الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الأحد، 31 أكتوبر 2010

قبله الوداع


ظللت حائرة ماذا سأرتدى ليله زفافى ......شاهدت الكثير من الاثواب ولكن لم اقتنع بهم فهم ليسوا بالذوق الذى احلم به .....ظللت هكذا حتى علمت ان جدتى سترسل لى ثوبا من الخارج هدية عرسى .....
هدأت حيرتى قليلا لحين مجىء الثوب .....وحين رأيته امامى اخذته فى لهفه وكأن جدتى قرأت افكارى .... انبهر كل من رآه ذهبت لغرفتى وارتديته.... يالروعته !! وكأنه مفصل لى خصيصا .!!.......
خلعت الثوب ووضعته على شماعته ....كنت كل لحظه انظر اليه واغمض عينى واتخيل نفسى وانا ارتديه ليله زفافى اتخيل نفسى وكأنى ملكه متوجه ......
كنت منتظرة ذلك اليوم .....فقط بقى على زفافى 5 ايام .....ولكن ..!!!!!!!!
انقلبت كل الموازين ......فالقدر لعب دوره والذى حال بينى وبين الفرح ....انطفأت الانوار ....ساد الصمت .....حزن الجميع ...
الا اناااا ...فلم تدمع عينى ولم ينكسر قلبى .......فهو مازال ينبض بالامل .....لم يجذع ابدا من حكم القدر ..... يعلم جيدا ان ماحدث هو كل الخير......
ولكن لم اكف عن عادتى .....كل ليلة كنت انظر لثوبى المعلق وابتسم ثم اخلد الى النوم لاحلم بفارس احلام المستقبل .....
الى ان استيفظت ذات ليلة اخذته و نظرت اليه وانا باسمه ثم قبلته واحتضنته واخذت الف بيه فى ارجاء غرفتى وقلبى ملىء بالسعاده والفرح .......ثم وضعته فى جرابه المخصص وذهبت ...........هل تدرون الى اين ...؟؟؟؟!!!

ذهبت لأعطيه هديه الى صديقتى ورفيقه دربى .....الثوب الذى حلمت ان ارتديه .......
ذهبت لها ...وفى داخلى نفس الشعور الذى كنت احسه مسبقا لم يتغير ابدا ......لم ابخل به عليها فهى كانت من اشد
المعجبين به .....تمنت لو ان لها جده مثل جدتى لترسل لها ثوبا انيقا مثل ثوبى ......
.ولكن نسيت شيئا مهما !!!.....ان لها صديقه مثلى ....فهى انا واناهى ......
اعطيتها اياه ولكن قبل ان تأخذه
قبلته قبله الوداع ......!!!!


***********************************

((ويبقى الصمت !!!))
حلقه جديده من
((((((قلــــــوب بــــلا مرســــــي))))

اكيييد رأيكم يهمنى

السبت، 23 أكتوبر 2010

كوابــيــس



سيداتى انساتى سادتى

اهلا ومرحبا بكم فى نشره جديدة من اخبار 9 و 19 دقيقه خبر مستعجل مايستناش للدقيقه العشرين

وصلت الينا من مصادر سريه بأن بعض من طلاب علمنى شكرا قاموا بعمل حمله بعنوان (( خد شنطتك فى حضنك لتسمع خبر يغمك ))
وذلك من مبدأ ((حرس ولاتخونش ))... حيث ان هناك بعض الطالبات تعرضوا للسرقه داخل قاعات المحاضره على اثر ذلك تمت حالات اغماء شديدة صحبتها نوبات صياح هستيريه .........وزى ماحضراتكم عارفين شنط البنات بتكون ملغمه ......وعلى رأيك فيلسوفنا الكبير ((لاتضع البيض فى سله واحده )) ...........وعند التوجه للمسؤلين لفيناهم نايمين فى العسل ودا طبعا من مبدأ (( اغمزينى بعشرينايه ...اجبلك الحرميايه ))
وعند التوجه لعمل محضر رسمى فوجئنا بأن الحرميايه هتقلب الموضوع ودا من مبدأ (( سرقنى وبكى سبقنى واشتكى ))

************************************************
ومن ناحيه اخرى
حدثت مشاداه كلاميه بين احد سائقى الميكروباص السيد ((خليكى كول تركبى الميكروباص على طول )) وبين احد الطلاب لان البرنس كان بينقى البناتيت اللى هيركبوا معاه والباقى يعمل ايه يروح موتورجل ............
ياجمااااااااااااعه (( مش اى واحده بيضه حلوة تبقى ورزه .....ولا اى واحده لابسه كت تبقى مزة ))

**************************************************


وصل الينا نبأ عاااااااجل بأن السيده (( ادفعى اجرتك ومتلميش من حد )) اتهمت بالسرقه وهى معنا الان على الهاتف

ام برقوق : السيده ((ادفعى اجرتك ومتلميش من حد )) ......... ماذا حدث بالضبط
المتهمه : اولا بشكرك ياام برقوق على الاهتمام
ثانيا : هحكيلك اللى حصل .........((( انا يأوختى ركبت الميكروباص الصبح ورايحه على شغلى امان الله ......وبعد ماركبت الميكروباص بإعجوبه .......قعدت فى الكرسى اللى ورا السواق ايوا هو القدمانى دا ..........وبعدين طلعت الاجرة وبمد ايدى عشان السراق ياخدها
لقيييييييته ياحبه عين امه مشغووووول .. صوعب عليا بيتعب اه امال انت مفكره ايه .........يعنى هو هيسوق ولا يعاكس المزة اللى جانبه ولا يتكلم فى النوبايل ........قولت اما الم الاجرة واخد الباقى بتاعى وبعد ماخلصت المهمه الرسمية التى يقوم بيها التباع .......لقيت السواق تحول الى سيد قشطه وبيقول فاضل 10 جنيه ..........اووووم ايه الاقى اللى ورايا تحول الى خرتيت وبيقولى عدى فلوسك ياحاجه!!!!!!!!
واللى جانبه تحول الى حماااااااار وحشى وبيوجه ليا اتهام رسمى فهمى نظمى انى معايا 10 ج !!!!!
وانا قاعده عماله اقول اللهم اخذيك ياشوشو والراجل لسه مصر انى معايا العشره جنيه
سااااااعتها تحولت الى ديانصوووووور والشرار طق من عينى ومن بقى وبصيته وكنت لسه همد ايدى فى بقه اطلع زمااااره رقبته واديها للواد شلاط ابن اختى يزمر بيها شويه
لفيييييييييت واحد ابن مسطوله بيقول هو فيه ايه يااسطى ماال 10 ج معايا وانت اللى باعتهالى

ساااااعتها اخدت القرار ان بظهر ايدى وهدى السواق على قفاه اصحصحه شوية
ومن مزنقى هذاااااااا بقووووووووول (( اوعى تلم الاجرة ل السواق يرميك فى اقرب نقره ))

ام برقوق : اشكرك على استفاضت حديثك

الى هنا اعزائى

تنتهى نشرتنا الاخباريه
كانت معكم من امام احدى شاشات الكمبيوتر

ام برقوق .............



**************************************

حلقه جديدة من
((((((قلــــــوب بــــلا مرســــــي))))

هتعرف فيها شهوة المال ازاى ممكن تدمر قلوب


الثلاثاء، 19 أكتوبر 2010

ليلة لن انساها


هذه الليلة لن انساها ففيها بكى القمر

ومن الدمع تقطعت جفون البشر

وتجمعت كل السحب

وتساقطت حبات المطر

وانهالت اوراق الشجر

فعندما غاب عنى الحبيب

بدأت اسأل كل جار وقريب

حتى عثرت على ظرف مع شخص غريب

بداخله كلام محاه الماء

وتقطعت حروفه من البكاء

فكان به كلام فى طور الانشاء


اوصدت الباب خلفى بالمفتاح

ودنوت بالظروف ناحية المصباح

وبدأت اقرأ سطرا وراء سطر

وحوارا وراء حوار

حتى شعرت بدوار

علمت الخبر واشتعل فى قلبى النيران

طويت الرسالة والدموع اعلان

نعم هذه الليلة التى جائنى فيها الخبر

ان حبيبك المنتظر قرب ان يحتضر

ارتدعدت اناملى ووجهى ملاه الكدر

وشعرت ان البرد فى جسدى انتشر

خرجت لاستنشق الهواء

نظرت للقمر وانا فى حالة بكاء

وجدته بنير الكون ضياء

وكأنه يعيد الى الامل



ذهبت مسرعه اليه لاجده ملقى على الفراش

امسكت كتفيه وصحت افق ياسراج

كل من حولى يقول انه يحتضر لانقاش

قلت لا مازال الامل موجود

قدرة الله تفيق كل الحدود

صدقونى الى الحياه سيعود

سيفيق وسنخر كلنا سجود

الحزن فى هذا البيت لن يسود

وفجأه وجدته يحرك مقلتيه

وبدأ يفتح عينيه

ثم حرك شفتيه وقال

اتحبيبنى ياحياتى

ادمعت من شده بهجتى

وقلت والله وجودك مهجتى

لاتتركنى وتأخذ فرحتى

قال ان تحبينى فعلى موتى لاتحزنى

تمتعى حياتك وهذه وصيتى

عودى لبيتك الان وعلى لا تقلقى

وسيأتيكى الخبر انى استعدت حياتى

ذهبت وانا دامعه ومن قلبى ادعو الله راجيه

ان يعيده الى سالما




تمر الايام تلو الايام وانا منتظرة الخبر

وفجأه انطفت كل الشموع

وهام على قمرى كثير من الغيوم

وحل الظلام وسمعت همس الكلام

فقد جائنى الخبر بعد طول انتظار

جائنى ولكنه ملغم بالحزان

ادمعت وقلت راضية ايها القدر

ولم اعلم ان الدمع سيلازمنى

لقد فارقت الحياه ولكن اعذرنى

فيطفك محال ان يفارقنى

يامهجتى ذهبت وتركتنى

لا اعتراض على قدر الرحمن

اتمنى ان يرضى عنك المنان

ويسكنك اعلى الجنان

وتتزوج من الحور الحسان

رغم فراقك روحك دائما جانبى

أفعل دائما ماكنت تنصحنى به

ولكن لاادرى ااستطيع ان امحى ذكراك

ااستطيع ان ارى سواك

فالقلب احبك ولكنك اوصتنى الا اغلقه بعدك

سامحنى ان لم استطع ان احب غيرك

الجمعة، 15 أكتوبر 2010

تعليق غريب وانجازات والحقيقه المرة


((صباح الخير ياحاجة دا انت قديمة قوى انت لسه فاكره تحطى البوست))
دى رساله من غير معروف كلف نفسه وبعتهالى على البوست اللى فات وكلام تانى غريب !!
انا مش عايزة اعرف مين بس كنت اتمنى ان يكون اجرأ من كدا ويدخل بأسم مدونته

بص ياخويا او يااختى اى كان فانا تعمدت انى احط البوست فى الميعاد دا وبعد فوات الاوان
زى ماحضرتك قولت
عشان افكر الناس اللى زى حضرتك ان الموضوع لسه مخلصش
هى مش هوجة وبتعدى لا .......نفسى نرتقى بفكرنا شوية وناخد من كل محنه بنتعرضلها منحه

انا تعمدت انى اقفل التعليقات عشان مش عايزة اشوف تعليق يقول حسبى الله ونعم الوكيل جزاكى الله كل خير كلامك صح وكدا لاااااااا انا عايزة اعرف ايه الخطوة العمليه اللى فعلا عملتها فى حياتك انا مبتكلمش على البوست دا انا بتكلم بصفه

يعنى لما بتحصل مشكله الاقى الناس ثارت وهتفت وعملت مظاهرات اى كان المجال وبعد شوية الدنيا بقت هس
وننشغل بحاجه تانية
ولما نسأل ايه اخبارك فى الموضوع تبص وتمص شفايفك وتسكت

انا اللى قصدته لما حطيت البوست متأخر كدا انى مش عايزة المواضيع تعدى علينا وخلاص لا انا عايزة نبدأ نتغير
انا كان ممكن احط الموضوع فى وقت المشكله والناس هايجة طيب وبعد كدا احنا فيييين عملنا ايه

حضرتك بقى فهمت ولا فهمتى انا قصدت ايه ولا اقول كمان برضو التكرار بيفهم الشطار

مسأله بقى انى منافقه فانا مش هرد عليها لان دى مسأله تخصنى انا وربنا هيحاسبنى انا
ياريت كل واحد يهتم بنفسه ويصلح نفسه ويظيط ايمانياته الاول وبعد كدا يبص للى حواليه



بالنسبة ان مدونتى مش عاجباك فانا مبضربش حد على ايده انه يقرا كلمة من بوستاتى

*************************************************************



انا بقى جاية ارغى والوكلوك شوية

الفترة اللى فاتت من حياتى بجد انا سعيده منها جداااااا اولا انى غيرت فكرى ونظرتى للامور شوية و بقيت حرة وبدون قيود والحريه اللى اقصدها حريه فكريه والقيود دى هى العادات اللى دايما بتقيد الانسان وتخليه يخسر احلامه وميحققش اهدافه وبدون مانتجاوز مبادئنا قيود جوايا بتخلينى ومأخدش خطوة لقدام حد يقولى وايه اللى عملتيه الفترة اللى فاتت اقولكم الفترة اللى فاتت كنت مصابه بحاله من الملل اللامتناهى وبفضل الله تجاوزت المرحله دى وعرفت ان اللى مخلينى مكتئبه ان مفيش جديد فى حياتى وبدأت افكر ايه اللى اعمله جديد وبالفعل نفذت كلها حاجت بتقربنى من هدفى




*********************************************
اول حاجة انى اديت كورس افتح قلبك والكورس دا مش قادرة اقولكم كمية السعاده اللى حسيت بيها
الكورس كان 5 سيشنات ساعه ونص يوميا
مكنتش مصدقه اولا العدد اللى حضر كان 30
ومتوقعتش انهم بيعتوا تقييمهم بعد الكورس وانهم عايزينى ادى كورس تانى

بحمد ربنا انه ادانى الجرأه انى ادى الكورس لانى اصلا وكلام فى سركم بغرق فى شبر مية
بس هذا من فضل ربى انه من عليا وخلانى ادى بالجرأه والثقه اللى كنت فيهم

طبعا بشكر كل من شجعنى وحضر يشهد ربنا انى بعزهم جدا وتوجيهاتهم وتقييمهم شهاده اعتز بيها

اول حاجة بجد بشكر امى لانها السبب الاول فى تشجيعى

وصديقتى امنية (كبر دماغك ) وطبعا البشمهندش جهاد (منبهات ) والدماغ الرايقه زناتى وحبيبتى شوكولاته ودولى ومنى وروكة منمونه ( بيطرية ) واخويا الكبير اللى كان نفسى يحضر بس كان متابعنى بتوجيهاته محمد البنا (طريق النجاح )

بشكرهم جدااا ان شااااااااء الله قريبا هدى كورس انجح بطريقتك ودعواتكم كدا

**********************************

هنزل تانى لاطفالى فى المسجد وحشونى كتيييييير
وربنا يثبتنى وافضل مع الاستاذه اللى بتراجعلنا على القران
بقرأ دلوقتى فى كتاب هيا بنا نؤمن ساعه لمجدى الهلالى تحفه بجدددددد

************************************

التحقت بأكاديمية اعداد وتطوري الذات مع الدكتورة هدى طاهر بجد مش قادرة اقولكم كمية السعاده اللى انا فيها لانها بجد اكاديمية تجنن وكماااان بقيت عضو فى فريق كنوز النفس وكماااان بقيت عضو فى جمعيه رساله فى مجال الصم والبكم وبدأت اتعلم اشارات الحروف حفظت اسمى :):) النهاردة كان يوم جميل اتجمعنا فيه احنا والاطفال الايتام ولعبنا ورسمنا وغنينا وحكينا قصص وقريب هيعملوا حفله وهيخلونى ادربهم على الانشاد واعملهم عرض على اغينة للنجاح :)

*************************************
كملت كتابه القصه قلوب بلامرسى لانى كنت وقفت تماما عن الكتابه لان حسيت ان الافكار طارت والدنيا ملخبطه بس الحمد لله جمعت افكارى ودعواتكم وانا سعيده برضو بمتابعتكم ليها بعمل فى كتاب اسمه يلا نعيشها صح ودا هيكون شامل كل الكورسات اللى عملتها دعواتكم من زماااااان واانا نفسى اتعلم جيتار صحبتى وعدتنى ان كلها شهرين وهتعلمنى انا وامينة (كبر دماغك)

***********************************
واخيراااااا من اسبوع كدا الاستاذ نيبل حصفى فى جريده الاسبوع رئيس تحرير اخبار الشرقيه عمل جريده جديدة شهريه وطلب انى اكون معاه
وكمان جريدة حزب الوفد جريدة اسبوعيه الاستاذ محمد شحته اتصل عليا وعايزنى انضم معاه
شوفتوا من كام يوم كنت بدور على حاجة تملى يومى دلوقتى مش عارفه الااحق من المسؤوليات جامعه جرنال مسجد كورسات قصه الاكاديمية دعوااااااااتكم

******************************************
بلاش كسل واضغط هنا

((((((قلــــــوب بــــلا مرســــــي))))

هتعرف الحقيقه المرة اللى
عرفتها سلمى عن ابوها
ومنه مع ياسر
اكيد هستنى تعليقاتكم لانها اكيد تهمنى


الاثنين، 11 أكتوبر 2010

نحن المحتاجون


السلام عليكم ورحمة الله وبركاته
مساء معطر بذكر الله و الصلاة على رسول الله
سؤال راودني وأحببت لو تشاركوني فيه
طبعا الكل يعرف كيف تطاول الشيعي الحقير ياسر الخبيث على امنا عائشه رضي الله عنها
وسبها أمام الملأ بألفاظ شنيعة حاشا لله ان تكون فيها
وبكل جرأة ووقاحة قام البارحة بمباهلة احد الشيوخ أمام الملايين على قناة الحكمه
وسبها وسب ابوها الصديق و عمر الفاروق و الصحابه بانهم في النار
كلا و ربي يا حفيد المجوس أنت وأمثالك من في النار
فليستمر الثور الحقود في دورانه حول نفسه فلن يضر إلا نفسه
طبعا هذا ليس موضوعي بل سؤالي هو وأتمنى أن أجد جواب كافي و شافي عندكم
هل فعلاَ تحتاج أمنا عائشه من يدافع عنها و ينصرها؟
هل بالفعل محتاجه لنا؟
أقسم بالله انها لا تحتاج بل نحن المحتاجين لمن يدافع عنا
كيف تحتاجنا وهي امي وامك وأم المؤمنين جميعاً
كيف تحتاجنا وهي الصديقة بنت الصديق رضي الله عنها
كيف تحتاجنا وهي المبرأة من فوق سبع سماوات
كيف تحتاجنا وهي البكر الزوجة الحبيبة المقربة لرسول الله
تحتاجنا وهي التي نزلت فيها أيات من القرآن يتلى ليومنا هذا
كيف تحتاجنا وهي التي مات رسول الله صلى الله عليه وسلم
بين سحرها و نحرها؟ودفن في غرفتها؟
كيف تحتاجنا وكيف وكيف وكيف
لو ذكرت كل مناقبها لن تكفيني هذه الصفحه ولا كل الصفحات
فهي الحميراء زوج رسول الله التي تخرجت من مدرسة النبوه
أجل لا تحتاج لدفاعنا عنها
بس نحن من يحتاج لتجديد تاريخها وتغيير أسلوبنا وتكرارإسمها على لساننا
والله استغرب لتلك الفتاة التي تنادي بنصرة أم المؤمنين وهي شبه كاسية وعاريه
وشعرها مكشوف أمام الملأ
اين نصرتك لها بلباسك للحجاب؟
اين نصرتك لها بحيائك و احتشامك؟
اوسوف تكون أمنا راضية عنك وانت تقلدين الغرب تقليدا اعمى؟
استغرب لذالك الشاب الذي ينادي للنصره و الوقوف امام من يسب و يهين امنا عائشه
و يهين الصديق ابو بكر والفاروق عمر عليه رضوان الله
اتريد ان تنصرهم وانت تدخن و تشرب وتسمع الاغاني و تتفرج على الافلام ؟
اتريد ان تنصرهم وانت غير قادر على نصرة نفسك على الشيطان؟
الم تسمع ان ابو بكر و عمر يوم حرم الله الخمر قالو سمعنا و أطعنا يا رسول الله؟
اولم تسمع ان يوم انزل الله في قرآنه تحريم الأغاني قالو نحن معك يا رسول الله ؟
والله ثم والله ثم والله ما تطاول علينا احفاد المجوس والزنادقة الا بسبب ما نحن عليه
هيهـــات بين زمن كان الكل يهاب من المسلمين حتى الشيطان كان يخاف منهم
ويسلك فجاجا غير فجاجهم
وبين زمنا هذا اصبحنا نحن نهابهم ونعمل لهم الف حساب
أخي .. أخيتي لست اهلا لنصيحتكم
ولست اهلا للكلام عن امنا عائشه
ولكن اتكلم من حرقتي على ماصرنا له
والله لن تنصر امنا عائشه بلافتات نعلقها
والله لن تنصر امنا عائشه بتصميمات نصممها
والله لن تنصر امنا عائشه بمضاهرات نخوضها
لن تنصرالا اذا
ولدت من جديد بيننا بإحياء سيرتها
و التشبت بأخلاقها والسيرعلى خطاها
نريد جيلا مثل ابو بكر وعمر و عثمان و علي رضي الله عنهم وأرضاهم
نريد ان نغير بأنفسنا حتى نستطيع ان نغير واقعنا
انا أغير وانت تغير وانتِ تغيرين وأكيد الكل سوف يتغير اذا بالفعل لنا نية للتغيير
سامحوني على كلامي هذا ما قلته والله الا بسبب غيرتي على اخواني واخواتي
ان كان من خطأ فاعذروني لانني استرسلت في الكلام ولم اعرف ماذا اكتب او ماذا اترك
صدقونى نحن المحتاجون لوقفه مع النفس


تحياتي للجميع
:)

الأربعاء، 6 أكتوبر 2010

نشره اخبار التاسعه وتسعتاشر دقيقه






صيداتى انصاتى صادتى اصعد الله مصائكم
يصعدنى ان اقدم لكم موجز بأهم الاخبار فى نشره اخبار التاسعه وتسعتاشر دقيقه خبر مستعجل ميستناش للدقيقه العشرين

السيدة بكيزة ام حميده تنفى فى بيان لها اختطافها لزوج الفراخ العتاقى اللذين اختفيا فى ظروف غامضه من على سطح جارتها الست ام حدوقه واضاف البيان ان هذه الاتهامات باطله ولا اساس لها من الصحه وعلى صعيد اخر قال شاهد عيان (لامتقلقش شويه برد ) انه شاهد الفرختين المذكورتين قبل اختفائهما تسيران اعلى سطوح السيده بكيزة وكان يبدو عليهم اثر الارهاق ومن ناحيه اخرى اقامت السيده حدوقه مؤتمرا صحفيا اتهمت فيه السيده بكيزه ام حميده بإختطاف الفرختين
وفى خبر عاااااجل ورد الينا اعترفت السيده بكيزة ام حميده بوجود الفرختين المذكورتين لديها لكنها قالت انهما لجئتا اليها سياسيا واذاعت شريط فيديو يظهر الفرختين وهما يتحدثان عن الاهوال التى تعيشانها على سطوح ام حدوقه



وقد راسلنا احد البائعين الاستاذ (محدش فاهم حاجه ) وهو فى نصف قواه العقليه
يستغيث فقد سرق منه قفص طماطم وعندما توجهنا الى مكان الحادث وجدنا العديد من الاتهامات
والتى انتهت بإعتراف الاستاذ
( الكيلو بعشره جنيه والحسابه بتحسب) احد الموظفين انه هو السارق ولكنه اقسم انه لم يسرق الا 4 كيلوا فقط لزوم الطبيخ ولاندرى حتى الان اين ذهب الباقى ومن هو السارق الخفى !!!
وتوالت الزغاريد من بيت ( جالى السكر ) حيث استطاعت زوجته ( وانا ذنب اهلى ايه ) التقاط محفظته والاستحواذ على المهيه والذهاب الى السوق لشراء مستلزمات الغذاء






وافاااادت الانباء الوارده من فرن الخبز البلدى بأن شجارا ربما يكون عنيفا هناك الان
ومعى على الهاتف السيد (ابو رغيف الساخن ) المتحدث الرسمى باسم منظمة الخبز الساخن للجميع _

سيد ابو رغيف ماذا حدث بالظبط
_ وقعت المشاجرة بعد خطف حصه الخبز التى حصلت عليها احدى السيدات التى كانت تقف من السادسه صباحا واستلمت حصتها فى الثانيه عشر ظهرا مما جعلها تدخل فى نوبه صياح تلتها إغماءه فحضر اهلها على اثر ذلك واتو بالخاطف وشعلقوه وبالشبشب زغزغوه وبعد كدا نزلوه وهو بيقول /

العيش عند الواد سيكه هو اللى وزنى والنبى سبونى وروحوا خدوه
_

سيد ابو الرغيف وهل تتكرر مثل هذه الحوادث ؟
_ بالطبع هى شىء اعتيادى ونحن فى سبيلنا لاطلاق المبادرة الوطنيه (اقف فى دورك ومتحجزش لحد ) والتى سوف نطلقها من امام الفرن فى اللحظات القليله القادمه

ومن داخل فرن محدش هياخد حاجه تم تبليغ اسعاف الرغيف الذهبي بحدوث حادث فظيع بالفرن وهذ الحادث حدث بسبب اختناق رغيفين واحتراق اربعه داخل الفرن .وتجري الان المباحثات الجنائيه عن سبب هذا الحادث ولكن السيد صاحب الفرن وهو سيد سكنات .. بيتهم المدعو شلاطه باانه سبب في هذا الحادث ..


والى هنا اعزائى المشاهدين انتهت نشرتنا الاخباريه
كان معكم ام برقوق من امام احدى شاشات الكمبيوتر
والسلام عليكم ورحمة الله وبركاته