الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الجمعة، 18 فبراير، 2011

ارجووووووك لااا تحافظ على نظافتها







صباااااااااااحكم سكر زياده
وحشتووووووووووووونى ووحشنى الرغى فى المدونة
بس بجد انا مشغوله جداااا

بس قولت لازمن اجى احكى عن اليوم النهارده

حصل موقف دهشتنى .....لالا استوقفنى لالا استفزنى ......موقف لو الواحد ممسكش اعصابه فيه كنت هتشل

انا فعلا من النهارده هرفع شعار
(( من فضلك لا تحافظ على نظافتها ))

هحكيلكم ايه اللى حصل النهارده





بلدنا طول عمرها فله ...شمعه منوره

فقولنا اننا لازمن نعمل عليها حمله نظافه

اوعوا تصدقوا حكايه فله شمعه منورة دى اصلى كنت لسه بتفرج على برنامج عمرو اديب .....سيبك انت

صحيت الصبح اعلنت شعار خلى السلاح صاحى ( اقصد خلى المقشه صاحيه )
اخدت مقشتى وجونتيا وكمامتى ونزلت طبعا قالولى لا انتى هتمسكى البنات وتدهنوا

كل واحد فينا شال جردل ( احمر _ اسود _ ابيض ) ومسكنا بقى العواميد
ناس تكنس وناس تلون

بجد بجد الحته اللى عملناها بقت فله شمعه منوره وفوقيهم بوسه كمان

طبعا اللى رايح واللى جاى رافع علامات الاستفهام هى الناس دى بتعمل ايييييييييه ........ مجانيييييييييين

من المواقف
واحده معاها بنتها وبتبصلنا وبتضحك (ياترى مندهشه ولا مبسوطه ) رحتلها وانا مبتسمة
ازيك ياخالتو .....ايه رأيك
طبعا عسل وسكر ربنا يحميكم
يعنى انت شوفتى قد ايه تعبنا عشان خاطرى بلاش ترموا زباله
من عنيا ياحبيبتى

موقف اخر
واحده عجوزة وقفت تتفرج
رحت قولتلها ازيك ياتيتا راحت واخدانى بالحضن وفضلت تبوس فيا
وسألتها نفس السؤال وكان ردها جميل
انا عمرى مابرمى ورق فى شارع وبستنى الراجل ييجى ياخد الزباله

واحد اخر جه معانا واخد مننا الفرشه ودهن معانا وعلمنا وشكرنا

البلد فيها روح جميييييييييييييييييله والله

والموقف الاخيييييير الرهييييييب واللى خلانى بجد ضحكت من قلبى

طفل جالى جرى بيقولى

( ابله ابله هو انتم بتنضفوا ليه هو الوزييير جاى )
(0_0) (0_0)
طب ارد اقول ايييييييه
يمهل ولا يهمل

قوم ايييييييه بقى بعد ماشلنا مقلب الزباله اللى كان موجود تلاقى واحده (...........) ماسكه جردل وجايه ترميه
بصوا انا جريت عليها زى دراكولا
على فيييييييييييييين ياامى .......طبعا بعد مابصتلى وعلى وشها ابتسامه عريضه وكأنى بقولها تشيييز هناخد صورة تذكاريه
قالتلى هارمى الزباله هنا ...وبعد مقاومات شديده تفضلت شاكره انها هتروح ترمى فى سله المهملات قلبى انشرح والله
وبعد ماخلصنا مهمتنا العظييمه

رحت اتمم على المكان جاى شلل بجد لا مش عايزة اقولكم
هنا بقى الموقف اللى استفذنى وشلنى وجابلى المراراه .......انهم سايبين السله فاضيه ....ورامين حواليها

ياجماعه انتم ليه رافعين شعار حافظ على نظافة صندوق قمامتك .....
طبعا استوجب علينا نقرر اننا لاااااااااازم نعمل حمله توعيه مكثفه على البيوت فى اقرب وقت

**********************************
تااااااانى حاجة بقى

كان عندنا فى الشرقيه حفله حضرها

الآلاف بيحتفلوا بنجاح ثورة 25 يناير بالشرقية




بجد انا النهارده بس حسيت معنى الحريه



حسيت الحريه النهارده لما كنا رايحين حفله قدام مقر الاخوان بدون خوف ان ممكن حد فينا يتضرب او يتهان او يتاخد اشتباه
حسيت الحريه النهارده واانا بهتف من قلبى تحيا مصر
حسيت الحريه النهارده لما شوفت اهالى الشهداء بتتكلم وبتحكى عن اولادها اللى ماتو فى الثورة ( نحسبهم شهداء ولاازكى على لله احد )
فى كل نفس كنت باخده النهارده حسيت فيه بالامل

الحفل مكنتش للاخوان بس كان لكل مصرى
كان فيه روح غريبه قوى بين كل اللى موجودين واول مره احسها
كان موجود فى الحفل شباب اخوان وكفايه ووفد وتجمع وناصرى وازهر وعمل
كل واحد فيهم قال كلمته
وبعد كدا بقى كان ختامها مسك
عملوا حفله صغيره كان فيها 3 عرسان
الاول كان فرحوا النهارده واحتفل بيه معنا
والتانى عقد قران
والثالث خطوبه
بجد مشهد راااااااائع
وختموها بأناشيد وطنيه

بجد ياجماااااااعه
انا اتحرمت انى اروح التحرير او انى انزل مظاهره غير مره واحده(يوم مااتنحى )

بس النهارده كان يوم مهما اتكلمت عنه
مش هوصف جماله

*************************
وهختم كلامى





ملحوظه (الصور دى لحمله النظافه اللى عملناها فى الزقازيق مش فى بلدنا )

هناك 22 تعليقًا:

Mona Abo - Elso3od يقول...

يا ساااااااااتر انت لسه صاحية
و ايه اللي فيه داء مايبطلوش لوكلوكلوكلوك هههههههههههههههه بس شطورة يا توتة في الي عملتيه بجد انا فخورة بمرات ابني ههههههههههههه
نتكلم جد بقي
يا ريت بجد الروح الحلوة دي تستمر و نقدر نغير بلدنا والاهم نغير سلوكيات الناس
تحياتي يا احلي توتة

Casper يقول...

اولا هي مبادرة طيبة من شباب مصر ولازم كلنا نشارك فيها حتى لو بعضنا مش قدر ينزل ويشارك المهم انه في منزله وفي الشارع اللى ساكن فيه وفي منطقته ما يرميش اي قمامة ويحافظ على بلده

النظافة سلوك حضاري يعني بالبلدي كده فيه انسان اتربي انه لما يركب ميكروباص وياكل لب يرمي في الشارع وفيه انسان اتربي انه يحط القشر في ايده

السلوك ده لازم نعلمه لاخواتنا ولولادنا
لازم نتعلم من الثورة نتعلم حرية التعبير عن رأينا نتعلم النظام نتعلم ما نسيبش حقنا

حاجات كتير لو متعلمنهاش من الثورة يبقى كأنها محصلتش

اخيرا نتمنى يارب لمصر انها تبقى اجمل بلد في العالم وتفضل دايما ام الدنيا


__________

ربنا يوفقك دايما
بالمناسبة ايه اخبار الامتحانات ؟

موناليزا يقول...

تسلموا جميعا ويخليكم لمصر:)

ELMOSTAFZ يقول...

معلش ، نستحمل بعض شوية و واحدة واحدة
كل الناس هاتكتشف ان في اختراع اسمه صندوق الزبالة :)

شمس النهار يقول...

حريه

الله معني لم نتنفسه من زمااااااااان

تعالي شوفي قصاد بيتي بعد ما الشباب خلوا الشارع فله شمعه منوره
قلة مندسه واجندة :))
بوظوا الدنيااااااااا

والشارع بقا سوده شمعه مطفيه

معلش هناخد وقت شويه
ودااااااااايما في امل

مرايتى يقول...

مبروووووووك علينا الحريه يا بلدى

وإن شاء الله الكل حيتغير بإدينا ناخد بإيد بعض ونبنى ونعمر ونغير

ربنا يحفظ علينا الأمن والأمان ويحفظ بلادنا من كيد الكائدين اللهم أمين

كلام من قلبي يقول...

ازيك يا جميل والله وحشانسي جدا
تسلم ايدك يا قمر
والله كان نفسي اكون في مصر واشتغل واساعد فيها بس الظروف
طمنيني عليكي

رحيــقُ الضــوء يقول...

شكراً لكِ تغريد عشان نقلتي لنا الإحساس الجميل والرائع هذا
بالفعل إستطعتِ أن تجعلينا نعيش في كلماتكِ
الثورات ترتقي بأخلاق البشر وتظهر فيهم كل جميل دفنته الأيام
كل الحب :)
ملاحظة بسيطة :
أحب أأكد على كلامCasper لأنه صح 100 %
وفعلاً (( حاجات كتير لو متعلمنهاش من الثورة يبقى كأنها محصلتش ))
تحياتي ،،،

R-H-S يقول...

ههههههههههههه
لا عادي هي محتاجه فتره بس كل الناس معذوره الدنيا مش هتتغير بين يوم وليله هيحتاجو شويه تأهيل بس
وان شاء الله بلدنا هتبقي احسن واجمل

بس انتي جدعه انك اخدتي ادواتك ونزلتي نضفتي معاهم

تعرفيش مين بقي اللي اتجوز اليوم دا ؟؟

محمود(باحث عن حب) يقول...

يارب يجعله فى ميزان حسناتك

مبروك لمصر
حره مستقله

الازهرى يقول...

...وبعد مقاومات شديده تفضلت شاكره انها هتروح ترمى فى سله المهملات قلبى انشرح


محاولة والتانية والعاشرة
لو يئسنا للحظة التغيير كله هيبوظ

ربنا معاكم

VOLtaa يقول...

ربنا يبارك فيكم يا تغريد

mrmr يقول...

ربنا يبارك فى كل شبابنا الحلوين اللى زيك يا قمر اللى ح يعمروا مصر ويحافظا عليها
يارب الروح الحلوه والمحبه تسود ديما بينا
تحياتى لاجمل وارق بنوته

موجة يقول...

هههههههههه
الله يكون فى عونك
اللى غاظنى اووى الراجل اللى جاى يقول هو الوزير جاى
كنتى رديتى عليه وقلتيله لاء ياعمو ده عزرائيل هو اللى هيجيلك لو ما مشيتش من وشى دلوقتى
هههههههههههه
بس بجد برافو عليكو
بجد النماذج دى محتاجين نخليها تعم على كل شباب مصر عشان نبقى احسن واحس بالتفاؤل واحس فعلا ان بكرة ده بتاعنا انشاء الله

ماجد القاضي يقول...

السلام عليكم أختي تغريد

بجد وضعتيني في حالة جميلة من البهجة والأمل..

جميلة فكرة الاحتفال.. للأسف محروم منها هنا :(

وسعيد أيضا بروحك المبتهجة من خلال كلماتك..

ربنا يسعدك دائما بحب مصر وأهل مصر وبالعمل من أجلها.. ما هي رجعت بقت بتاعتنا خلاص!!!

جميل الاستفادة من تجربة النظافة: لا بد لكل عمل جديد من نشر ثقافة مجتمعية تدعمه.. قاعدة لازم نتعلمها في اي عمل بعد كده..

تحياتي أختي الكريمة..

على فكرة: ماعرفتش إيه اللي حصل في البرنامج التلفزيوني!!!

سندباد يقول...

ربنا سبحانه وتعالي يحفظ البلد وزي ما ننضفها من القمامة ننضفها من الفساد
تقديري واحترامي

model يقول...

ان شاء الله هنرجع تضاف
ان شاء الله هنرجع وطنين وة انتمائنا هيزيد
ان شاء الله مصر رجعتلنا فهنحس بيها و هنحس بينا

موديل
مدونة عايزة اخس

وردة الجنة يقول...

مبروووووك لمصر بالنصر ومبادرة جمييلة جداااا حملة النظافة والتوعية للناس وفعلا لازم يكون فى توعية اكتر من كده لان فى ناس ممكن متكونش فىى دماغها زى المواقف اللى انت حكيتيها وفى ناس ممكن تكون فعلا عاوزة تعمل وتحافظ بس محتاجة تشجيع

تحياتى لك ................

R-H-S يقول...

فينك مختفيييييييييه ليه؟؟؟؟

وجع البنفسج يقول...

اختي دموع القمر ..

بجد انا مبسوطة اني وصلت لمدونتك واحلى حاجة فيها كانت انشودة العفاسي ، بجد اول ما فتحت المدونة فاجأني العفاسي وفاجأتني دموعي ..من روعة الانشودة ، حبيبتي بدي حالا (!) تقولي لي كيف ممكن احط هالانشودة على صفحتي .. علشان انا باموت في حاجة اسمها مصر .. يلا بسرعة قوليلي ..
اه نسيت اقولك اني سعيدة بتواجدي هنا .. تقبلي مروري وتحيتي .

خيط الحرير يقول...

بسم الله والصلاة لي رسول الله
أنا بقي هارد ببيتين من تأليف اللصاعده الواعده ..أنا يعني...

هابنيلك ..شباب نيلك..يامصر فكر
وأجمع رؤس الفساد يا مصر حكر(والزباله بالمره).
مأنا جنسيتي إنسان ...
مخلوق من ضهر آدم أول بني اإنسان.

كان نفسي أشارك في أي مظاهره..يا بختك..يا كمنجه.
أنا ماسكه الخشب أهو.

لـــولا وزهـــراء يقول...

وحشااااااااااني.. تسلم ايديكم على المجهود اللي عملتوه

لولا