وحشتونى وحشتونى وحشتووووووونى
اى والله واحشين قلب ام برقوق خاص
بناتيتى الاعزاء جايالكم النهارده لانقل لكم بيان رسمى فهمى نظمى
ركزى معايا يانن عينى لو انت
بتحبيه.. بغلاسته وتناحته وبصباع رجله الخارج من شرابه المقطوع.
مش قادرة تستغني عنه وعاوزة أهلك يوافقوا على جوازكم؟
أول حاجة
لازم تختاري وقت مناسب عشان تفاتحيهم فيه..
وبما إن الأم هي اللي
بتعرف الحاجات دي أولاً؛
فلازم تتجنبي إنك تفاتحيها في الموضوع
ده في المطبخ..
جنب السكاكين والحلل اللي بتغلي والحاجات اللطيفة دي.. وده
مش ضمان كافي، للأسف عشان كده بانصحك تلبسي خوذة لتجنب الحوادث العرضية،
ويا حبذا لو لبستِ درع كامل يغطيكِ من "فوج لتحت" ومن "تحت لفوج".
لما تكتشفي
بقى إن الوالد والوالدة مش طايقينه،
وعندهم مشاكل جامدة مع موضوع
الشراب بالذات،
وده شيء متوقع زي ما احنا عارفين،
اعملي اللي هاقولك عليه.
والنتايج مش مضمونة.
.
اقفي في الصالة -لو وقفتِ في الصالون الموضوع كله
هيبوظ- وارفعي إيديك لفوق في حركة مسرحية -تخيلي نفسك "أمينة رزق" في أي
أفلامها- وإذ فجأة وعلى حين غرة وعلى حين بغتة، اقعي
(هيكون شيء لطيف لو
حطيتِ شوية جلسرين تحت عنيكِ ونكشتِ شعرك قبل الوقوع).
في الأول أهلك ولا
هتتهز ليهم شعرة.. مش مهم.. استمري في الدور لغاية النهاية حتى لو ما فيش
مشاهدين غيرك.
اثبتي في مكانك.. ساعة.. ساعتين.. تلاتة.. لحد ما يبدءوا
يشكوا إن الموضوع بجد.
إياكِ إياكِ لما يقربوا منك تضحكي! افتكري كل الحاجات الوحشة اللي مرت بيكِ..
من أول المصاصة اللي اتسرقت منك في
الحضانة لحااااد الحلقة الأخيرة من مسلسل
"ليلة القبض على فاطمة"
، وعشان تزودي المأساة تخيلي نفسك "فاطمة" شخصياً.
طبعاً
هيحاولوا يفوقوكِ بأرق الوسائل الممكنة (جردل مية متلجة)، مش هتفوقي..
وتقعدي تقولي كلام مش مفهوم.. من نوعية و"أعمل إيه باللي في بطني"
(مش الأكل أكيد)
، وتمثلي دور رقصة الفرخة الأخيرة عند الفرارجي.. شوية
vibration يعني!
لو سمعتي أصوات غريبة حواليكِ، وصوت -خير اللهم اجعله
خير- زي صوت سن سكاكين وسواطير، أوعي تفتحي عينك..
حتى لو حسيتِ بحاجة
بتزغزك على رقبتك..
لأن كده أهلك يبقوا حلوا ليكِ المشكلة..
من جذورها!
والبقاء لله
الى هنا اعزائى ينتهى بيانا
فوتوكم بعافية تيك كيييييير
***********************
حلقه جديده من
((((((قلــــــوب بــــلا مرســــــي))))
اكيييد رأيكم يهمنى
كل سنة وانتم طيبييييين
هناك 20 تعليقًا:
اسلوب حضرتك جميل جدا
وموضوع دمه خفيف
=======
بالتوفيق دائما
تقبلي مروري
Casper
هههههههههههه
انتي اشتغلتي مخرج قبل كده^_^
جميلة حبي تسلم ايدك
تحياتي
تصدق بايه
انك بتحبى التمثيل قوى
وبتحبى تهدى النفوس
وده تشجيع رسمى فهمى نظمى على التمرد والعصيان وان حصل ما لا يحمد عقباه ح اخلى اهل البناويت يجوا بالسكاكين والسواطير لغايه عندك باعتبارك المحرض الرسمى الفهمى النظمى
ههههههههههه
ويالهوووووووووى دا الدم ح يبقى للركب يا جدعااااان
هههههههه
كل سنه وانتى بالف خير
هههههههههههههههههه
ايييييييييه دا يا ام برقوق
بحبه يا بابااااااااااااا
ههههههههههههههههه
يا بنتى الزمن دا اتغير
البنت دلوقتى بتتجوز اللى عوزاه
وتركب دماغها
بس النشرة جميله اوى وتودى فى داهيه
هههههههههه
وحشانى يا قمر
رائعه ياقلبى
دايما كلما دخلت عندك شعرت بسعاده
وكاننى فىبيتى
دمت كما تحبى
كل عام وانت بخير
تحياتى
السلام عليكم
هههههههههههههه
وبعد ده كله عايزة تسمعي اخبار
هتسمعي خبر موتي مش خبر موافقتم
ههههههههههه
بجد بوست روعة
دمك خفيف ياعسولة
تقبلي مروري
سلامي لاجمل واطيب واخف واروع بنوتة.
دي بنت واقعه واقعه يعني
طب عايزين بقى لو ولد و "بحبها يابابا"
:p
فولتا
معرفش والله مين دموع القمر دى بس لاقيتا فى تعليقات كده قلب همسات غيرت اسمها
لايتها مدونه جديده
قلت لازم انبهك
__________________
اسألكى الدعاء انا متلغبط قوى
صباح الفل على عيونك يا قمر
ايه يا بنتى الكلام ده
انا لو كنت عملت كده زمان يعنى لبابا كان وفر عليا باقى المغامرة وقتلنى من اول ما وقفت امثل عليه التمثليه الفاشله بتاعتى دى
هو مش بيدخل عليه اى سيناريو من السيناريوهات دى اصلا كان قالى خليكى عانس احسن او ادفنى نفسك فى اى داهيه افضل من ابو شراب منيل ده
ههههههههههههههههه
انا بابا كان صعب جدا جدا يا بنتى الله يرحمه ويحسن اليه
ولو كنت قولتله مثلا انى هنتحر كان هيروح يشتريلى هو السم هههههههههههه
بس سيبك انتى مغامرة رائعه تدخل على الامهات اللى قلبها رهيف جدا زى حالاتى كده
صباحك جميل يا قمر
ههههههههههههههه
والله ربنا يسعد ايامك وقلبك تغيبي تغيبي وترجعي بقنبلة تفجريها وسط التدوين دمك خفيف بسم الله ما شاء الله
عايزين بوست نصائح للشباب في مثل هذا الموقف برضه
تحياتي
السلام عليكمدموع القمر
اسلوبك دائما شيق و سلس و ممتع
انتقاد و توجيه صحيح
تسلم الايادي
اضحى مبارك
آآآآآآآآآآآآآآآسفة للتاخير
سلام
تصدقي كان يخيط الشراب أحسن ..!
بتحبوا الرجالة على ايه والنبي ..؟ هما فيهم حاجة حلوة أصلن
بسم الله والصلاة علي رسول الله
سبقتك
أول تعليق
لو
أني مقصره معاكي أوي يا كمنجه
بس الدراسه والله..
المهم الموضوع محزن ومشكلة شبابنا
بس أنتي دمك شربات
عماله أضحك
لو أني مليش نفس
هي قلوب لسه شغاله ما انتهتش
زي القصه تبعي
خلينا جنب بعض
سلام ياكمنجه
السلامو عليكم
والنعمه مؤلفه قد الدنيا
وكمان سيارست
وكمان مخرجه
ونجمه
ايه ده
وهمتينى والله
هههههههههههههه
بجد اسلوبك دائمآ جمييييييل
طبعا مفيش داعى بقى اقولك زى كل مره انا اسف على التأخير واعزورينى وكده
لانك خلاص زهقتى منى ومن ظروفى
معلش الصبر حلو
تسلم افكارك بس ياترى النصيحه دى متجربه ولا تحت الاختبار
اكيد محدش يعرف لان اللى جربتها بتتكل على طول هنسأل مين بقى
ياله البقاء لله
تحياتى لآجمل كاتبه على عرش البلوجر
محمـــد التركـــى
كل سنه و انتي طيبه
بما انا بابتك
انا بعد قراءة الطريقه المبتكرة دي انا موافق جدا علي الشراب المقطوع بس رافض ريحته
تعرفي انا باضحك من ساعه و لسه مش قادر ابطل
تحياتي
ههههههههههههه
حلوة
انت هتموتي البنت اللي نفسي فيها طيب انا كنت عايز اساعدها بكلامك عشان نتجوز كده هساعدها عشاان توصل للاخره
تقبلي حزني الاليم لنهاية حبيبتي
ايه الحلاوة دي ايه الطعامة دي ايه النصايح اللي تودي تحت الارض دي هههههههههه جميييييييييييل البوست
لولا
هههههههههههه
ازيك يا قمر
واحشاني جدا
اسفة على التاخير بس انت عرفة اكيد مش بمزاجي
حلوة الفكرة ده وقابلة للتنفيذ ان شاء الله
إرسال تعليق