الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الأحد، 29 أغسطس، 2010

لازلـــــت تـهــــواها+++مـــلـل


عندى نوع من الملل الرهيب مش عارفة ايامى كلها شبه بعضها حتى لما بقرر انى اعمل حاجة جديدة بحس ان ملهاش طعم

مش ساعات بييجى للواحد وقت يفكر انا المفروض انى اعمل ايه فى وقت الفراغ دا ويقضيه بملل

بحس ان دماغى فيها حاجات كتير

بفكر كتير اوى وفى كل حاجة يمكن ساعات بفكر فى كذا حاجة فى وقت واحد

بقالى فترة مهنجه ونفسى اعمل ريستارت بس مش عارفه

بيجيلى وقت بكون نفسى افضل صاحيه ومنمش خالص ولما انام بيكون مش عايزة اصحى

حتى انا حاسه انى مش همسات بتاعه زمان

اللى كان متابع مدونتى زمان ودلوقى هيحس بالفرق من مواضيعى واسلوبى وافيهاتى



*************************************


انا عملت حاجة جديده بس برضو الحياه زى ماهى متغيرتش


كل احد فينا عنده كميه كتب او شرايط او او مرميه فى الدرج مش لاقيه اللى يستعملها ولا يقراها

انا واصحابى جمعنا الكتب دى وعملنا بيها مكتبه صغننه ماشاء الله جمعنا كتب كتير وفى كل المجالات

ولقينا عليها اقبال سواء من اللى اشترى او من اللى استعار

وجمعنا الفلوس فى حصاله وقربت تتملى وهنطلع الفلوس للمحتاج ب‘ذن الله

*****************

سيبك انت اقرى وقول رايك


تلك الموسيقى لن انساها


فمازالت تطاردنى وكم اهواها


تحملنى لذكرى مااحلاها


تعبر بى ايام ببعدك لم احياها


اتذكر عندما اهديتنى اياها


عندما كنا نسمع حداها


هل الى اليوم مازلت تهواها


ام انك نسيت ذكراها


نسيت اسمها والحان غناها


وتحيا لغيرى وتتمنى رضاها


تلك الموسيقى لاانساها


ياليتك مااهديتنى اياها


دوما اتذكر حبك بألحان غناها


تحملنى ليوم ماكنت تحبنى وتهواها


انساك لو انساها



ياليتك مااهديتنى اياها



********************

الحلقه التانية من قلوب بلامرسى هنعرف فيها حكايه

سلمى وايه اللى كان مضايقها


وهنشوف هل ياسر كان وفى فى كلامه وخلى منه

تتصل تطمن على اخوها ولا لا



اتمنى اشوف تعليقاتكم لانها تهمنى :):)


((((((قلــــــوب بــــلا مرســــــي))))





هناك 31 تعليقًا:

Story pain يقول...

أول مرة اقرأ شعر ليك

احساسك فيها جميل يا دموع

عجبتني أوي خاتمتها

انساك لو انساها

ياليتك مااهديتنى اياها

تسلم ايدك

عمدة كفر المظاليم يقول...

أختي الكريمة
أتشرف بأني أكون أول معلق
مدونة جميلة تستحق المتابعة
كل سنة وحضرتكطيبة
ورمضان كريم
تحياتي

محمود(باحث عن حب) يقول...

السلام عليكم
أ شاعره انتى؟
ايه الجمال ده كله
رائعه بجد
انتى بجد كلماتك فوق الرائعه
مشاعره رائعه
وانتى شاعره حقا

mrmr يقول...

انساك ده كلام انساك يا سلام
ده مستحيل قلبى يميل واحب يوم غيرك ابدا ابدا اهوو ده اللى مش ممكن ابدا

عارفه البوست بتاعك ده فكرى قوى باغنيه الست مش عارفه ليه ضرب فى دماغى فجاه
يمكن من كتر ما كلماتك فعلا حازت اعجابى
تسلم ايديك كلمات عذبه وسهله وتلمس القلب

تحياتى اليك وقبلاتى

اعقل مجنونه يقول...

بجد جميله جدا

دى مدونتى لوحبيتى تشرفينى بالزياره
http://kot-cha.blogspot.com/

جوجو يقول...

السلام عليكم
حلو اوى البوست
بجد احساسك جميل
تحياتى

الحب الجميل يقول...

ما شاء الله
تحفه
عجبتنى بجد
على راى الشاعر الحج محمود
أ شاعرة أنتى ؟؟
هههههههه
تسلم ايدك يا دموعى
دمتى بخيرر

موجة يقول...

لالالالالالالالا
بجد تحفة جدا
ورجعت ليا زكريات حلوة
تسلم ايدك

علاء المصرى كل يوم يقول...

دام الأبداع

رقيق ما كتب هنا

أسجل مرورى وأعجابى

كل عام وأنتم بخير

أنتظر تشريفكم

ساسو يقول...

تجنني يا دموع قلبي
احساسك عجبني موت
يا سكره

ميس فلسطين يقول...

كل عام وانتي بخير
والله شعر روعه
عنجد بجنن
شكرا لكي على الشعر الرائع

تحياتي

الشـــــوكه النــاعمه يقول...

حلوه اوى
انتى عارفه انا برضوا عندى اغنيه بقول دايما ياليته مااهدينى اياها
لبوست جميل اوى
كل سنه وانتى طيبه

sendbad يقول...

قدرنا ان نعشق من يجرحون ويطعنون مشاعرنا
تحياتي لقلمك الرقيق

طوبه فضه وطوبه دهب يقول...

جميله اوى تسلم ايديكى ياقمرايا

م ـلآذ,, يقول...

هذا مايتبقى منهم ,,
أتسائل دائماً أتعني لهم مثلما تعني لنا !


تقبلي مروري =)
تحيات ـي

ويكا يقول...

البوست انا قريته امبارح بس بصراحه ما قدرتش اعلق ، لانه بيوجع
ايوه البوست ده ، جميل يا دموع .

الا انه بيوجع اوى ، بيوجع القلب وبيوجع الضمير.

واكتر من كده مش هعرف اعترف .

اسمحيلى مش هعلق.مع انى علقت ، بس برده مش عايز اعلق

بس بجد احساسك عالى

عابرة يقول...

كلام فوق الغيوم وشعر من اجمل المشاعر
لا ادري ماذا علي القول والتعبير
فهذه الموسيقى لن تنسى وستبقى تغنى اينما ذهبت

مدونه هنا السناهره يقول...

احساسك جميل

ELMOSTAFZ يقول...

عجبتني اوي فكرة الكتب دي ، ده كل واحد عنده كمية كتب محتفظ بيها علي أمل انه يعيد قرائتها من تاني ، و في الآخر بتتركن...
مش عارف ليه حاسس ان التليفون هايطلع مفنش رصيد و هايطلع ياسر ده واطي بردوا :) :)
تحياتي دموع...

7akwena يقول...

البوست بتاعك فيه كلام كتير
مش عارف اعلق على ايه ولا ايه
بس بتمنالك الخروج من الحاله اللى انتى فيها دى وده ملوش حل بسيط وسريع اوى هو انك تقربى اكتر لربنا حتى لو كنتى قريبه بردو قربى اكتر
اما بالنسبه لموضوع الكتب دى حاجه هايله استمرى ربنا يوفقك
اما الشعر ده موضوع تانى
متهيألى الاحساس الجميل بيوصل للقلب بسرعه وانتى احساسك فى القصيده جميل حسيته ووصلنى بسرعه
اما قلوب بلا مرسى دى حكايه كبيره
مش عايزها تخلص
تحياتى ليكى

adel يقول...

حلوة بس
متحصريش نفسك في قافية واحدة
ممكن تكتبي القصيدة بالف قافية
حتي لو كل سطرين قافية واحدة و بس
زي شاعر اسمه عبد الوهاب البياتي

بس محاولات حلوة قوي

انا مش منفض بس النت بيقتلني

خواطر شابة يقول...

استعيذي بالله من الشيطان الرجيم واملئي فراغك بما تحبين ولا تستسلمي ابدا للملل فأنه محبط ويجعل الحياة قاتمة وقانا الله واياك منه
تعرفي عزيزتي ان المثل يقول لكل نصيب من اسمه انا عندما بدأت التدوين اسميت مدونتي " ياخوف فؤادي من غدي" لكن مع الوقت احسست الاسم يحمل قدرا كبيرا من التشاؤم وانا لست كذلك فغيرته فكري في الامر انت ايضا
دمت بكل ود عزيزتي

محمود(باحث عن حب) يقول...

الف سلامه عليكي
ربنا يفرج
كربك ومللك

موجة يقول...

بصى
اوقات كتير الواحد بتحيله حاله الا مبالاه دى
مش عارف يحدد هو عاوز ايه م الدنيا ولا عاوز يديها ايه
وده انتى فسرتى ان انتى عندك وقت فراغ كبير
وحده وحده زى ما بداتى اشغلى وقت فراغك باى طرقة ومتخليش عندك وقت فاضى الا للاكل والنوم بسسس
ولا اقلك تعالى اشتغلى صبى ليا احسن انا متمرمطة فى شغل البيت لوحدىىىى وماما مسافرة
اهئ اهئ
واوعدك انتى مش هتلاقى وقت حتى تهرشى فيه
فكى كده وروقى

اقصوصه يقول...

رمضان كريم

وكل عام وانتم بخير :)

فشكووول يقول...

السلام عليكم
طب ايه المشكله انت بتعرفى تغيرى من تيمة الحياه عندك وعندك تنويعات كتيره فى الحياه يعنى اتمنى ان تكون مرت الايام السيئه او المود الوحش اللى عندك وانا شايف ان مودك بقى حلو خالص
تحياتى

داليـ ـ ـ ـ ـ ـ ــــا يقول...

لحظات الملل دى
اغلب البشر عايشين فيها

عجبتنى فكرة تجميع الكتب
بحيكى عليها

حلوه الكلمات
وبالذات حنة
انساك لو انساها
ياليتك مااهديتنى اياها

تحياتى

اعقل مجنونه يقول...

الملل ظاهره صحيه جدا جدا جدا فتره وهتروح حولى انتى بس ماتفكريش فيها كتير لان التفكير السلبى هيخليكى فعلا سلبيه
ممكن تجيبى ورقه وتكتبى فيها الحاجات اللى بتعمليها كل يوم وايه نفسك تجربيه وجربى حاجات جديده
.............................

سيبك بقى من دا كله البوست حلو اوى

elsha3er يقول...

انا كنت متابع المدونة بس كنت متابع قديم اوى اوى من سنتين تقريبا او اقرب شوية الله اعلم فاكرانى ولا لا

اما بالنسبة للملل كلنا بنعانى نفس الشئ لكن الشاطر اللى يجدد نفسه ومافيش احلى من الايجابية اللى انتم عملتوها استشعرى الفرحة لما تتطلعوا الفلوس دى واستشعرى حديث النبى على من ادخل فرحة فى قلب مسلم

واعتقد انك بتخذى العين بحكاية الملل دى عن قلمك وأسلوبك بسم الله ما شاء الله كلامك جميل اوى اوى اوى واسلوبك اكثر من رائع

كلام من قلبي يقول...

اولا ازيك وحشتيني اوي
معلش انا متاخرة عليكي بس الظروف والله
ايه يا عم الكلام الجامد دا
بجد كلامك حلو اوي
تسلم ايدك يا قمر

غير معرف يقول...

الكلام جميل اووووى بجد .. طول عمرك وانتى مبدعه
اتمنى لكى التوفيق
واذا كان ف نصيب يبقى اكيد هنتقابل تانى قريب

اسلام محمد - جمعيه الشباب - محافظة المنوفيه

:)