الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الأحد، 29 أغسطس 2010

لازلـــــت تـهــــواها+++مـــلـل


عندى نوع من الملل الرهيب مش عارفة ايامى كلها شبه بعضها حتى لما بقرر انى اعمل حاجة جديدة بحس ان ملهاش طعم

مش ساعات بييجى للواحد وقت يفكر انا المفروض انى اعمل ايه فى وقت الفراغ دا ويقضيه بملل

بحس ان دماغى فيها حاجات كتير

بفكر كتير اوى وفى كل حاجة يمكن ساعات بفكر فى كذا حاجة فى وقت واحد

بقالى فترة مهنجه ونفسى اعمل ريستارت بس مش عارفه

بيجيلى وقت بكون نفسى افضل صاحيه ومنمش خالص ولما انام بيكون مش عايزة اصحى

حتى انا حاسه انى مش همسات بتاعه زمان

اللى كان متابع مدونتى زمان ودلوقى هيحس بالفرق من مواضيعى واسلوبى وافيهاتى



*************************************


انا عملت حاجة جديده بس برضو الحياه زى ماهى متغيرتش


كل احد فينا عنده كميه كتب او شرايط او او مرميه فى الدرج مش لاقيه اللى يستعملها ولا يقراها

انا واصحابى جمعنا الكتب دى وعملنا بيها مكتبه صغننه ماشاء الله جمعنا كتب كتير وفى كل المجالات

ولقينا عليها اقبال سواء من اللى اشترى او من اللى استعار

وجمعنا الفلوس فى حصاله وقربت تتملى وهنطلع الفلوس للمحتاج ب‘ذن الله

*****************

سيبك انت اقرى وقول رايك


تلك الموسيقى لن انساها


فمازالت تطاردنى وكم اهواها


تحملنى لذكرى مااحلاها


تعبر بى ايام ببعدك لم احياها


اتذكر عندما اهديتنى اياها


عندما كنا نسمع حداها


هل الى اليوم مازلت تهواها


ام انك نسيت ذكراها


نسيت اسمها والحان غناها


وتحيا لغيرى وتتمنى رضاها


تلك الموسيقى لاانساها


ياليتك مااهديتنى اياها


دوما اتذكر حبك بألحان غناها


تحملنى ليوم ماكنت تحبنى وتهواها


انساك لو انساها



ياليتك مااهديتنى اياها



********************

الحلقه التانية من قلوب بلامرسى هنعرف فيها حكايه

سلمى وايه اللى كان مضايقها


وهنشوف هل ياسر كان وفى فى كلامه وخلى منه

تتصل تطمن على اخوها ولا لا



اتمنى اشوف تعليقاتكم لانها تهمنى :):)


((((((قلــــــوب بــــلا مرســــــي))))





الأربعاء، 25 أغسطس 2010

حجابى حياتى


اكثروا من عتابى
بعد لبس الحجاب
بت من قولهم فى حيره واضطراب
حدثونى فقالوا مذ لبست الحجاب
خانك السعد عودى حرة كالسحاب
ولكن
كيف كيف كيف انزعه

كيف لى ان ازيل
ذا الحجاب الاصيل
صار منى كبعضى
صرت فيه جليلة
لن اميط غطائى
رغم مر الجفائى
شرع ربى دليلى لا هوى الادعياء

جائنى بالورود ناصح ذو وعود
ربه الحسن عودى للهنا والسعود
جال فكرى وحار تارة بعد تارة
بت اسأل نفسى
هل ازيح الخمار
ولكن كيف كيف كيف انزعه
كيييييف انزعه




الأحد، 22 أغسطس 2010

قلوب بلا مرسى


تظل قلوبهم تائهه تصارع الامواج فى بحر الحياه فهى تبحث عن مرسى
فهل سيظلوا صامدين مقاومين ام ينهاروا مع اول عاصفه
وهل منهم سيصل الى بر النجاه ام سيظلوا تائهين فى بحر الحياه

*****************


قلوب بلامرسى
دى تانى قصه اعملها كنت عملت وانجلى الحزن وكانت باللغه العربية ونشرتها فى المدونة ودا طبعا قبل ماتش الاعتازل
وبشكر اى حد وجهنى وادانى نصيحة

بس القصة المرة دى انا عملتها بشكل مختلف خالص خلتها بالعامى
و لانها طويله حبتين :)
عملتلها مدونة مخصوص

بلاش كسل واضغط هنا

((((((قلــــــوب بــــلا مرســــــي))))

هقسمها حلقات
يارب تنال اعجابكم واتمنى اشوف مشاركاتكم وتعليقاتكم

الثلاثاء، 17 أغسطس 2010

قررت اتحجب+++تحدييث



واسمع احلى زغطوطة من هنا لهناك مش سامعه
نزل الساقع يادقدق
وبم انكم صايمين فمفيش ساقع
وطبعا بعد فقدان الامل الرهيب اللى كان مسيطر عليا انى هنجح
جبت جيد طبعا دا مش التقدير العام لانى وبلافخر جبت تقدير الشعب
لكن التيرم دا جبت جيد
فى الظروف اللى كنت بمر بيها كنت بروح الامتحان واخرج وانا اصلا مش عارفة حليت ايه
كنت بسهر للفجر اذاكر واكنى مذاكرتش حاجة
واسمع كمان زغطوطة
وعقبال كدا السنة اللى جاية ربنا يوفقنى فى مشروع التخرج لان دا الهم الكبير




محروسة : ميدو كل سنة وانت طيب ياميدو
ميدو: وانت طيبة ياحياتى
محروسه : لالالا بلاش حياتى دى احنا فى رمضان
ميدو : اه صحيح انما ايه الطرحة دى معقولة اتحجبتى
محروسة : طبعااااا لازم عشان رمضان
ميدو : طب وميعادنا النهاردة فى الجونينة
محروسه : لالالا مش ممكن بلاش نغضب ربنا فى رمضان
ميدو : وطب وليه كدا
محروسة : اصلى سمعت برنامج هايل على قناه اقرا ومن وقتها وانا حاسه انى قربت من ربنا خالص وقررت اتغير
ميدو : ربنا يزيدك كمان وكمان
محروسه : امين يارب
ميدو : طيب والطرحة دى متنفعش تطلع قدام شوية وتغطى شعرك
محروسة : اووووووووه هى اتزحلقت اصل انا شعرى حرير وبينزل لوحده
ميدوه : ياسلام طيب هبقى اكلم باليل لما اروح خليكى جنب التليفون
محروسه : ايه كلام وتليفونات فى رمضان لالالا ياميدو لازم نساعد بعض على الطاعه ونقلل احسن من التليفونات طول الشهر وكفاية تدينى missed
ميدو : ماشاء الله داانت اتغيرتى خالص
محروسه : ولسه كمان هروح اصلى قيام مع اختى نانى فى المسجد
ميدو : مش معقول
محروسه : والله دا حتى كمن جبت عباية جديده
ميدو : ربنا يحرسك يامحروسه
محروسه : طبعا انت كمان هتصلى قيام واوعى ياميدو تنسى الفجر
ميدو : لا ازاى انا بفضل صاحى طول الليل والاغانى والمسلسلات بتسلينى
محروسة :عندك حق دا حى فيه حبه مسلسلات تجنن ولامسلسل زهرة وازواجها الخمسه نفسى اعرف الاروبه دى عملتها ازاى
ولا عايزة اتجوز عايزة اعرف اصطادت عريس ولا ايه
ميدو : الله مش قولنا انتغير
محروسه : اه ياميدو بس ساعه لقيبك ساعة ربك ولا ايه
يلا همشى بقى ومتنساش ميعادنا مع الشله اول يوم العيد
ميدو: اكيييد ودى حاجة تتنسى يلا اسيبك بقى تيك كير ياحبى
محروسه وبعدييييييييييين حنا اتفقنا على ايه
ميدو : معلش سلام ياعمرى قصدى ياقلبى باااااااااااااى

الثلاثاء، 10 أغسطس 2010

خلصت الحكاية




قبل ماابدأ كلامى وقبل ماارغى وأ لوكلوك

احب اقولكم كل سنة وانت طيبين كل


سنة وانتم اقرب الى الله واقرب للتقوى


جاية النهاردة اقولكم ان الحكاية


خلصت خلاص

ياه لوتعرفوا الوقت اللى فات دا عدا


عليا ازاى كنت كل يوم ادعى ربنا يخلصنى مريت باحاسيس كتير بقالى شهر فى كابوس كان نفسى


اصحى منه ولما صحيت بقيت اخاف انام تانى لكن من النهاردة بس اقدر اناام واغمض عينى من غير خوف انام وانا مرتاحه

عارفين شعور لما تكون مخنوق من حد ومش قادر تخلص منه ياااااااااااه ربنا وحده للى يعلم بس بجد كنت قويه جدا كنت ضمده متهزتش لحظه واحده


وهو دا اللى حصل معايا انا كان فاضل 10 ايام على فرحى وحصل مشاكل بينا ويمكن لاول مرة يشتد بينا الحوار كدا على


رغم انى كنت بسكت مش برد بس المشكلة زادت جدا وساعتها عرفت ان الوش اللى كان معايا بلاستيك المشاكل دى كانت


وقت الامتحانات عشان كدا بدعى ربنا انه يوفقنى فى النتيجة


هو لما حس واتأكد انىى قررت انى انهى الموضوع حاول يراضينى بس (اللى يتهاون فى جرح كرامته مره يستاهل يتجرح


فيها ميت مرة ) وانا بحمد ربنا انى مكملتش معاه بحمد ربنا انه بيحبنى فعلا ربنا عمره مابيقدر للانسان غير كل الخير يمكن


يبتلينا بحاجات عشان يقربنا منه انا افكر انى ارجع واحن الاقيه بيبعتلى رسايل كدا تخلينى ارجع فى قرارى والله ساعات


كنت بدعى ربنا واكون مشغله قناه المجد او اذاعه القران الاقى القاىء بيقرا فى اياه احس وقتها ان ربنا بيقولى متخافيش

انا جنيك اتوكلى على الله فى قرارك

انا مزعلتش خالص انى انفصلت عن الشخص دا اى نعم هو ليه ذكريات جميلة معايا بس لازم اقطع الصفحة دى وارميها

وابدا صفحة جديدة بحياه جديدة عمرى ماهزعل على فراقه وحتى لو افتكرت عمرى ماهنزل دمعه احده يوم 8/8 يوم عالمى لقيت كل واحدة من صحباتى بتحب اليوم دا

انا لانه يوم مانفصلت _ يوم كتب كتاب واحدة _ يوم خطوبة واحدة _ يوم ماعرفت صحبتى انها هتجيب نونو _ يوم

عيد ميلاد _ يوم ماواحدة قالت بحبك لحبيبها لاول مرة :):)

كنتوا بتسألونى لماقولت (خسرتك اه لكن كسبت نفسى ) ليه ؟ هى دى الاجابه


علفكرة بكرة عيد ميلادى 11/8/ اول يوم رمضان شوفتوا ااوعى حد يدخل هنا من غير هديه وكدا هكون كملت 20 سنة

وكمان انا كدا بقالى سنة بالظبط فى عااالم التدوين شوفتى ازاااااى اى نعم نشيل منهم 6 اشهر كنت منقطعه عن التدوين لكن كنت متابعه وبكتب تعليقات :)



واخيييرا عملنا غدوة الحبايب ايون اتجمعت انا واصحابى كلهم بعد معاناه لان اللى بسبس وومان زى حالاتنا بيكونوا

بطبيعه الحال مشغولين شوية بس بصراحة كان يوم جميل انك تتجمع مع اصحاب الطفولة وتاكلوا سوا تعيدوا الذكريات

قررنا والصراحه كان قرار حاسم اننا نجيب فسيخ حد يقول اف يع ايه دا بصراحة اى نعم مبكلوش غير كل فين

وفييييييين حسب الغزالة

جبناه وفرشنا الحصيرة فى الجنينة عندنا فى البيت وقسمنا المهمات يمكن مكنتش مهيأه نفسى انى هاكل فسيخ بس كان

ليه طعم تانى وتأثير فظيييع امبارح وانا اشك ان الراجل دا كان حاطط جواه حبوب التهييس والصراحة

خلصنا الاكل وفضلنا نلعب زى الاطفال اولى وسلطح وصياد السمك والسبع بلطات والغمزة والافلام واخيرا الصراحة وكل

واحد فينا اتكلم بإستفاضه ويطريقه غير معتاده او طبيعيه وكأن كل الموجودين كان مكبوت ومصدق انه يتكلم كان يوم

لطيف وقررنا اننا نعملوا فى رمضان وانا اللى هطبخ بإيدى وطبعا واكيد عارف رقم الاسعاف

دا انا فى يوم خلونى اعمل الغدا ها الغدا على بال ماقررت انى اعمل كانت الساعه 4 وعلى بال مابعت وجبت الطلبات

ودخلت المطبخ كانت 5 ولما خلصت خااالص كانت 8ونص وبالهنا والشفا بس والله كانوا بيحلفوا بيهاوالله عملت احلى

بيتزا وسمبوسه وطبعا بيحلفوا انى مدخلش المطبخ تانى :) لانهم اتعشوا مش اتغدوا :):)



كــــــــــــــــــــــــــــــــــــــــــــــــــــل



سنـــــــــــــــــــــــــــــــــــــــــــــــــــــــــــــــــة



وانتــــــــــــــــــــــــــــــــــــم




طيبيـــــــــــــــــــــــــــــــــــــــــــــــن




رمضــــــــــــــــــــــــــــــــــــــــــــــان كريـــــــــــــــــــــــــــــــــــــم



جمعه السنة دى قرر ان رمضان هيبقى حاجة تانية

خالص ومختلف عن كل الرمضانات اللى فاتت

ليله رؤية (يوم29 شعبان ) جمعه قعد بعد المغرب

فى الجامع مع صاحبه خميس ومسك ورقه وقلم يكتب

هيعمل ايه فى رمضان

1_ قراءه القران 15 مرة ( خميس : ياجمعه استنى

بس انت عارف القران كام جزء معنى كدا انك

هتختمه كل يومين

جمعه : ان شاء الله هقدر

2/ هصلى بعد العشا التراويح وهارجع اكمل صلاه قيام وتهجد لحد الفجر

خميس : ياخميس ان لبدنك عليك حق الكلام دا مش منطقى خالص

جمعه : معلش اصل ذنولى كتبر وعايز ربنا يغفرلى

خميس : ربنا هيغفرلك بإذن الله اذا صدقت التوبة مع الله وتركت معاصيه وبدأت فى الطاعه لكن ......... )

جمعه : كمل برنامج رمضان وطبعا الذكر والدعاء والصدقه والذى منه بس للاسف انا مش محوش فلوس

ممكن ابقى اخد من محفظة بابا واتصدق واهو كله خيير

خميس : ياجمعه مينفعش

جمعه : شششششششش انت هتفهمنى كمان فى دينى ... ياعم سينى اعيش رمضان اعيش السنة دى

يإسلوبى وانا متأكد انى هخرج منه انسان تانى خالص

جمعه : بدأ من ليلة واحد رمضان وصلى التراويح فى الجامع ورجع سصلى قيام بعد نص ساعه رجله

وجعتوا فصلى وهو قاعد وبعد 15 دقيقة تعس ونام

خميس : جمعه اصحى ياجمعه عشان تتسحر ......... مفيش فايدة جمعه مش عايز يصحى ........(ياجمعه الفجر اذن قوم صلى )

جمعه صحى بعد طلوع الشمس وقال معلش هو اول يوم بس كده لكن كل حاجة هتتظبط من بكرة ....


. جمعه صلى الصبح وقعد يقرأ فى المصحف من اول سورة الفاتحه جمعه بقالوا كتير ممسكش

المصحف عشان كده معرفش يخلص جزء فى اليوم ........ ساعه الفطار الكل هجم على لاكل الاجمعه

اللى عمل فيها بطل واكتفى ب 3 بلحات ولكن بعد نزوله لصلاه العشا فوجئت به امه يعود بعد قليل

(متصليش التراويح ليه ) اصلى جعان مش قادر

جمعه اكل وذهب للنوم هصحى بعد ساعه ولكن مرت ست ساعات وجمعه مازال نائما ( ياجمعه حرام تضيع الشهر فى النوم

جمعه صحى اتسحر ونام تانى

خميس : ( وصلاه الفجر ياجمعه )

جمعه : مش قادر فعلا ... من بكرة ان شاء الله

5/رمضان جمعه ساب صلاه الجماعه فى المسجد ماعادا العشاء وصلاه التراويح

8/رمضان جمعه مابقاش يروح المسجد والتراويح فى البيت

12/ جمعه ساب صلاه التراويح ووصل انه يقرا 3 صفحات قران فى اليوم

15/رمضان جمعه بقى بيقرا صفحة قران كل يوم

20 رمضان / جمعه قرر انه يعتكف الايام اللى باقية عشان فيها ليلة القدر وعشان يعوض تقصيرة فى الايام اللى فاتت

21/ رمضان جمعه خرج للاعتكاف

29/ رمضان جمعه اتحسر على اللى فاته من خير وثواب ويقول لنفسه السنة اللى جاية ان شاء الله هاعوض

ياجمعه ايه اللى يضمنك انت هتعيش لبكرة انت معملتش ذنوب كتير فى رمضان وبرضو معملتش حسنات

ضيعت منك ثوابه لانك مخططتش صح

خير الاعمال الى الله ادومها واان قل

ضاع عليك شهر رمضان وثوابه

خاب وخسر من ادرك رمضان ولم يغفر له