الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الخميس، 22 يوليو 2010

فاكر ولا لا


اخدنى الشوق والحنين ومسكت الريموت وقعدت قدام التى فى ( اللى هو التليفزيون )
وانا بقلب استفزنى اعلان برنامج اللى بيقدمه الواد اللى فاكر نفسه حليوة دا اللى هو امير كرارة ايوا هو دا اللى كان بيقدم برنامج ستار ميكر اللى خرجلنا ايساف وشاهيناز وغيره وغيره
سيبك انت من الرغى دا اللى استفزنى بقى انه فى البرنامج بيقولك ايه فااكر ولا لا ... لو حافظ اغانى عربى كتير وحافظ كلماتها كويس اتصل وتعالى هتكسب 250 الف جنيه والناس بتتصل وتموت كدا وياااااه لو راحت وكسبت يجيلها ساكته قلبية ولو مكسبتش يجيلها نقطة وبرضو هتموت :)
..........................
برضو سيبك من الرغى دا :):)
اللى بيحزنى بقى ان مفيش اعلان كدا يقولك لو حافظ ايه واحدة من القران مش يقول سورة ولا صفحة
ربنا بيقولك انك لو حفظت القرآن وختمته وفضلت تراجع عليه هتشفع لسبعين من اهلك وهتدخل بيهم الجنه ...........
بالزمة انك تقعد ليل ونهار تحفظ كلمات اغانى عشان 250 الف جنيه ومسيرهم هبتصرفوا على جوازة ولا دواء ولا سفر ولاعربية ...... ولا انك تحفظ قران تدخل بيه جنه الخلد
فكروا كدا بجد انا بحزن على الشباب دول
بحزن لما بلاقى بنت هتموووووت من العياط وعنيها بقت زى الاوطة (الطماطم ) :):)
عشان حفلة تمورة فاتت ومتفرجتش عليها وبحزن على الشباب اللى بيسقط البنطلون ويلبس سلسة وياكل لبان ويقلد تقليد اعمى
بحزن على الشباب اللى يفضل سهران طول الليل بيحمل شريط دياب الجديد ولا اليسا
وربنا بينزل كل يوم فى التلت الاخير يقول هل من تائب هل من مستغفر
فكروا فيها بجد ليه بنبص تحت رجلينا وبنطمح اننا نكسب الدنيا وناسين الاخرة
حد يقولى ياستى ماهو احنا بنصوم رمضان وبنصلى وبنقرا قران وبنقيم احنا هنموت نفسينا يعنى :)
طب دا فى رمضان فين باقى الشهور
انا مش بكتب هنا عشان اقول الاغانى حرام ولا بطلوا لا
انا جاية بدردش وهسيبكم تفكروا
لو انت مت وانت بتسمع اغانى .......... ولا لو مت وانت ماسك مصحفك :)
من مات على شىء بعث عليه
......................................
عايزة دعوااااتكم الفترة اللى جاية
ربنا ينصرنى :) ويوفقنى لما فيه الخير

هناك 28 تعليقًا:

VÖltaa يقول...

مساء الفل

VÖltaa يقول...

اول تعليق

هع هع هع

رديتهالك

غير معرف يقول...

بصى يا دموع القمر فيه برامج دينيه ومسابقات برضو دينيه بس طبعا مش بالمبالغ دى وليها قنواته الدينيه
وكذلك برامج مسبقات الاغانى ليها قنواتها المخصصه

ولو دخلتى على القنوات الدينيه هتلاقى مسابقات وبرامج تشرح القلب برضوا
انما بقى نيجى لكلامك ان الواحده من دول تعيط عشان فاتها برنامج ولا حفلة تموره دى عندك حق فيها
واكيد طبعا الواحد يتمنى يموت وهو ماسك المصحف
عندك حق والله وربنا يبعدنا عنها يارب

ربنا يجزيكى خير يارب على البوست

خواطر شابة يقول...

اشياء كثيرة مما ذكرت تعكس فعلا واقعنا وواقع شباب اليوم لكن هذه النماج موجودة ومعها ايضا موجود نماذج على النقيض تماما ملتزمة وومتخلقة وذات مبادئ وقيم الخير غير معدوم عزيزتي
ختاما دعواتي لك عزيزتي ان ربي ينولك اللي في بالك
دمت بكل الود

adel يقول...

ر في اعلانات عن مسابقات دينية كتير
بس الحقيقة كله هبل و عبط
!!!
شوفي القناة الجديدة بتاعت التلفزيون العربي
بجد تحفة

ذكرى رحيل قلم يقول...

السلام عليكم
جزاكي الله خير وبارك فيما كتبتي اختاه
عندك حق حال شبابنا يحزن وحال فتايات المسلمين يبكي
نسيتي الشيشة للبات والشباب والسجارة مع اللبانة

هههه
ربنا يكرمك ويوفقك لما يحب ويرضي وينصرك في حياتك ان شاء الله ربنا معاكي
دمتي بكل حب وباقة معطرة من الورد

باحث عن حب يقول...

السلالم عليكم
كفايه انك
مقتنعه بالكلام ده
وده دليل
ان لسه فى خير فى امه سيدنا محمد
وصدق حينما قال(الخير فى وفى امتى الى يوم القيامه)او كما قال

اختى العزيزه
الشباب دول اللى على السطح بس
ده برضوا لا يغنى اننا خير اجناد الارض
وهى فتره غلبه جنود الشياطين علينا
بس
بس والله لسه فينا الخير
شويه امل وشويه تفاؤل
اقولك على حاجه حلوه نصيحه من اخوكى ممكن الكبير سننا الصغير شئنا
فى الدين خصوصا حتى لا يأخذنا الشيطان الى حافه الهاويه
(لا تنظر الى الهالكين كيف هلكوا ولكن انظر الى الناجون كيف نجوا)

يعنى ايه

اقولك انا فى الدين والعباده الواحد
يبص على الاعلى مننه علشان يكون عندهخ
همه انه يوصل على نفس الطريق ويكون النيه لله
\وندعى للمقصرين بالهدايه لعل وعسى هذا العاصى ربنا يكرمه ويقبل منه ويكون احسن مننا
وفى امور الدنيا منبصش للى اعلى مننا
لآ نبص للى اقل مننا علشان نقدر نعيش صح

ده كل ضحك على الدقون الفضائيات والمسابقات
والله كغثاء السيل لا يسمن ولا يغنى من جوع
يارب يعينك يارب

شوية قهوة يقول...

مساء الخير يا جميل

بجد فعلا عندك حق

المفروض ان كل واحد فينا يفكر شوية ويعد مع نفسة بس عشر دقايق بيتهياقلي حياتوا كلها هتتغير

NANA Dreams يقول...

مرحبا
دعوة خاصة

علاء المصرى يقول...

موضوع مميز فاليكن فى ميزان حسناتك

جزاك الله خيراً

salwa يقول...

السلام عليكم
جزاكي الله كل خير
ادراج رائع تسلم يدك
اللهم اعنا على طاعتك و حسن عبادتك
جمعتك مباركة
سلام

yasmina يقول...

........

احم احم ممكن ادخل ؟

عارفة انك زعلانة منى
بس
مش عارفة ليه ؟
ومش عارفة لسه زعلانة ولا لأ ؟

عشان الاسئلة اللى معدومة الاجابة دى انا استاذنت قبل ما ادخل
ومستنية الرد
عشان ادخل هنا تانى بس بقلب جامد شوية وانتى مش زعلانة

وبرضو قبل ما امشى
هدعيلك واقوللك يارب تكونى دايما سعيدة وينولك اللى بالك ويقدملك اللى فيه الخير
يارب

سلام ومستنية الرد
............

ساسو يقول...

والله يا قمر كل كلمه صديقي محمود( باحث عن حب) كتبها كنت هكتبها بالظبط
انا معاه في رأيه
وبجد كفايه انك بتتقربي من ربنا كتير
ومدركه الصح من الخطأ
بجد هتعيشي مرتاحه

R-H-S يقول...

مش عارف اقولك ايه بس دول فعلا اللي ربنا ختم علي قلوبهم يعني اكيد الواحد عارف فين الصح من الغلط بس ياما بيستهبل يا بيستهبل
مش كدا ولا ايه؟
وبعدين اصلا انتي عرفتي ايساف وشاهيناز دول منين؟؟؟ هه؟ كنتي متابعه شكلك كدا

richardCatheart يقول...

ازيك يا قمر يارب تكونى بالف خير

ربنا ينصرك يارب ويكرمك ان شاء الله

ويوقفلك ولاد الحلال ويسخرلك كل الخير ان شاء الله

المشكله ان المسابقات الدنيه بقت مقتصره على القنوات اللى بيسموها اسلاميه
وسيبيبن الناس يقولو فيها اللى على مزاجهم وطبعا اى قناه خاصه بتخاف تعمل
المسابقات الدنيه فى غير رمضان ليقولو عليها بقت اسلاميه وتتحط فى الدماغ
ويقرفوهم المشكله الحقيقيه
ان الكل بعد عن الدين الصح البسيط
الفطرى اللى وصانا عليه المصطفى
وبقى الكل بيخاف من الصوره الحاليا
للاسف
يارب ديما بخير وربنا يطمنا عليكى ان شاء الله

amirelhob يقول...

احلى حاجه انى من دقايق بس سامع سى دى لمحاضره الداعيه حازم شومان نفس الكلام ونفس الطريقه بس الجميل بقى فى البوست انك حطيتى ايدك على حاجه كبيره اوى بتضيع وقتنا وافكارنا الاعلانات اللى بجد ملينا سخافات الاعلان بقى اغلى من المسلسل وبقى بيلمع النجوم يعنى النجم اللى ميعملش اعلان ميبقاش نجم لازم يبقى فى السى فى بتاعه اعلان يفتخر بيه وكل من هب وداب بقى بيعمل اعلانات ليه لازمه او ملهاش من غير ما نفكر او نسال دا فايدته ايه وبتاع مين ولا فى صالح مين اهو قرشين وجم من الهواء فى تلات ساعات تصوير انا خسران ايه


بوست جميل اوى بجد وسعيد ان فى ناس لسه واخده بالها من اللى حواليها ومن ان فى عقاب وثواب انا كونت خايف نكون نسينا لكن الحمد لله لسه فى كتير هنا وبرا البلوجر فاكرين وعارفين يعنى ايه حياه بجد وحساب وجزاء


بوست تحفه يمكن موضوعه مختلف لكن ابعاده بجد روعه

ربنا يسعدك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

د/ أحمد لاشين يقول...

جايعشان اقول ربنا ينصرك
ويوفقك
ويكرمك
وييسرلك امرك

افروديت يقول...

فعلآ أناأصلآ بتخنق من البروجرام ده لأنه تافه ومش في أي قيمة..ربنايحسن ختامناجميعآ ..آمين..بوست جيد

ليس فقيرا من يحب يقول...

السلام عليكم

توتى حبيبتى ازيك وازى اخبارك

وحشااااااااااااااااانى اوى اوى يابت

معلش بجد من تقصيرى معاكى

عندك حق فى كل كلامك

احنا اصلا بقى عندنا مشكله قلوبنا بقت قاسيه ومتعلقه بالدنيا الا من رحم ربى

ربنا يعفو عننا ويعينا على الطاعه

ويسامحنا على التقصير

ربنا معاكى ويوفقك يا حبيبتى

يارب

خير ان شاء الله طمنينى عليكى

حبات التوت يقول...

طبعا مافيش
وعمرك ماهتلاقى لازم يلهوا ااشباب باى حاجة غير الدين

طب تصدقى فكرة برنامج حلوة بس مين يسمع
فى مسابقات دينة بس مش كتيرة زى المسابقات الهبلة اللى زهقتنا على التلفزيون

تسلمى حبيبتى على البوست

أتنين حبيبين يقول...

حبيبتى

وحشتينى مووووووووووت
ربنا يكتبلك كل الخير يارب ويكتب ليكى السعاده والفرح اللهم امين يارب العالمين
وربنا يباركلك وجزاكى الله عنا كل الخير
ربنا يسمحنا كلنا

الحمد لله يارب على كل حال

توتا

أحــوال الهـوي يقول...

انا اسف يا بنوتي الجميلة
جدا جدا جدا

كنت باجازة
و انشغلت حتي عن نفسي و عن اللي باحبهم

سامحيني انتي عارفه غلاوتك عندي قد ايه

حمد الله ع السلامة

و ياريت اسعدت بوجودك زي زمااااان

تحياتي

غير معرف يقول...

بارك الله فيك أختى الكريمة

Story pain يقول...

البوست ده في كلام كتير كلنا عايزين نقوله..أو فعلا بنقوله مش بس لما نشوف تفاهة البرنامج اللي قولتي عليه..لكن لما نشوف حال الشباب وفقدانه لهويته في مواقف كتير...
ربنا يستر علينا والله..ويبارك في الشباب
الا بيحاولوا يغيروا..اللي لسه ليهم اهداف وعارفين طريقم كويس

يارب البوست ده يفوق الشباب اللي بتقرأه

تسلم ايدك يا قمر

أمير البلانكو يقول...

دموع

ازيك

مش عارف أقول حاجة غير

ربنا يجازيكي كل خير ويوفقك ويكرمك في حياتك
انتي وباقي أمه المسلمين


تحياتي ليكي

Sahar Elgafary يقول...

بسم الله والصلاة علي رسول الله
كم غمر همس الهدوء خاطري عندما وجدت فكرك مطابق لفكري ..اللهم أجمعنا في الجنة والمسلمين..
وأضم كلمتي لكلماتك وأقول لنفسي أولا...
أغلقي الشباك عن الدنيا واذهدي كبت المشاعر عن الحرام حلال
أيا ويح قلبي يميل الي الهوي
وأردت من رب العالمين آمال...
أسعدني جـــــدا مروري
وسيعدني أيضا مرورك
ستجدين عندي ضالتك...قصص هادفه ..وشعر ..ورأي أرجوا ..مشاركته...

شوكولاتة يقول...

لا بصراحة مش واخدة بالي اوي
هههههههههههه

ربنا ينصرك يا حبيبتي ويوفقك دايما

بوست جديد مهم عاوزين كل مدون معانا يساعدنا في مشروع مهم التفاصيل عندي في المدونة

http://chocolatah.blogspot.com/2010/07/blog-post_26.html

معانا ولا.......

rasha يقول...

جزاكى الله كل خير يا قمر ويا رب يجعله فى ميزان حسناتك ويا رب يهدينا جميعا ويوفقنا لما يرضاه