سنة وانتم طيبييييين

بحبكم فى الله


الأربعاء، 17 نوفمبر، 2010

بشرى سااااارة جدااااا


بشرى سارة، ومفاجأة كبيرة ومدوية يعلنها د.عمرو خالد في تسجيل من جبل عرفات، حيث أكد د.عمرو في التسجيل أنه سيقوم بتنظيم عدداً من الدروس واللقاءت في مصر، يبدأها بمحاضرة جماهيرية ضخمة في الإسكندرية، تحت رعاية جمعية الإسكندرية للتنمية في الثامنة من مساء السبت القادم 20 نوفمبر، وهو أول لقاء جماهيري لدكتور عمرو بشباب مصر منذ أكثر من 8 سنوات من الانقطاع عن إقامة الدروس والمحاضرات الدينية طوال تلك الفترة.

ودعا د.عمرو جميع زوار الموقع والفيس بوك بنشر الدعوة، حتى يمتلئ المكان عن آخره، فالمحاضرة ستكون عامة في سرادق كبير سيقام في (أبو سليمان) بمنطقة الرمل بالإسكندرية.

ووعد د.عمرو الجميع بألا يكون هذا هو اللقاء الأخير، بل سيكون بإذن الله الأول، وسيليه لقاءات كثيرة فيما بعد.


http://amrkhaled.net/newsite/news.php?section=UGVyc29uYWw%3D&id=MTIzMQ%3D%3D

لينك كلمة عمر خالد

***************************

دى حاجات ليا كنت نشرتها من زمان فى منتديات
اتمنى انها تنال اعجابكم
عايزة رأيكم فيها وايه اكتر حاجة عجبتكم

اووووك

اولا الشعر

كبرياء امرأة
بجريدة شباب مصر
http://www.shbabmisr.com/sys.asp?browser=view_article&ID=3355

كبرياء امرأة بمنتدى عاطف الجندى
http://elgendy.getgoo.net/montada-f1/topic-t13032.htm


حب ايل للسقوط
http://elgendy.getgoo.net/montada-f1/topic-t13096.htm


ليلة لن انساها
http://elgendy.getgoo.net/montada-f1/topic-t12854.htm#140106

عذرا ياقلبى

http://elgendy.getgoo.net/montada-f1/topic-t13933.htm#152603


*********************
ثانيا النثر

شمس وقمر
http://elgendy.getgoo.net/montada-f17/topic-t13931.htm#152600

المحب المنكسر
http://elgendy.getgoo.net/montada-f17/topic-t13097.htm

امل ضائع
http://beetk.com/show-1370&Tit-%D8%A7%D9%85%D9%84_%D8%B6%D8%A7%D8%A6%D8%B9_.html


الربيع الغائب
http://beetk.com/show-1369.html

رباط وعهد
http://beetk.com/show-1371&Tit-%D8%B1%D8%A8%D8%A7%D8%B7_%D9%88%D8%B9%D9%87%D8%AF.html

*****************
قصص
بس دى مش بتاعتى دى بتاعه الموهوبة ايثار جمال بنت خالتى هى بنوتة جميلة عندها 10 سنين لكن ماشاء الله عليها

العمر عمر
http://elgendy.getgoo.net/montada-f12/topic-t12858.htm

هنفضل اصدقاء
http://elgendy.getgoo.net/montada-f12/topic-t12857.htm

ودى مدونتها يارب تنال اعجابكم
http://barbie-girle.blogspot.com/

**********************
دى اول كتاباتى القصصية بس طبعا انا بكتبها من تانى بأفكار جديدة وبأسوب جديد
http://beetk.com/show-1363&Tit-%D9%88%D8%A7%D9%86%D8%AC%D9%84%D9%89_%D8%A7%D9%84%D8%AD%D8%B2%D9%86_-_%D9%82%D8%B5%D8%A9_%D9%82%D8%B5%D9%8A%D8%B1%D8%A9.html
اسمها وانجلى الحزن
*********************
اسلاميات

مصباح علاء الدين
http://beetk.com/show-1383&Tit-%D8%B1%D9%85%D8%B6%D8%A7%D9%86_.._!!.html

بتحبيه
http://forum.amrkhaled.net/showthread.php?t=358365

ودى بقى اوول مدونة ليا كنت بحط فيها كتاباتى الشعرية والادبية
بس للاسف نسيت الباص بتاعها فهى الان مهجورة :(:(
همسات حالمة
http://hmasat-halema.blogspot.com

ههههههههههه
وكدا يبقى وصلنا لاخر فقرتنا اللينكية
اتنمى لكم قراءة ممتعه
فى رعاية الله وحفظه

****************

(( خيبة امل ))

حلقه جديده من
((((((قلــــــوب بــــلا مرســــــي))))

اكيييد رأيكم يهمنى

كل سنة وانتم طيبييييين

بحبكم فى الله

الأحد، 14 نوفمبر، 2010

المحب المنكسر



المحب المنكسر القلب غزير الدمعات..... صادق العبارات .....جم المشاعر ......فقير من الكبر

مقل من الدعاوى ...... المحب المنكسر

فى قلبه حرقه ....وفى وجدانه لوعه ..... فى وجهه اسى

وفى دموعه اسرار

المحب يعرف الهجر والوصال واللقاء والفراق والاقبال والاعراض .......له فى كل واقعة عبر

فالحمام اذا غرد بكى .... والليل اذا اتى تذكر

والبلبل اذا شدى اشتاق

المحب يكتب من الدموع قصصا وينظم من الاهات ابياتا

ويؤلف من البكاء ...... خطبا المحب لايتكلم

فهو مثل الطائر الجريح ..... لايصل الى القمر ولايستطيع عن الالم يحكى ويتكلم


****************************

(( خيبة امل ))

حلقه جديده من
((((((قلــــــوب بــــلا مرســــــي))))

اكيييد رأيكم يهمنى

كل سنة وانتم طيبييييين

بحبكم فى الله