الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

السبت، 18 ديسمبر، 2010

انا بطاطسايه


خليك بطاطسآيه مهروسه او مقليه

عارفين ليه البطاطس المحمرة هي الاكلة الوحيدة التى اجتمع الناس كلهم علي حبها .. >> ؟

1- البطاطس المحمرة لما بتتقلي في الزيت بتبقي عادة مقرمشة من برة و طرية من جوة

-عشان كدة لما حد يعمل معاك موقف سخن اوي ماتعملهوش وحش اوي..
ايوة حاسسه انك زعلان منو خد موقف بس خلي قلبك ابيض وطري
طيب يعني "مش ناشف و سامح عشان ربنا يسامحك .

2- البطاطس المحمرة تلاقيها عند ماكدونالدز و كنتـآكى
ولا بلاش مكدونالدز و كنتاكى عشان احنا مقاطعين
و برضه تلاقيها عند بتاع الفول والطعميه

- انت كمان خليك زي البطاطساية ماتتكبرش علي حد وصاحب كل الناس غني او فقير

3- البطاطس المحمرة بتتقدم مع حاجات كتير : مايونيز ,كاتشب ,صلصات مختلفة
و ساعات كمان طحينة واجمل حاجه لما بتكون بلملح والدوقه

بس..بتفضل في الاخر اسمها بطااااطس

-يعني مهما اتعرضت انت لثقافات و بيئات مختلفة احتفظ دايما بشخصيتك المستقلة
و طريقة تربيتك خلي الناس هية اللي تتاثر بيك

4- البطاطس ممكن كمان تبقي شيبسي و هي اول واسرع حاجة
بنفكر فيها لما بنحس بالجوع و احنا بره البيت

- عشان كده ساعد الناس دايما و خليك اول واحد ييجي علي بالهم لما يقعوا في مشكلة
و خليك جدع وسهل ومتاح زي "الشيبسي"

5- البطاطس المحمرة لو اتهرست بتبقي كمااااان طعمها حلوو ممكن نسميها "بطاطس بيوريه"
فمهما الدنيا تهرس و تبهدل فيك وتطلع عين اللى خلفوك

خليك شخص كويس و لذيذ و طلع للدنيا لسانك و قول ..

" انا بطاطساية مهروسه "

ببساطة عشان تبقي محبوب من كل الناس خليك بطاطسيه

*******************

حلقه جديده من
((((((قلــــــوب بــــلا مرســــــي))))

اكيييد رأيكم يهمنى

هناك 32 تعليقًا:

همسات وبحــ الحياه ــر يقول...

دعواااااااتكم

دعواااااااااتكم

دعواااااااااااتكم

بجد محتجاها

احبكم فى الله

امتحانى يوم 1/9 /2010 :(:(:(

شمس النهار يقول...

مش ممكن بوست جميل رائع

فكرة جملة مبتكره

:))

وان شاء هنشدد الدعاء
ربنا معاكي

تعالي عندي المدونة في فزورة ياريت تحليها

:))
وهروح اشوف القصة حااااااالا

شمس النهار يقول...

رحت اشوف الحلقه الجديده لاقيت 14 برضوا هي فين الحلقه الجديدة

ماجد القاضي يقول...

السلام عليكم

أحييك على الفكرة الجميلة جدا والجديدة جدا....

ربنا ييسرلك أمرك ويوفقك لما يحب ويرضى.. آمين.

دمتِ سالمة أختي الكريمة.

جايدا العزيزي يقول...

اولا ربنا يوفقك اهو عدانى العيب وقزح

هههههههههههههههه

بدعيلك

بس ما ينفعش اكون بطاطايا

هههههههههههههه

اشكرك

تحياتى

mena يقول...

نايس توبيك بجد تسلم اديكى يا اجمل بطاطسايه وصدقينى مش محتاجه تشبهى نفسك بالبطاطس عشان تبقى محبوبه لانك فعلا محبوبه جدا عند ناس كتير واولهم انا اسفه على غيابى وتقصيري وحشانى جدا

مدونة رحلة حياه يقول...

السلام عليكم
اول فى مرة فى حياتى اقرأ مثل هذا التشبيه بين الانسان والبطاطسية ولك الشكر عليه
الا ان الله كرم الانسان عن غيره فلا تنسى ذلك
لك منى التحية

karmen يقول...

ربنا يوفقك حبيبتي
توبك جميل اوي عجبني تشبيهاته لابعد الحدود
تسلم ايدك حبي

Lady E يقول...

يا سلام عالكلام

ممكن نتعلم من البطاطس لكن منبقاش بطاطسايه

ربنا يوفقك وينجحك ويسهل عليكي الامتحانات يا همسات

موجة يقول...

هههههههههههه
انا بطاطساية مهروسة
انا بطاطساية مهروسة
انا بطاطساية مهروسة
بوست جميل

سندباد يقول...

ربنا يكرمك ويحققلك كل اللي تتمنيه انشالله
وجميلة فكرة البوست اوي دايما صاحبة مفاجات
تقديري واحترامي

المتبهـدلـون فـي الأرض يقول...

إيه الإبداع ده ياجدعاان ..ْ}ْ
وايه الهدوء ده .. دا ولا حمام بيتنا (في الهدوء بس)P-:
لا بجد الموسيقى ولا أحلى .. والتشبيهات حابكة وعلى المقاس .. بوست محمر لذيذ .. والحمدلله شبعت منه (1-5 نصائح ثرية ..بجد جزاكم الله خيرن)

ليس فقيرا من يحب يقول...

انا بطاطس بيوريه انا بطاطس بيوريه

انا شيبسى

هههههههه انتى عسل اوى اوى ورقيقه اوى اوى ياتوتى

بوست زى العسل والله

يارب يجعلنا بطاطس علطول ههههههههههههه

شدى حيلك يا موزتى وزاكرى كويس

ربنا يوفقك وينجحك

وحشتيييييييييييينى

يوميات شحات يقول...

جميل جدا الطرح ده
تشبيه بليغ و خصوصا ان الناس كلها بتحب البطاطس

Dr/ walaa salah يقول...

ايه التشبيه العسل ده يا تغريد

والله بوست جميل جداً

مشكوره يا حبيبتي وربنا يوفقك يارب

لـــولا وزهـــراء يقول...

اجمل همساااااااااااات فى بحر الحياه

ربنا يوفقك يااااااااارب فى الامتحانات وان شاء الله كل الحاجات اللى انتى عرفاها هى اللى تيجى فى الامتحان وبس

حلوه اوى موضوع البطاطس وانا باعشقها بجد وكمان ساعات بتكون من اسماء الدلع بتاعى ;)

جميل اوى انك تفكرى فى موضوع البطاطس بالطريقه دى والله انتى عسوله ودماغك جميله
فى انتظار بعد الامتحانات ان شاء الله


زهراء 

gogo!sf يقول...

صباح الخيرات يا بطاطسيتى الجميله

طبعا موضوع جميل وتشبيهات اجمل وعندك كل الحق في كلامك
بس الحقيقه معظم الكلام انا مقدرش اعمل بيه اطلاقا لانى بكل بساطه مهما بحب انى اساعد الناس وممكن اوى اضغط على نفسى اوقات كتير بمر بنفس اللى هما فيه ووقتها برفض مساعد اى انسان مهما كان عزيز على قلبى لانى اكيد لو هو هيعرف يساعدنى فى حل مشكلتى ماكنش هو وقع فيها

كل انسان بيحتاج فى بعض الاوقات انه ينفرد بنفسه وبيرفض تدخل الغير

وبصراحه انا من الناس الرخمه دى مش بحب حد يساعدنى ابدا وبحب اكتر احس انى الدنيا مرمتت فيا عشان اقدر اقاوم بعد كده ومش اتحط مرة تانيه فى نفس البروبلم

يعنى من الاخر احب اساعد الناس وبس

يعنى بحب اقاوم اوى عشان اقوى اوى اوى

موضوع جميل ومفيد جدا

تحياتى لموضوعات وكتاباتك الرائعه مثلك يا قمر

لـــولا وزهـــراء يقول...

هههههههههههههههههه يا واد يبتاع البطاطس انت
جمييييل الفكرة
لولا

اعقل مجنونه يقول...

حلوه حكاية البطاطس دى

ربنا معاكى يا قمر ومعايا انا كمان

iـــــــــــsــــــــــlــــــــــــaـــــــــm يقول...

ياااااااااااااه

اختصرتى الاخلاق الجميله كلها اللى المفروض الانسان تكون دايما جواه
فى كام جمله بسيطه

ياريتنى كنت بطاطسيه

تسلمى يا تغريد وربنا يوفقك دايما

تحياتى ليكى

داليـ ـ ـ ـ ـ ـ ــــا يقول...

ازيك ياأحلا بطاطسايه فى الدنيا
ايه التحليل الجميل ده
ررررررررررررررررررررررررائع

تحياتى ليكى يابطاطس
فكرتينى بعمر الشريف لما كان بيقول لفاتن حمامه يابطاطس

R-H-S يقول...

كداالواحد يبقي بطاطسايه مفعوصه

بالتوفيق في الامتحانات

حاجات جوايا يقول...

هههههههه
حلوة اوى ثقافة البطاطس دى
يسلم العقل والفكر
وتسلم ايدك يا قمر

ربنا يوفقك يا قمر فى امتحانك ان شاء الله
وترفعى راسنااااااا

لما تفضى تعالى استلمى الواجب
اهو مذاكرة برضه :)

تحياتى ليكى

كلام من قلبي يقول...

ازيك يا قمر
وحشاني جدا بجد
انا عرفة اني مقصرة معاكي
لكن ما باليد حيلة
عندك حق والله
والفكرة تجنن
تسلم ايدك وعبقريتك
وربنا يستر في الامتحانات

خيط الحرير يقول...

بسم الله والصلاة علي رسول الله
حبيبة قلبي
قصرت معاكي كتير...عارفه
بس يمكن تعذريني من غير حتي ما تعرفي الأسباب...
أنا بنسحب من عالم التدوين..وحبيت أقولك إني معرفتك القليله أثرت فيه ..وفعلا أنتي من الناس اللي بقدرهم جدا وأحبهم...
أنسحبت من غير مقدمات..ورجعت ببوست خطير ...
ومش عارفه المعلومات دي جديده عليه بس ولا أنتو كمان.
علي مدونتي "حب الرمان"
عيزاكي تنشريه للدنيا بحالها
أنتي وجميع الأصدقاء..
ربنا يجعله في ميزان الحسنات..
تقبلي أسفي للمره التانيه..
سلام يا كمنجه..بحبك قوي بالصوره دي اللي عرفتك بيها يا قمر..


...ربنا يوفقك ويحقق طموحك ويعدي أمتحانت الدنيا والآخره علي خير ..
ســـــــــلام

Rosie يقول...

فكرة بسيطة و جميلة..عجبتنى..حكاية متاح فى كل وقت و لكل حد و طلع لسانك للدنيا و قلهم انا بطاطساية مهروسة..كلام مش عارفة أوصفه..عارفة لما تلاقى بنت صغيرة تقولك الحاجة بمنتهى البساطة و الوضوح و بأسلوب سهل..هو ده..

همسات وبحــ الحياه ــر يقول...

^_^

MaNoO يقول...

بدعيكى تبداى العام الجديد فى مدونتى مع البوست الجديد زى ما بدعى كل اصدقائى
اتشرف بزيارتك

ماجد القاضي يقول...

السلام عليكم

كيف حال المذاكرة أختي تغريد؟

اي مساعدة... تلخيص .. مراجعة.. تسميع..!!
احنا في الخدمة...

طمنينا عليكي..

تحياتي وبالتوفيق.

صدفة جميلة يقول...

السلام عليكم
اخبارك ايه يارب تكونى بخير وسعاده وعام جديد مليىء باذن الله بكل ما تتمنى
ماى ياست بطاطسيه

المصوراتي يقول...

اتمني ان تقبل مروري الاول بمدونتك
و يشرفني ايضا ان تزور مدونتي المتواضعه ( عيوني كاميرا )

محمد التركى يقول...

ماشى يابطاطس
هههههههه

نستينى اقول السلامو عليكم

أذايك ياقمر
عارف من غير ماتقولى
هتقولى ايه جاب الواد ده هنا
ده عيل وحش قوووى
وبيتأخر
وبيغيب ومش بيجى عندى بقاله مده
هقولك قولى كل اللى انتى عيزه تقوليه
بس بجد انا اسف
سامحينى

جمييييييل قوووى البوست والله فتح نفسى بجد
هههههههه

كل سنه وانتى طيبه ياارق واحلى واطعم
بطاطسايه فى البلوجر كله
هههههه

تحياتى
محمـــد التركـــى