الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الاثنين، 2 أغسطس، 2010

بحكبم بجد


مفيش احلى من طعم النجاح

بتحس فرحة تنسيك كل تعب تعبته فى دراستك بجد

يااااااااه بيكون احساس جميل مش انك بس تجيب مجموع وتنجح لا وكمان تتفوق

وانا من هنا بقول لعبد العزيز خالى الف الف الف مبرووووووك يااحلى قمر

وعقبال كدا اما اجيب تقدير امتياز زيك يااااااارب

وحياه قلبى وافراحه وهناه فى مساه وصباحه ودا مين فرحان فى الدنيا زى الفرحان بنجاحه

بجد فرحتلك اوى وياااااارب كدا تجيب تقدير كل سنه واشوفك معيد كدا

اسمع منى احلى زغطوطة


لوووووووووووولووووووووولىىىىىىىىى

لوووووووووووولووووووووووولىىىى كح كح كح كح

قل اعوذ برب الفلق حتى كمان بصينلى فى الزغطوطة


سامعه حد يقولى خالك وفى جامعه

اييييون تعرفوا دى احلى حاجة ان يكون ليك خال قدك

تصاحبوا وتحكيله كل مشاكلك وتستشيره

تاخد نصايحه يحبك لله فى الله مش لمصلحه زى اى صاحب

بجد انا بحب فيه طيبه قلبه

وسماحته احلى حاجة فيه انه بيسمعلى عمرى ماكلمته اللى

فتحلى قلبه انا بقولوا انى بحبه

اوووووى (دايما اقول لجدتى لو ينفع كنت اتجوزته ههههههه ) بس يلااا


اتمنالك كل خير بس اوعى تسيبنى وتسافر كمل كليتك وهات

تقدير كل سنة وكون معيد لكن

مضيعش مستقبلك


كلية السياحة والفنادق مش موحشه حب مجالك وتفوق فيه هتجنى احلى ثمار



تحوم الفراشات وتتناغم الكلمات مزدانة بعبارات التهنئة والتبريك على هذه الخطوة التى اجتزتها فى درب الحياه تلك المتوجه بالطموح مكبله بالفلاح والتى وصلت بك فى نهاية المطاف الى درب النجاح فهنيئا لك وتمنياتى لك بدوام النجاح والتوفيق






دا محمد اخويا انا بقولوا كل

سنة وانت طيب ياحبيب قلبى

وعقباااال ميت سنة

بحبك لانك طيب وحنين بحبك

لانك بتفهمنى قبل ماتكلم

لو مهما قولت ووصفت

عمرى ماهوصف حبى ليك

اوعى تزعل منى فى يوم انا

بحب انكش فيك واعاند معاك

لكن دا مش معناه انى مش بحبك

انا يمكن ساعات بفضل مخاصماك

لانى مبكونش عارفة اصالحك ازاى مش عشان انا قاسية لا

انت عارف غلاوتك وبعدين انت مش تتقل عليا عشان اعرف اصالحك ماشى هههه

يلا نبدأ الاحتفال

What can I say

What can I do

Just word happy birthday to u
















الهديا لو سمحت كدا بالذوق

كل واحد يحط هديتك قبل مايدخل امال هتدخل كدا فاضى دا حتى عييييب















يلااا اتمنى امنية قبل ماتنفجر 1 2 3 ...........








كل واحد ياخد واحده بس بلااش طمع انا حاطة كمرات مراقبه




عييييييييييب احنا مش فى اتوبيييييس كل واحد ياخد واحدة بس










شطبنا خلاااااص كل واحد يحط هديته ويمشى :D


دى بقى هديتى انا

كل سنة وانت طيب وبصحة وبخير

هناك 39 تعليقًا:

ذكري رحيل قلم يقول...

السلام عليكم

الف مبروك النجاح لخالك وعقبالك ان شاء الله وتجيبي احسن تقدير
كل سنة واخوكي طيب وبصحة وسلام

كل سنةوكل حبايبك بخير وامان

علي فكرة الحفلة مرتبة بطريقة جميلة ومهذبة وكمان كل الكوكتيلات طعمها حلو والحلويات تحفة في شكلها
عقبال ما نحضر حفلة زواجك عن قريب ان شاء الله
تحياتي حبيبتي

محمـــــد إحســــــان يقول...

واحجز اوووووول تعليق .. بما ان الليله دي ليلتي ..

محمـــــد إحســــــان يقول...

وانتي طيبه يااحلي اخت في الدنيا

وبجد مهما حصل منك برضوا بحبك وهفضل احبك دايما .. واكيد لما بشاكس معاكي بيكون لمصحتك وانتي عارفه كده كووويس

بس هعمل ايه لازم تعاندي معايا علشان يكون للحياه بينا طعم جميييييييل

وبعتز بيكي دايما وربنا يقدرني واكون الاخ اللي رسماله احلي صوره :))

محدش ينسا الهديه وهو داخل .. هههه

احاسيس آيوشه يقول...

الف الف مبرووك لخالك ياجميل
وعقبال ما نبارك لنتيجتك ياااااارب
وجميل فعلا ان يكون ليكى اخ او خال او عم قريب من سنك يفهمك وتفهميه وتكونوا اصحاب
ربنا يخليكم لبعض

adel يقول...

مبروك
وكل سنة و هو طيب
اتنين تعليق في سطرين اهون
:)
وانتي اخبار نتيجتك ايه ؟

كلام من قلبي يقول...

الف الف مبروك يا جميل لخالك وعقبالك يا رب
فعلا بيكون جميل ان ليكي خال قدك
وكل سنة واخوكي طيب وعقبال مليون سنة
http://dingo.care2.com/pictures/c2c/galleries/albums/104/995159991/Miscellaneous/birthday_card.jpg

اقصوصه يقول...

الف مبروك لكل الناجحين :)

الحب الجميل يقول...

الف مبرررررروك لخالك
وكل سنه واخوك طيب
وكل سنه وانتى طيبه بمناسبه رمضان
ايه يا بنتى الاحتفال الكبير دا
شكلك صرفتى عليه كتيررررر مبلغ وقدره
ههههههه
حلو البوست اوى والاكل احلى هههه

عندك حق يا دموع القمر ما فيش احلى من طعم النجاح بعد تعب ومجهوووود

جميل منك شعورك الطيب بمن حولك

لسا بتكحى ولا خلاص

عقبالك يا قمر وعقبال ما نفرح بيكى
اه معليش نسيت الهديا على التربيزه
المره الجايه بقا؟؟؟؟؟
دمتى فى حفظ الرحمن
وربنا يخليكوا لبعض
يــــــــــارب

ساسو يقول...

وحشتيني يا أرق دموع
ألف مبروووووووك النجاح لخالك
ويارب يديم حبكوا
ويخليكوا لبعض

حاضر يا محمد مش هننسا الهديه

http://www.sunflowergifts.com.my/estore/images/products/fresh%20fruit-s.jpg

MOHAMMED ELBANNA يقول...

ألف مبروك النجاح ....ويوم ميلاد سعيد لأخيكي .
ربنا يوفقكم جميعاً للخير .
وعقبال نجاحك يارب .
تقبلي مروري
محمد البنا

خواطر شابة يقول...

ربي يديم افراحك عزيزتي ويكثرها ويخليهم لك
دمت بكل ود

The illusionist يقول...

تلاتين الف مبروك لخالك

بجد يا بختك بيه

دى الحاله الوحيده اللى مكنتش فكرت فيها فى الصداقه اللى من غير مصلحه

فعلا دى اجمل حاله

ربنا يخليكى ليه ويخليه ليكى

الف مبروك

اه واخوكى صحيح

ماشى بتستعرضى رجاله عليتكم عشان محدش يعاكس وبتاع

مش هنعاكس يا ستى

انا على معادى النهارده

هه

اما نشووووووووووووووووف

3mR Wa2el يقول...

مبروك لخالك
و كل سنة و انت طيب لاخوكي
و كل حاجة فيها كاف الا انتى
ههههههههههههههههههههههههه

بوست دمه خفيف ربنا يسعدك كمان و كمان

حاجات جوايا يقول...

ازيك يا قمر بلا دموووع
اخبارك ايه حبيبتى
وحشتينى يا جميلة

الف مبروك لخالك
عندك حق فعلا لما الخال يبقى قريب فى السن بتبقى حلوة اوى
مامتى كان ليها خالة من سنها
وكانوا صحاب بيدرسوا ويخرجوا مع بعض وكل حاجة
بس الجواز والشغل والولاد والظروف بقى بتبعد الناس عن بعضها


كل سنة ومحمد طيب وكل الخير
عقبال يارب 100 سنة
وعقبال ما يفرح بك وتفرحيبه مع نصكوا التانى ان شاء الله

بس ينفع يعنى
تلمى هدايا قد كده
وتجيبيله انتى حتة كارت ورق
انتى هتاخدى الهدايا وتلزقى عليها الكارت وتقدميها باسمك ولا ايه
اعترررررفى
ههههههه


ميرسى يا قمر عالتاج
هحاول اجاوبه والله
ادعيلى بس عشان مزاجى مش ولابد
وعايزة لما اجاوب اجاوب بنفس عشان ميبقاش دمى تقيل

كل سنة وانتى طيبة حبيبتى
رمضان كريم
اللهم سلمنا الى رمضان وسلم رمضان الينا

تحياتى وودى

مي يقول...

مبررررررروك لخالك وكل سنة واخوكى طييييييييب يا قمر انا جاية اكل تووووورتة كتيرررررررررررر
ههههههههههههههههه يرب يجعل ايامك كلها فرح

م ـلآذ,, يقول...

ألف مبروك لخالك وان شالله ربي يبارك له في شهادته ,,
وهاابي بيرثدي لأخوك والله يخليكم لبعض يارب ..

الحفله ظريفة ومرتبه وشيك أوي ..
أسلوبك لطيف =)

تقبلي مروري ..
كلّ الحب وتحيات ـي ,,

R-H-S يقول...

انا افتكرت في الاول انك نجحتي

علي العموم الف مبروك لخالك وعقبال كدا ماتجيبي امتياز
وكل سنه واخوكي طيب

انا كنت عاوز احضر الكورس بتاعك بس النور قطع عندنا على العموم تتعوض المره الجايه

تحياتي

محمود(باحث عن حب) يقول...

ميت مليون سلام
لدموع القمر
وخال دموع القمر
واخو دموع القمر
وكل اللى بيحب دموع القمر
وكل المدونين
والمدونات
ورقصنى يا جدع
ملقيتش غير
فرقه حسب الله الثامن والتسعون
علشان
يحى الفرحه دى
يارب يديم عليكى
الخير والصحه والهنا والسرور
يارب

خيط الحرير يقول...

بسم الله والصلاة علي رسول الله
بعد مليون مبروك ..وكل سنه وهو طيب وكل البوستات الجميله دي...
عاوزه أقولك أنتي بنت شربات
بضحك من ساعه علي تعليقك علي الراجل العجوزوالتورته اللي هاتنفجر ..وهو قاعد ميت ..ياولداه من الوحده..
وبضحك علي بالألوان اللي ما كملتش كتابه ..وكل ما أفتكرك وانتي بتعلقي عليها وهي يادوب سطرين أموت م الضحك وأقول في نفسي تلاقيها بتقول عليه مجنونه..كانت مسوده وما كملت وحصل غلط وتحررت..علي العموم أول ما أكملها قوليلي رأيك أحسن أضطريت آسفه أنسفها بالتعليق زي التورته عشان أكتبها تاني...
ياأم الرغي
ســــــــــــــــلام.

محمد mtomtolove@yahoo.com يقول...

رمضان كريم كل سنة وانتى طيبه والف مبروك ومدونتى اتشرفت بزيارتك ليه وشرف ليا انى ازور مدونتك

الحب الجميل يقول...

تم حل التاج

شاب فقرى يقول...

ألف مبرووووووووووووووووك
وكل سنة واخوكى طيب يارب :)

كل سنة وانتم طيبين بمناسبة رمضان
انا بشقر كل كام يوم
مش لازم ريدر لانى مش بتابعه اساسا
:)
تحياتى يا دموع
شاب فقرى

شوكولاتة يقول...

سيبك من كل الكلام ده اللي عاوز مبروك اوك واللي عاوز كل سنة وانت طيب اوك
بس انا عاوزة علبتين الشوكولاتة دول هههههههههه

أتنين حبيبين يقول...

وحشششششششششتينى

الف مليون مبروك
ويارب كتر افراحنا ومناسباتنا الجميله
وكل عام وانتى واسرتك الكريمه بالف خير ويعود الايام بالخير يارب

دمتى بكل الخير

مودتى

أحمد الصعيدي يقول...

السلام عليكم


دموع القمر

كل سنة وانتي طيبة

yasmina يقول...

هااااااااى توتة ازيك

الف مليون مبروك على نجاح خالك وعقبالك يا قمر
وفعلا احلى حاجة بجد ان يكون ليك خال قريب من سنك دى حاجة جميلة اوى
وانا حساها بجد

وكل سنة واخوك طيب وعقبال مليوووووووون سنة
وبجد حفلة جميلة اوى حقيقى

وكل سنة وانتى طيبة ورمضان كريم وقريب اوى تشوفى التاج وتقوليلى رايك ايه

سلام يا قمر وتحياتى ليكى دايما
ويارب ايامنا كلها تبقى فرح واعياد دايما يارب

Timo.. يقول...

دموع القمر القمر..
الف مبروك لخالك النجاح والتفوق..
ويارب عقبال ما نبارك لك انت كمان على التفوق الحلو ده..
وكل سنة وانت واخوك وكل اسرتك واحباباك بكل الخير والسعادة والحب.

ليس فقيرا من يحب يقول...

الف الف مليووووووووووووووون مبروك لخالك

ياتوووووتى ماشاء الله يارب يوفقه وعقبال كده البكالريوس

وعقبالك انتى كمان يا توتى

كل سنه ومحمد طيب وعقبال 100 سنه فى طاعه ربنا

يارب يخليكم لبعض ومتتحرموش من بعض ابداااااااااااا

طبعا الحفله فايف ستارز واكيد

الناس خلصت على كل الحاجات الحلوة اتصرفيلى بقى دلوقتى وهتيلى حاجه حلوة لاما مش منقوله من هنا هه

وبالنوسبه للهدايا اختك مفلسه

ياريت تشوفنى بحاجه ينوبك ثواب

كل سنه وانتى طيبه يا قلبى ورمضان كريم

salwa يقول...

السلام عليكم دموع القمر
الف مبروك نجاح خالك
و اطيب التمنيات لاخيكي
و يا رب دوما سعيدة
رمضان مبارك

داليـ ـ ـ ـ ـ ـ ــــا يقول...

على فكره أنا ملحقتش أخد أى حاجه
لا جاتوه ولا عصير
هو إيه الإفترا ده
اللى جاى متأخر مالوش حاجه
ههههههههه

أول زياره ليا ولاقيت نوعين من الاحتفالات المفرحه

ألف ألف مبروك على نجاح خالوا ونتمنا المذيد والمذيد من النجاح والتفوق دائما
وكل سنه وأخوكى طيوب وعقبال مية سنه

خالص تحياتى ياقمر
مش يادموع القمر

ذكري رحيل قلم يقول...

السلام عليكم
كل سنة وانت طيبة اللهم بلغنا رمضان

maxbeta3zaman يقول...

أول مره ادخل هنا وكنت متوقع دوع ومناديل كلينكس كتير بس الحمد لله لقيت فرح ...ونجاح ... وأكل معنوى ...

محمود(باحث عن حب) يقول...

فينك يا دموع القمر
مختفيه
ليه؟

mrmr يقول...

الف الف مبروك ياقمر
ربنا يفرحك بيه ويخليكم لبعض
وكل سنه وانتى طيبه
رمضان كريم


مرسى على الجاتوهات والحلويات اممممممم
بحبها قوى انا اخدت ليا والعيله اصلى لقيت اوبن بوفيه غصبن عنى
ههههههه

احاسيس آيوشه يقول...

كل سنة وانتى طيبة ياجميل ورمضان كريم

wella يقول...

اخيرا الكهربا جت
هش باه لتقطع تانى خلينا ساكتين

عقبال يارب ماباركللك على النتيجة يارب وازغرطللك احلى زغروطة

واية ياعم الخال الصغيور دة ههههههه ربنا يباركلك فية ويوفقوقة يارب
وكل سنة واخوكى بخير

بس حلو اوى ان خاللك قدك كدة ياااااااااااه
تعرفى انا لو عندى كدة كنت اصيع معاه صياعة واخرج معاه ونتفسح ماحدش يقدر يقوللى كلمة خالى ياعالم
ههههههههههه

شاب فقرى يقول...

ضفناكم فى الريدر
فين البوستات بقى
الله
رمضان كريم :)
شاب فقرى

اسماء واحلام فى وجدانى يقول...

السلام عليكم
ازي حضرتك يارب تكونى بخير
كل سنة وانتى وكل اللى فى قلبك طيبين وبخير دايما يارب رمضان كريم
اسف طبعا على التاخير فى الرد لانى للاسف منقطع عن المدونة بشكل شبه نهائى من شهر ونص تقريبا او اكتر وطبعا انا فاكر حضرتك جدا لان مفيش حرف او احساس بيدخل مدونتى واقدر انساه اسف للمرة التانية على عدم الرد وكل سنة وانتى طيبة وبخير دايما يارب

momken يقول...

هى الست دى مقضيها زغريد فى كل المندونات؟؟
الضغط كله عليها

لازم لسنها وصوتها يرتاحول شويه

كل سنه ومحمد بخير

وحضرتك كمان

واضح انكم صرفين جامد على عيد الميلاد الصرف باين اوى

تحياتى