الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الأربعاء، 6 أكتوبر، 2010

نشره اخبار التاسعه وتسعتاشر دقيقه






صيداتى انصاتى صادتى اصعد الله مصائكم
يصعدنى ان اقدم لكم موجز بأهم الاخبار فى نشره اخبار التاسعه وتسعتاشر دقيقه خبر مستعجل ميستناش للدقيقه العشرين

السيدة بكيزة ام حميده تنفى فى بيان لها اختطافها لزوج الفراخ العتاقى اللذين اختفيا فى ظروف غامضه من على سطح جارتها الست ام حدوقه واضاف البيان ان هذه الاتهامات باطله ولا اساس لها من الصحه وعلى صعيد اخر قال شاهد عيان (لامتقلقش شويه برد ) انه شاهد الفرختين المذكورتين قبل اختفائهما تسيران اعلى سطوح السيده بكيزة وكان يبدو عليهم اثر الارهاق ومن ناحيه اخرى اقامت السيده حدوقه مؤتمرا صحفيا اتهمت فيه السيده بكيزه ام حميده بإختطاف الفرختين
وفى خبر عاااااجل ورد الينا اعترفت السيده بكيزة ام حميده بوجود الفرختين المذكورتين لديها لكنها قالت انهما لجئتا اليها سياسيا واذاعت شريط فيديو يظهر الفرختين وهما يتحدثان عن الاهوال التى تعيشانها على سطوح ام حدوقه



وقد راسلنا احد البائعين الاستاذ (محدش فاهم حاجه ) وهو فى نصف قواه العقليه
يستغيث فقد سرق منه قفص طماطم وعندما توجهنا الى مكان الحادث وجدنا العديد من الاتهامات
والتى انتهت بإعتراف الاستاذ
( الكيلو بعشره جنيه والحسابه بتحسب) احد الموظفين انه هو السارق ولكنه اقسم انه لم يسرق الا 4 كيلوا فقط لزوم الطبيخ ولاندرى حتى الان اين ذهب الباقى ومن هو السارق الخفى !!!
وتوالت الزغاريد من بيت ( جالى السكر ) حيث استطاعت زوجته ( وانا ذنب اهلى ايه ) التقاط محفظته والاستحواذ على المهيه والذهاب الى السوق لشراء مستلزمات الغذاء






وافاااادت الانباء الوارده من فرن الخبز البلدى بأن شجارا ربما يكون عنيفا هناك الان
ومعى على الهاتف السيد (ابو رغيف الساخن ) المتحدث الرسمى باسم منظمة الخبز الساخن للجميع _

سيد ابو رغيف ماذا حدث بالظبط
_ وقعت المشاجرة بعد خطف حصه الخبز التى حصلت عليها احدى السيدات التى كانت تقف من السادسه صباحا واستلمت حصتها فى الثانيه عشر ظهرا مما جعلها تدخل فى نوبه صياح تلتها إغماءه فحضر اهلها على اثر ذلك واتو بالخاطف وشعلقوه وبالشبشب زغزغوه وبعد كدا نزلوه وهو بيقول /

العيش عند الواد سيكه هو اللى وزنى والنبى سبونى وروحوا خدوه
_

سيد ابو الرغيف وهل تتكرر مثل هذه الحوادث ؟
_ بالطبع هى شىء اعتيادى ونحن فى سبيلنا لاطلاق المبادرة الوطنيه (اقف فى دورك ومتحجزش لحد ) والتى سوف نطلقها من امام الفرن فى اللحظات القليله القادمه

ومن داخل فرن محدش هياخد حاجه تم تبليغ اسعاف الرغيف الذهبي بحدوث حادث فظيع بالفرن وهذ الحادث حدث بسبب اختناق رغيفين واحتراق اربعه داخل الفرن .وتجري الان المباحثات الجنائيه عن سبب هذا الحادث ولكن السيد صاحب الفرن وهو سيد سكنات .. بيتهم المدعو شلاطه باانه سبب في هذا الحادث ..


والى هنا اعزائى المشاهدين انتهت نشرتنا الاخباريه
كان معكم ام برقوق من امام احدى شاشات الكمبيوتر
والسلام عليكم ورحمة الله وبركاته

هناك 32 تعليقًا:

Story pain يقول...

:):):):)
صباحك زى الفل...وحشتينا يا قمر

هى نشرة الاخبار دلوقتى لازم تبأه زى نشرتك كده علشان الناس مايجلهاش القلب والضغط وهما بسمعوا الاخبار...
كده مش هنحتاج لمهدئات واحنا بنتابع الاخبار...

يارب ما يكون بوست وخلاص وتكون الفكرة اللى جت دلوقتى في بالى في بالك انت كمان....

خلاص كلنا هنتابع نشرة اخبار ام برقوق :)

romansy يقول...

يا صباح التريقه والناس اللى رايقه

romansy يقول...

ام برقوق دى غاليه علينا قوى قوى قوى
الكيلو وصل ل 22 جنيه مما ادى الى اننا نقول نجيب تمن لحمه احسن

romansy يقول...

والله هم يضحك وهم يبكى
بس بقى انتى شطوره قوى فى السخريه

Timo.. يقول...

ههههههه..
عثثثثل يا برقوق والنبي عثثثثثل :)

R-H-S يقول...

انتى نسيتى حاجه مهمه على فكره الطماطم ...انتي مبتنزليش السوق ولا ايه
الطماطم دلوقتي بقت ب 10 جنيه
دلوقتى الناس بتاكل اى حاجه منزوعه الطماطم

اخبار الدراسة ايه ؟

Sweet Violet يقول...

هههههههههههههه
كل ده فى 6 اكتوبر
ده تفاؤل مقصود ولا صدفة
:))

adel يقول...

هههههههه حلوة قوي
بس اولها احلي
قلبت بعد كده سيد ابو حفيظة :)

الحب الجميل يقول...

أم برقوق أزيك
نشرة اخبار فى منتهى اللذاذة
والطعامه
والله عثل يا دموعى
بس جبتى الاسامى اللى تهلك من الضحك دى ازاى؟؟؟
احلى نشرة اخبار التاسعه وتسعتاشر دقيه سمعتاها فيكى يا يلوجر
كان نفسى اشوفك
المرة الجايه ان شاء الله
دمتى بخير

محمود(باحث عن حب) يقول...

موتيني من الضحك والله فظيعه
يادموع
رائعه

VOltaa يقول...

مصاء النور ياختى
:p

ايه البوست البهيل ده :D

The illusionist يقول...

انا الاول بلا منازع

The illusionist يقول...

واضح انى مش الاول قوى يعنى

بس قريت النشره كلها

واضح ان النشره مانت مفصله المره دى خصوصا ان استاذ ابو رغيف سخن كان عندى حالا

وقالى انهم فى الشتا هيضطروا يبيعوا الارغفه معاها دفايه نظرا لانتشار الدفايات وقله العيش

حضرت اخر سيشن فى الكورس يا ستى

وقريت كل حاجه

العيال اللى هناك فرافير قوى صراحه

هههههههههههههههههههههههههههههه

بس كان حلو وكويس

انا كنت داخل باسم يابانى لو لاحظتى

عشان متعرفينيش

نياهاهاهاها

سندباد يقول...

شفتي قد ايه الشعب المصري قادر يتجاوز كل المشاكل والهموم اللي عنده ويتريق علي نفسه وعلي كل حاجة مش مظبوطة حوليه
وشفتي انتي غيبتي قد ايه ورجعتي بقنبلة
هو الغياب بيعمل كده ولاايه
انا بقالي فترة مبتستمتش علي فكرة
فكرة جميلة وياريت تكرريها
واسف ان بقالي فترة مجتش هنا
سماح ياهل السماح
تحياتي

خواطري مع الحياة يقول...

هههههههههههههههههههههه
روعة
دمك خفيف
ضحكتيني ربنا يسلي عليك
سلامي

مدونه هنا السناهره يقول...

كلام جميل ومدونه اروع

كبر دماغك يقول...

طول عمرك عثل توتو

MOHAMMED ELBANNA يقول...

همسات
أضحك الله سنك .... أشكرك على نشرك للبهجه في نفسي
مع خالص تحياتي
محمد البنا

جايدا العزيزي يقول...

همسات وبحــ الحياه ــر

ههههههههههههههه

ايه الجمال ده

فتست على روحى من الضحك

وحشتينى

تصدقى زعلت انى جيت متاخرة

خسرت ضحكتين

وفرختين وجوز ارانب

ههههههههههههه

اشكرك

تحياتى

اقدم عاصمه فى الحب يقول...

السلام عليكم
تصدقى جيتى فى وقتك
ربنا يجعلك سعيده دايما

ودوماً اصدقاء :)

مرايتى يقول...

ايه الأخبار الذيذه دى

ولسه ياما حيحصل ده بس والطمام بعشره جنيه أما لما تبقى ب15 ولا20 إيه إلى حيحصل

مهى مجنونه بقى

بجد بوست تحفه وإسلوبك هايل تسلمى ياقمر

مدونه هنا السناهره يقول...

مدونه رائعه وموضوع اروع
واتمني مروك في مدونتي

salwa يقول...

السلام عليكم
رووووعة
اسلوب رائع مصاغ بقالب فكاهي
و الموهبة واضحة
تسلم الايادي
سلام

ميس فلسطين يقول...

هههههههههههه
ولله من اجمل الاخبار

شكرا يا عسل

عمرو يسرى يقول...

اهم الانباء
بعد زياده الطماطم ارتفع سعر مسلسل الاطفال بوجى وطمطم مما ادى بمنتج العمل لعمل نسختين نسخه بوجى بس ونسخه بوجى وطمطم لمواجه الاعتراضات على الزياده ولوصول بوجى لكل الناس
والى اللقاء مع اهم الانباء
كان معكم مراسلكم عمرو يسرى
هههههههههه
جميل البوست ده

داليـ ـ ـ ـ ـ ـ ــــا يقول...

افادك الله يابرقوق

لاء وايه واخده بالك من السلع المعذبه
الطماطم الا بقت بعشره جنيه
والفراخ طبعا سلعه جامده
والعيش وطابوره وزحامه

لو لاقيتى طابور العيش ادامك مزحوم
يبقا انتا اكيد اكيد ف مصر

محمود(باحث عن حب) يقول...

فينك؟

الــحــــنـــــــــــــــــــين يقول...

هههههههههههههههههههههههههه اخبار المهلبيه جميل جمال تحياتى ليكى

mrmr يقول...

نشره اخبار خاصه جدا
هههههههه

لذيذه يا قمر

ربنا يسعد قلبك

كلام من قلبي يقول...

هههههههههههههههه
حلوة او النشرة دي
تسلم ايدك
معلش اتاخرت عليكي
بس ظروف
طمنيني علكي
تحياتي

eng_semsem يقول...

انت لازم تفكري الواحد بالبلاوي ده عيش وطماطم بكره يمنعونا من التنفس كمان دمك زي العسل ياريت يبقي في نشره تانيه كمان او على الاقل كل يوم

محمد الجرايحى يقول...

تقبلى مرورى وتقديرى واحترامى