الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الجمعة، 3 سبتمبر، 2010

لـــن اقـــل وداعـــا +++ شجعنى شكرا


وسسع ومحدش يحوشنى اصل قلبى هيقف اى والله
واخيييرا وبعد طول انتظار
هيكون فيه لقاء لحبايبى المدونين فى الزقازيق مدينة السحر والجمال لاتقولى القاهرة ولاغيرها ههههههههه
كنت بتفرس كدا لما اسمع لقاء ورا لقاء وانا مش عارفة اروح فمن موقعنا هذا قررنا نحن مدونين الشرقيه اننا نعمل لقاء هنا فى الزقازيق
وطبعا لان من طبعى الديمقراطيه فهتيجوا هتيجوا
وطبعا شندوتشاتك فى شنطتك فلوسك فى محفظتك زمزميتك فى ايدك مطوتك فى جيبك :):)
هنوديكم ونعرفكم على اهم المعالم السياحيه فيها
*************************
نتكلم بجد شوية
انا كنت بكلم بيطريه وويلا وعرضت عليها الفكرة مصدقتش وشبطنا فيها سوا
انا عرضت اننا نروح دار الايتام او معهد الاورام اللى هنا ونروح اى مكان ترفيهى بعد كدا
هى قالت ان فيه حته اسمها ابو الريش
المنطقة دى فيها عائلات تحت خط الفقر تقريبا يعنى اللى فى بيوتهم يدوبك على قد يومهم
وفى واحدة هى اللى عارفاهم كلهم واحد واحد وعيلة عيلة
ممكن نتفق فى يوم ما مع الدكتورة دى ونسألها ايه اللى محتاجينهم ونحدد اليوم والمكان والزمان
وبعدين ننطلق على مكان حلو كده نتفق معاه ناكل فيه
(الكلام داقبل الفطار وشكلها كان جعان )


الكلام دا هيكون تقريبا بعد العيد او تالت يوم
هتشجعونا وتخلونا نعمل الفكرة بجد ولاااااااااا
ايه









قوول رايك بصراحة

بعد تيار عنيف من


الحب والذى جمع

بينهم عن طريق


الصدفه اجبرهما


القدر على ان يفترقا



ودعته وقلبها يعتصر الما وعيناها ممتلئتان بالدموع والتى حاولت


جاهدة حبسها ولكن لم تستطع فأنسكيت وسالت على


وجنتيها وكأنها تصرخ


(لاتذهب _ ابق معى)


هو : نظر اليها ورفع وجهها وقال : حبيبتى يؤلمنى


رؤية دموعك تماسكى تعلمين جيدا انى اريد البقاء


ولكن لابد من الرحيل حتما سأعد لابد ان التقى بكى ثانيا


لا تنظرى الى هكذا


هى :كيف لا انظر اليك وروحي تكاد ان تخرج من بين ضلوعي


وانفاسي تكاد ان تهرب مني انا لا استطيع التنفس الا بأنفاسك


فان كان القدر فرقنا فلن استطيع ان انسى من علمنى


الحب وان نسيت اعلم جيدا انى رحلت الى الابد


هو : انت تمزقى قلبى بهذه الكلمات حاولى ان تتماسكى


هى : هل تذكر عندما قلت لى انه لايوجد شىء يسمى نسيان فى قاموس الحب


هو : اجل اتذكر ولكن لااعلم متى اعود هل ستظلى تتذكرينى


هى : لك ماشئت ولكن ان استطعت ان تنسى ذكرياتى والايام التى قضيناها سويا فانا لن انساك


فعندما اسرح بخيالى اتذكرك وعندما امسك بدفاترى اتذكرك وعندما اقلب فى صفحاتها ارى صورتك واتذكرك

اجبنى كيف انساك وذكراك مخلد بقلبى ؟؟

كيف انساك وهمساتك لاتفارق مسمعى ؟؟

كيف انساك وعينى لاتغفل عن صورتك ؟؟

كيف انساك وعطرك منتشر بأرجاء حياتى ؟؟

اجبنى كيف ؟؟ ثم تستمر فى البكاء

هو : يقوم بمسح دمعتها ومعانقتها يقول وعينه مغرورقه بالدموع سأعد مهما حدث ولن انساكى مهما الزمان طال

وسنلتقى ثانيا لاتقلقى

الان حان موعد رحيلى ثم قام وهو يمسك يدها لايريد ان يتركها وبدأ يسحبها بطء الى ان افترقا

اخد يبتعد ويبتعد وهو يقول احبك احبك

سأعد ...... لن انساكى ...

ثم نظرا كلاهما للاخر وقلبهما ينزف الما

ودنا مسرعين وتعانقا نظر لها وقال الوداع ياحبيبتى

هى : لن اقل وداعا بل الى اللقاء وتركته ودنت مسرعه بعيدا عنه ودموعها تسيل على وجنتيها

مضت ايام واسابيع

وشهور


ومازالت اخر كلمه بأذنها


عالقة ومازالت صورته فى


خيالها تأبى السقوط

ودائما تردد همساته وفى


كل ليلة قبل ان تغمض عيناها تتسائل






( امازال يذكرنى ام شغلته الحياه ؟!! )



الحلقه التانية من قلوب بلامرسى هنعرف فيها ايه اللى حصل لما


جت تكلم محمد اخوها


واخبار سراج بعد اول يوم شغل


وياترى ايه اللى جرى لكريم وخلى سراج ومراد يتخضوا عليه كدا


اتمنى تنورونى لان تعليقاتكم تهمنى


هناك 59 تعليقًا:

Rosie يقول...

لن أقل وداعا..عنوان جميل و موضوع جميل..انا بس عايزة أقولك حاجة انت أسلوبك فى اللغة العربية حلو و فى السرد فى الموضوع ده جميل ..أقترح عليك أنك تكتبى قصة بنفس الأسلوب ده..

adel يقول...

همممممم

علي فكرة و عن حدث واقعي
ممكن يسيبها سنين و يتقابلوا عادي

اسال طبيب

دموع القمر يقول...

انا كتاباتى كلها باللغه العربيه
بس قلوب بلا مرسى هى اللى بالعامى حبيت اجرب يعنى واهو نوع من التنويع

انا حطيت الحلقه التالته عايزة رايك اكيد

دموع القمر يقول...

ههههه

شكلك بتؤمن بالنهايات السعيدة زيى

قول يارب

كنت بفكر يرجعوا لبعض بسرعه

كلام من قلبي يقول...

كلامك جميل اوي
فعلا الوداع شيء صعب اوي
وخصوصا لما نفارق الناس البنحبهم
انا قرات الحلقة وبجد حلوة استمري

عمرو يسرى يقول...

كلام جميل جدا
اصعب اللحظات لحظات الوداع واول ايام الفراق

دموع القمر يقول...

كلام من قلبى

عمر يسرى

اصعب لحظه هى الوداع عن نفسى مبحبهاش
ولو حد هيفارقنى بحب اسلم عليه قبليها بفترة
لكن لحظة الوداع نفسها مبحبش اكون موجودة

نورتونى

كلام من قلبي يقول...

انا كنت لسة بكتبوا
بس معادوا مش دلواتي ونزل بالغلط فمسحتوا وهبقى انزلوا في معادوا ان شاء الله ناسف للازعاج

دموع القمر يقول...

ههههههه
ماشى ياستى
ولا يهمك

تيمور يقول...

اللى بيحب بجد

عمرة مايختار الفراق تحت اى سبب

ربنا يوفقك

تحياتى

دموع القمر يقول...

اكيد بس يمكن الظروف هى اللى تخلى الواحد يبعد لفترة معينه
لكن اكيد راجع

اعقل مجنونه يقول...

اصعب حاجه فى الدنيا الوداع انا على طول لو فى حد مسافر او فى لحظة وداع بهرب منا بدخل الاوضه وانام لحد تانى يوم

جوجو يقول...

السلام عليكم
الوداع صعب جدا
كلماتك جميلة جدا رغم شدة الحزن
والحوار جذاب جدا
تحياتى

gogo!sf يقول...

طبعا اسلوبك فى الكتابه رائع جدا واستمتعت جدا جدا بالقصه الجميله دى

ومش عارفه ليه احساسى بيقولى انه ندل وواطى وزمانه اصلا اتجوز واحده تانيه
هههههههههههههههههههه

بجد وبدون مبالغه قصه تحفه واوجعنى فراقهم كثيرا

بشكرك جدا على زيارتك اللى بجد اسعدتنى جدا

gogo!sf

mrmr يقول...

كلك على بعضك حلووووو
البوست حلوووووو
وانت حلووووووووو
والكلام حلووووووو
ماش عارفه اعلق عايزه انقض مش لاقيه كلام للنقض
كل اللى اقدر اقوله
حلووووو .... حلوووووووو... حلوووووو

الحب الجميل يقول...

جميله أوى يا دموعى
تسلم ايدك والله
طريقة سردك رائعه وكله تمام
وحلو اختيارك لعنوان البوست
مرسيى يا حبيبة قلبى على سؤالك

Story pain يقول...

كل ليلة قبل ان تغمض عيناها تتسائل
( امازال يذكرنى ام شغلته الحياه ؟!! )

جميل أوى سردك للقصة..خاتمتها مؤلمة جدا

تسلم ايدك

اقدم عاصمه فى الحب يقول...

السلام عليكم

كل سنه وانتى طيبه
.
احسست كلامك جدا
متابع لما يخطه قلمك
ودى وإحترامى :)

دموع القمر يقول...

اعقل مجنونة
كلامك مظبوط مفيش اصعب من الفراق
نورتينى ياقمر

دموع القمر يقول...

جوجو
شكرا حبيبتى على المجامله الرقيقة دى
دا من زوقك
دمتى بكل خير

دموع القمر يقول...

مرمر

انت اللى ثكر وعثل
ربنا يخليكى اصلك بترفعى من روحى المعنويه دايما هههههههه

نورتينى

دموع القمر يقول...

الحب الجميل
احنا اخوات ولو مسألناش على بعض مين اللى هيسأل
ربنا يخليكى حبيبتى
نورتينى

دموع القمر يقول...

Story pain

نورتينى بجد
دمتى بكل خير
انت اللى كتاباتك احسن بكتير

دموع القمر يقول...

اقدم عاصمه فى الحب
نورت كويس ان حضرتك سه فاكر دموع القمر :)
دمت بكل خير
وان شاء الله متكنش اخر زيارة

الــحــــنـــــــــــــــــــين يقول...

جميله اوى بجد جميله اوى اسلوب السرد والعرض يشد اى قارىء وما فيش اسوأ من لحظة الفراق تقبلى مرورى

دموع القمر يقول...

الــحــــنـــــــــــــــــــين

سعدت بمرورك اكيد مفيش اسوأ من الفراق
شكرا على المجامله الرقيقة دى

الازهرى يقول...

http://images.panet.co.il/articles/04072007-04538-1.jpg

أحــوال الهـوي يقول...

ازيك يا قمر

انا بخير الحمد لله بس انتي عارفه رمضان
مقصر فعلا مع الجميع بس كلمه في ودنك انا نازل مصر في العيد
4 ايام في العيد

يارب تكوني بخير و روايتك هايله في احدثها ورومانسية حوارها
كل سنه و انتي بخير و عيد عليكي جميل و سعيد
قبل الزحمه

تحياتي

sendbad يقول...

اصعب ما في الحب عندما تقف الظروف حائلا بين الحبيبين
ولكن لا راحة في الدنيا ولا هروب من قدر الله
هانصعب علي نفسنا وهانبكي ويمكن نصرخ ودموعنا تبقي شلالات لكن في الاخر لازم نقول قدر الله ما شاء فعل
تحياتي لاسلوبك الرقيق
ومتشكر لزيارتك الجميلة

أم الخــلـود يقول...

حوار جميل وهادئ جدا .. سلمت الأنامل

محمود(باحث عن حب) يقول...

الله
جميله
جدا الكلمات
شاعره
دموع

دموع القمر يقول...

الازهرى
هدية مقبوله ومعبره
دمت بكل خير

دموع القمر يقول...

احوال الهوا

ايه الاخبار السعيدة دى
دا احنا كدا ملمومين عندك اول يوم العيد
والله فرحتنى

سعدت جدا بمرورك

دموع القمر يقول...

سندباد
ايه الكلام الجميل دا :)
اكيد اصعب ما في الحب عندما تقف الظروف حائلا بين الحبيبين
تحياتى
سعدت بمرورك

دموع القمر يقول...

ام الخلود
نورتينى بجد

دموع القمر يقول...

محمود

عليك غرامه تاخير
ولا انت حبيت تاخد لفه بالعجله كمان
نورتنى

تويتي فلسطين يقول...

تسلمي على الموضوع الرائع

كلام جميل

والله احلى كلمه في الدنيا الحب

واصعب كلمه في الدنيا الفراق

بس النصيب والقدر

تحياتي

طوبه فضه وطوبه دهب يقول...

حلوه اوى اوى تسلم ايديكى ويسلم احساسك كل سنه وانتى بالف خير وحب وسعاده

وردة الحياه يقول...

الوداع هو اصعب احساس يمر به الانسان واصعب لحظة لحظة الفراق حينما يصدر القدر قرار الفراق

Tamer Nabil يقول...

كل سنة وانتى طيبة


الحب احساس رائع

بس يكون صادق


بوست مميز

مع خالص تحياتى

الازهرى يقول...

ليست هدية لكنه ما احسسته بعد قرائتى

الازهرى يقول...

أدواتك فى السرد رائعة للغاية اتمنى الا تتوقفى

تحياتى دوما

داليـ ـ ـ ـ ـ ـ ــــا يقول...

القصص اللى من النوع ده بتوجع القلب
اصعب شيئ فى الدنيا الفراق
لكنه امر واقع فى حياتنا
ملايين الملايين عايشين هذه القصه
بس يختلف نوع الفراق

تحياتى

بيطرية ومش بايدى يقول...

اهم حاجة ان سياتك لازم تبدعى مع موضوع تانى بحيث انهم وبلافخر
اتشدوا لقصة سياتك زى بالظبط:D
ومحدش قال رايه فى اى حاجة بخصوص اللقاء
ولا حد جاب سيرة عنه
ولا حس ولاخبر
هسسسسسس
صباحو فل

محمود(باحث عن حب) يقول...

يا بختك

جنون عـبقري يقول...

ربنا يكرمكم ببركة الشهر الفضيل ويقدركم على فعل الخير يا رب

ضياء القلب يقول...

كلمات رائعه
الى الامام دوما
دعوه خاصه

اعقل مجنونه يقول...

حلوه اوى لن اقل وداعا

ام بالنسبه لموضوع المدونين ان شاء الله ربنا يوفقكم وابقى اكتبى بوست عن الزياره علشان عيزه اعرف ايه اللى هيحصل فيها اوك

الحب الجميل يقول...

اشجعك طبعاااااااااا
ربنا يوفقكم
وان شاء الله التجمع يكون يوم جميل
بس تيجى بقا هنا عندنا وتحكلنا تفاصيل التفاصيل
ربنا معااااكم
دمتى بنهايات سعيده

عاشقه وبدوب ف حبيبي يقول...

جامد اوى الاسم بتاع الموضوع تقبلى مرورى بالتوفيق ديما يا قمر

داليـ ـ ـ ـ ـ ـ ــــا يقول...

هى فكره جميله على فكره
وانا نفسى فيها زيك كده
بس دايما يعملوها بعيد عن بلادنا
ياما فى القاهره
ياما فى اسكندريه
انما فى اماكن كتير ناسينها

يابختكم بقه يابتوع الزقازيق

تيمور يقول...

دموع كنتى عملتى الموضوع دة فى بوست لوحدة عشان يخد حقة وتعرفى الناس بية اكتر

والله هيا فكرة حلوة

مستنى اعرف بقت التفاصيل

تحياتى

جايدا العزيزي يقول...

مش انا قولتلك ياقلبى


ان زيك فى السرد ما فيش

انا بشجعك لان زوجى من الشرقيه


وانازرتها كتير


ناسها طيبين


كمان قصتك اثرتفيا


تحياتى

mrmr يقول...

من سوهاج للزقازيق يا قلبى لا تحزن
فكره جميله بس شوفى المسافه قد ايه وصعب يا عمرى
قلبى وربى معاكوا

همس الاحباب يقول...

بالتوفيق ان شاء الله وهيكون يوم مميز
بس ياريت ناجله بعد العيد شوية لان اسبوع العيد هكون مشغول جدا
جزاكم الله خيرا
وفى انتظار باقى التفاصيل
ان شاء الله

يمين فى يمين يقول...

عنوان جميل فعلا للموضوع

ومواضيع فعلا كلها جميلة


وتملكى احساس فى الكتابة

اسمحيلى اتابع مدونتك

كل سنة وانتى طيبة
ودايما بخير

يمين فى يمين يقول...

السلام عليكم

يسعدنى المرور بمدونتك الجميلة

لكن تعرفى اصعب شىء فى الدنيا اية ؟

اصعب شىء هوا الفراق

وبيبقالو تاثير كبير جدا على اى شخص

عمتا كتابتك رائعة استمرى

ويشرفنى زيارة مدونتى

محمود(باحث عن حب) يقول...

lمبرووووووووووووووووك على اللوك ده
كل سنه وانتى
طيبه\
والاسم الجديد حلو خالص

wella يقول...

ااااااااااااااااااه

لن اقل وداعا الدنيا بتنسى كل حاجة وتبقى بس طعم الالم والمرارة اللى فى الفراق

بس انا مقتنعة بحاجة اللى بيحب حد بجد لايمكن يسيبة او يتخلى عنة دة لو بيحبة بجد