الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الجمعة، 19 نوفمبر، 2010

بحبه ياباااباا



وحشتونى وحشتونى وحشتووووووونى
اى والله واحشين قلب ام برقوق خاص
بناتيتى الاعزاء جايالكم النهارده لانقل لكم بيان رسمى فهمى نظمى

ركزى معايا يانن عينى لو انت

بتحبيه.. بغلاسته وتناحته وبصباع رجله الخارج من شرابه المقطوع.

مش قادرة تستغني عنه وعاوزة أهلك يوافقوا على جوازكم؟


أول حاجة

لازم تختاري وقت مناسب عشان تفاتحيهم فيه..
وبما إن الأم هي اللي
بتعرف الحاجات دي أولاً؛
فلازم تتجنبي إنك تفاتحيها في الموضوع
ده في المطبخ..
جنب السكاكين والحلل اللي بتغلي والحاجات اللطيفة دي.. وده
مش ضمان كافي، للأسف عشان كده بانصحك تلبسي خوذة لتجنب الحوادث العرضية،
ويا حبذا لو لبستِ درع كامل يغطيكِ من "فوج لتحت" ومن "تحت لفوج".

لما تكتشفي

بقى إن الوالد والوالدة مش طايقينه،
وعندهم مشاكل جامدة مع موضوع
الشراب بالذات،
وده شيء متوقع زي ما احنا عارفين،
اعملي اللي هاقولك عليه.
والنتايج مش مضمونة.

.
اقفي في الصالة -لو وقفتِ في الصالون الموضوع كله
هيبوظ- وارفعي إيديك لفوق في حركة مسرحية -تخيلي نفسك "أمينة رزق" في أي
أفلامها- وإذ فجأة وعلى حين غرة وعلى حين بغتة، اقعي
(هيكون شيء لطيف لو
حطيتِ شوية جلسرين تحت عنيكِ ونكشتِ شعرك قبل الوقوع).
في الأول أهلك ولا
هتتهز ليهم شعرة.. مش مهم.. استمري في الدور لغاية النهاية حتى لو ما فيش
مشاهدين غيرك.
اثبتي في مكانك.. ساعة.. ساعتين.. تلاتة.. لحد ما يبدءوا
يشكوا إن الموضوع بجد.

إياكِ إياكِ لما يقربوا منك تضحكي! افتكري كل الحاجات الوحشة اللي مرت بيكِ..
من أول المصاصة اللي اتسرقت منك في
الحضانة لحااااد الحلقة الأخيرة من مسلسل
"ليلة القبض على فاطمة"

، وعشان تزودي المأساة تخيلي نفسك "فاطمة" شخصياً.
طبعاً


هيحاولوا يفوقوكِ بأرق الوسائل الممكنة (جردل مية متلجة)، مش هتفوقي..
وتقعدي تقولي كلام مش مفهوم.. من نوعية و"أعمل إيه باللي في بطني"
(مش الأكل أكيد)
، وتمثلي دور رقصة الفرخة الأخيرة عند الفرارجي.. شوية
vibration يعني!
لو سمعتي أصوات غريبة حواليكِ، وصوت -خير اللهم اجعله
خير- زي صوت سن سكاكين وسواطير، أوعي تفتحي عينك..
حتى لو حسيتِ بحاجة
بتزغزك على رقبتك..
لأن كده أهلك يبقوا حلوا ليكِ المشكلة..

من جذورها!

والبقاء لله



الى هنا اعزائى ينتهى بيانا
عايزة اسمع اخبار سعيده
فوتوكم بعافية تيك كيييييير

***********************

حلقه جديده من
((((((قلــــــوب بــــلا مرســــــي))))

اكيييد رأيكم يهمنى

كل سنة وانتم طيبييييين

بحبكم فى الله


هناك 20 تعليقًا:

Casper يقول...

اسلوب حضرتك جميل جدا
وموضوع دمه خفيف

=======

بالتوفيق دائما
تقبلي مروري

Casper

karmen يقول...

هههههههههههه
انتي اشتغلتي مخرج قبل كده^_^
جميلة حبي تسلم ايدك
تحياتي

mrmr يقول...

تصدق بايه
انك بتحبى التمثيل قوى
وبتحبى تهدى النفوس
وده تشجيع رسمى فهمى نظمى على التمرد والعصيان وان حصل ما لا يحمد عقباه ح اخلى اهل البناويت يجوا بالسكاكين والسواطير لغايه عندك باعتبارك المحرض الرسمى الفهمى النظمى
ههههههههههه

ويالهوووووووووى دا الدم ح يبقى للركب يا جدعااااان
هههههههه

كل سنه وانتى بالف خير

الحب الجميل يقول...

هههههههههههههههههه
ايييييييييه دا يا ام برقوق
بحبه يا بابااااااااااااا
ههههههههههههههههه
يا بنتى الزمن دا اتغير
البنت دلوقتى بتتجوز اللى عوزاه
وتركب دماغها
بس النشرة جميله اوى وتودى فى داهيه
هههههههههه
وحشانى يا قمر

جايدا العزيزي يقول...

رائعه ياقلبى

دايما كلما دخلت عندك شعرت بسعاده

وكاننى فىبيتى

دمت كما تحبى

كل عام وانت بخير

تحياتى

خواطري مع الحياة يقول...

السلام عليكم
هههههههههههههه
وبعد ده كله عايزة تسمعي اخبار
هتسمعي خبر موتي مش خبر موافقتم
ههههههههههه
بجد بوست روعة
دمك خفيف ياعسولة
تقبلي مروري
سلامي لاجمل واطيب واخف واروع بنوتة.

R-H-S يقول...

دي بنت واقعه واقعه يعني

غير معرف يقول...

طب عايزين بقى لو ولد و "بحبها يابابا"

:p

فولتا

محمود(باحث عن حب) يقول...

معرفش والله مين دموع القمر دى بس لاقيتا فى تعليقات كده قلب همسات غيرت اسمها
لايتها مدونه جديده
قلت لازم انبهك
__________________
اسألكى الدعاء انا متلغبط قوى

gogo!sf يقول...

صباح الفل على عيونك يا قمر

ايه يا بنتى الكلام ده

انا لو كنت عملت كده زمان يعنى لبابا كان وفر عليا باقى المغامرة وقتلنى من اول ما وقفت امثل عليه التمثليه الفاشله بتاعتى دى
هو مش بيدخل عليه اى سيناريو من السيناريوهات دى اصلا كان قالى خليكى عانس احسن او ادفنى نفسك فى اى داهيه افضل من ابو شراب منيل ده
ههههههههههههههههه

انا بابا كان صعب جدا جدا يا بنتى الله يرحمه ويحسن اليه
ولو كنت قولتله مثلا انى هنتحر كان هيروح يشتريلى هو السم هههههههههههه

بس سيبك انتى مغامرة رائعه تدخل على الامهات اللى قلبها رهيف جدا زى حالاتى كده

صباحك جميل يا قمر

سندباد يقول...

ههههههههههههههه
والله ربنا يسعد ايامك وقلبك تغيبي تغيبي وترجعي بقنبلة تفجريها وسط التدوين دمك خفيف بسم الله ما شاء الله
عايزين بوست نصائح للشباب في مثل هذا الموقف برضه
تحياتي

salwa يقول...

السلام عليكمدموع القمر
اسلوبك دائما شيق و سلس و ممتع
انتقاد و توجيه صحيح
تسلم الايادي
اضحى مبارك
آآآآآآآآآآآآآآآسفة للتاخير
سلام

المتبهـدلـون فـي الأرض يقول...

تصدقي كان يخيط الشراب أحسن ..!

بتحبوا الرجالة على ايه والنبي ..؟ هما فيهم حاجة حلوة أصلن

خيط الحرير يقول...

بسم الله والصلاة علي رسول الله

سبقتك
أول تعليق
لو
أني مقصره معاكي أوي يا كمنجه
بس الدراسه والله..
المهم الموضوع محزن ومشكلة شبابنا
بس أنتي دمك شربات
عماله أضحك
لو أني مليش نفس
هي قلوب لسه شغاله ما انتهتش
زي القصه تبعي
خلينا جنب بعض
سلام ياكمنجه

محمد التركى يقول...

السلامو عليكم
والنعمه مؤلفه قد الدنيا
وكمان سيارست
وكمان مخرجه
ونجمه
ايه ده
وهمتينى والله
هههههههههههههه

بجد اسلوبك دائمآ جمييييييل
طبعا مفيش داعى بقى اقولك زى كل مره انا اسف على التأخير واعزورينى وكده
لانك خلاص زهقتى منى ومن ظروفى
معلش الصبر حلو

تسلم افكارك بس ياترى النصيحه دى متجربه ولا تحت الاختبار
اكيد محدش يعرف لان اللى جربتها بتتكل على طول هنسأل مين بقى
ياله البقاء لله

تحياتى لآجمل كاتبه على عرش البلوجر

محمـــد التركـــى

أحــوال الهـوي يقول...

كل سنه و انتي طيبه

بما انا بابتك
انا بعد قراءة الطريقه المبتكرة دي انا موافق جدا علي الشراب المقطوع بس رافض ريحته

تعرفي انا باضحك من ساعه و لسه مش قادر ابطل

تحياتي

يوميات شحات يقول...

ههههههههههههه
حلوة

eng_semsem يقول...

انت هتموتي البنت اللي نفسي فيها طيب انا كنت عايز اساعدها بكلامك عشان نتجوز كده هساعدها عشاان توصل للاخره
تقبلي حزني الاليم لنهاية حبيبتي

لـــولا وزهـــراء يقول...

ايه الحلاوة دي ايه الطعامة دي ايه النصايح اللي تودي تحت الارض دي هههههههههه جميييييييييييل البوست
لولا

كلام من قلبي يقول...

هههههههههههه
ازيك يا قمر
واحشاني جدا
اسفة على التاخير بس انت عرفة اكيد مش بمزاجي
حلوة الفكرة ده وقابلة للتنفيذ ان شاء الله