الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الجمعة، 18 فبراير، 2011

ارجووووووك لااا تحافظ على نظافتها







صباااااااااااحكم سكر زياده
وحشتووووووووووووونى ووحشنى الرغى فى المدونة
بس بجد انا مشغوله جداااا

بس قولت لازمن اجى احكى عن اليوم النهارده

حصل موقف دهشتنى .....لالا استوقفنى لالا استفزنى ......موقف لو الواحد ممسكش اعصابه فيه كنت هتشل

انا فعلا من النهارده هرفع شعار
(( من فضلك لا تحافظ على نظافتها ))

هحكيلكم ايه اللى حصل النهارده





بلدنا طول عمرها فله ...شمعه منوره

فقولنا اننا لازمن نعمل عليها حمله نظافه

اوعوا تصدقوا حكايه فله شمعه منورة دى اصلى كنت لسه بتفرج على برنامج عمرو اديب .....سيبك انت

صحيت الصبح اعلنت شعار خلى السلاح صاحى ( اقصد خلى المقشه صاحيه )
اخدت مقشتى وجونتيا وكمامتى ونزلت طبعا قالولى لا انتى هتمسكى البنات وتدهنوا

كل واحد فينا شال جردل ( احمر _ اسود _ ابيض ) ومسكنا بقى العواميد
ناس تكنس وناس تلون

بجد بجد الحته اللى عملناها بقت فله شمعه منوره وفوقيهم بوسه كمان

طبعا اللى رايح واللى جاى رافع علامات الاستفهام هى الناس دى بتعمل ايييييييييه ........ مجانيييييييييين

من المواقف
واحده معاها بنتها وبتبصلنا وبتضحك (ياترى مندهشه ولا مبسوطه ) رحتلها وانا مبتسمة
ازيك ياخالتو .....ايه رأيك
طبعا عسل وسكر ربنا يحميكم
يعنى انت شوفتى قد ايه تعبنا عشان خاطرى بلاش ترموا زباله
من عنيا ياحبيبتى

موقف اخر
واحده عجوزة وقفت تتفرج
رحت قولتلها ازيك ياتيتا راحت واخدانى بالحضن وفضلت تبوس فيا
وسألتها نفس السؤال وكان ردها جميل
انا عمرى مابرمى ورق فى شارع وبستنى الراجل ييجى ياخد الزباله

واحد اخر جه معانا واخد مننا الفرشه ودهن معانا وعلمنا وشكرنا

البلد فيها روح جميييييييييييييييييله والله

والموقف الاخيييييير الرهييييييب واللى خلانى بجد ضحكت من قلبى

طفل جالى جرى بيقولى

( ابله ابله هو انتم بتنضفوا ليه هو الوزييير جاى )
(0_0) (0_0)
طب ارد اقول ايييييييه
يمهل ولا يهمل

قوم ايييييييه بقى بعد ماشلنا مقلب الزباله اللى كان موجود تلاقى واحده (...........) ماسكه جردل وجايه ترميه
بصوا انا جريت عليها زى دراكولا
على فيييييييييييييين ياامى .......طبعا بعد مابصتلى وعلى وشها ابتسامه عريضه وكأنى بقولها تشيييز هناخد صورة تذكاريه
قالتلى هارمى الزباله هنا ...وبعد مقاومات شديده تفضلت شاكره انها هتروح ترمى فى سله المهملات قلبى انشرح والله
وبعد ماخلصنا مهمتنا العظييمه

رحت اتمم على المكان جاى شلل بجد لا مش عايزة اقولكم
هنا بقى الموقف اللى استفذنى وشلنى وجابلى المراراه .......انهم سايبين السله فاضيه ....ورامين حواليها

ياجماعه انتم ليه رافعين شعار حافظ على نظافة صندوق قمامتك .....
طبعا استوجب علينا نقرر اننا لاااااااااازم نعمل حمله توعيه مكثفه على البيوت فى اقرب وقت

**********************************
تااااااانى حاجة بقى

كان عندنا فى الشرقيه حفله حضرها

الآلاف بيحتفلوا بنجاح ثورة 25 يناير بالشرقية




بجد انا النهارده بس حسيت معنى الحريه



حسيت الحريه النهارده لما كنا رايحين حفله قدام مقر الاخوان بدون خوف ان ممكن حد فينا يتضرب او يتهان او يتاخد اشتباه
حسيت الحريه النهارده واانا بهتف من قلبى تحيا مصر
حسيت الحريه النهارده لما شوفت اهالى الشهداء بتتكلم وبتحكى عن اولادها اللى ماتو فى الثورة ( نحسبهم شهداء ولاازكى على لله احد )
فى كل نفس كنت باخده النهارده حسيت فيه بالامل

الحفل مكنتش للاخوان بس كان لكل مصرى
كان فيه روح غريبه قوى بين كل اللى موجودين واول مره احسها
كان موجود فى الحفل شباب اخوان وكفايه ووفد وتجمع وناصرى وازهر وعمل
كل واحد فيهم قال كلمته
وبعد كدا بقى كان ختامها مسك
عملوا حفله صغيره كان فيها 3 عرسان
الاول كان فرحوا النهارده واحتفل بيه معنا
والتانى عقد قران
والثالث خطوبه
بجد مشهد راااااااائع
وختموها بأناشيد وطنيه

بجد ياجماااااااعه
انا اتحرمت انى اروح التحرير او انى انزل مظاهره غير مره واحده(يوم مااتنحى )

بس النهارده كان يوم مهما اتكلمت عنه
مش هوصف جماله

*************************
وهختم كلامى





ملحوظه (الصور دى لحمله النظافه اللى عملناها فى الزقازيق مش فى بلدنا )

الجمعة، 11 فبراير، 2011

الراجل اترعب منى






اول مره انزل مسيره فى الشرقيه واول مانزلت اتنحى
لو اعرف ياخواتى ان حسنى حبيب الهارت بتاع انا هيترعب من نزولى كدا وهيتنحى كنت نزلت من زمان ههههههههه


بجد المشهد النهارده كان رهييييييييييب رهييييييييب
انا بحمد ربنا انه كتبلى انى انزل بجد احساس تانى وانت بتلف فى شوارع بلدك بتهتف وبتطالب بالحريه

وانت حاطط قدامك شعار
مش هنسلم مش هنلين مش هنسيب المصرى حزين مش هنسيب ابدا صهيونى يتحكم فى مصيرنا سنين


احلى حاجة عجبتنى ( دلعوا يادلعوا مبارك الشعب خلعوا _ حالو ياحلو النظام الشعب حلوا _ ياسوزان خافى عليه هنجبهولك من رجليه )

كنت فى الشارع مروحه وسمعت الناس بتزغرط وبتهتف الريس اتنحى دموعى تنزل من الفرحه وانا بقول

الله اكبببببببببببر والله الحمد
الله اكببببببببر والله الحمد
الله اكبببببببر والله الحمد

والله وهملوها الرجاله ورفعا راس مصر بلدنا

انا لغايه لوقتى مش مصدقه
حاسه انى بحلم

بس فى حلم جميييييييييييييييييل

مبرووووووووووووووك يامصر
من النهارده هتغمضى عينك وانت مرتاحه وحاسه بالامان
من النهارده مفيش ارهاب
من النهارده مفيش طغيان
من النهارده فيه تعمير فيه اصلاح فيه تغيير فيه نهضه حقيقيه
صنعها ابنائك
.
كنت ببكى من قلبى على حال البلد واقول فيييينكم يااحفاد احمد عرااابى

كنت فاقده الامل فيكم

لكن سامحونى
انى الان افتخر بكمممم
وغدا سأحدث ابنائى عنكم
كما كام ابائى يحدثوننى عن ابطال 73


الحمد لله وصلنا لغايتنا ......ألف مبروك لكل مصر
من دلوقتى يلا ......الشغل يبدأ لأتقان ، الجد ، التعب ، الإجتهاد
كل واحد فى مكان ...... ((مقامك حيث إقامك ))
أثبت ُحبك لمصر ...أشتغل وغيرّ من نفسك ، إتعب عليها ، عشان تبقى مصر أحلى بلد
"لا يغير الله ما بقوم حتى يغيروا ما بأنفسهم"
...
يحبك يــــــــــــــــــــــــارب ، وبحـــــــــــــــــبك يــــــــــا مصر