الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الجمعة، 21 يناير 2011

شمس وقمر


لا اعلم كيف اعبر لك عن المساحة
الكبيرة

التى تحتلها فى قلبى اريدك فقد
ان تذداد فخرا بإنتصارك الرائع فى غزو فكرى

فقد اشعر بأن قلبى سعيدا جدا
لوقوعه فى حبك اريدك ان تزداد فخرا ايضا

بأنك وحدك الذى اسرت قلبى

احيانا اشعر حبك كالطوق يقيد عنقى

واريد التخلص منه

حبيبى اشتقت اليك كثيرا

لاادرى متى نلتقى؟؟!

فكل السفن رست فى الميناء
الاسفينتنا

مازالت فى عرض البحر تقاوم
الامواج

ولكن لابد ان ترسى

فالطيور العاشقة تقابل عشيقها فى
السماء

كلما تشتاق اليه

وحالة الشوق هذه تنتابنى كل حين

ولكن لااملك الاان اعيش على امل
اللقاء

ولكن كيف ونحن مثل الشمس والقمر


بقلمى / تغريد احمد


هناك 16 تعليقًا:

همسات وبحــ الحياه ــر يقول...

وحشتوووووونى كتير والله وبجد المدونة وحشانى جداااااا
انا بعتذرلها عن طول غيابى
وبعتذرلكم عن عدم متابعتى لكم
وبشكر بجد كل اللى سأل عليا دعائكم وصلنى ربنا يكرمك
بحبكم فى الله
اخر ماده عليا يوم الاحد (تصوير صحفى ) ماده لذيذة خالص
المواد كلها عدت على خير سهله جدا جدا ويااااااارب كدا اجيب تقدير
بسسس
انا اتعقدت من الانجليزى ومعنديش استعداد انى افنكر فى ترجمه ايتها حاجة هههههههههههه
يوم الحد اللى فات كان ورايا انجليزى (بصوا هو مش انجليزى قوى يعنى كله كلمات مكلكعه ومفيش قواعد ولا حاجات بتاعه الثانوى دى لالالا حتى لما تحب تطلع كلمة من القاموس لازم تلف وتدور )
طبعا الدكتور كتر الف خيره مكنش مترجملنا اى حااااجه وكأننا ناس بندرس فى الجامعه الامريكية مثلا او جايين من امريكا بريطانيا
قعدت وبدأت امسك القاموس واترجم والحمد لله خلصت 4 شباتر وميت فل واربعتاشر
و خير اللهم اجعله خير حسيت انى داخله امتحان عبرى هههه فين المقرر ياجدعان
يانهار كاروهات
معرفتش... احل ولا اترجم الراجل ابن ........اللهم انى كنت صايمه :dd
...جابلنا اسئله من خارج المنهج ونجاوب عليها من دماغنا
انا كتبتله سؤال البحث وكتبتله سؤال كدا
وترجمت سؤال ببركه دعا الوالدين
وسؤال المصطلحات
بجد امتحان كان لذيذ
طبعا انا سبت سؤال (( تكلمى عن الصحافه فى فرنسا والصين واروبا الشرقيه والغربية )

امضااااااء

ههياويه فى الجامعه الامريكة
ههههههههههه

Unknown يقول...

السلام عليكم..

حمد الله على السلامة أختي تغريد...

سعدت والله إن المواد جت سهلة... (أو على الأقل ده اللي معتقداه!! :)

طب خلاص مش هخوفك...

ربنا ييسر المادة الأخيرة..

تخلصي وتيجي بسرعة.. لأنك سايبة فراغ تدويني كبير...

تحياتي أختي الكريمة.

همسات وبحــ الحياه ــر يقول...

اااااه صحيح نسيت اقولكم

مش خير اللهم اجعله خير رحت انترفيو اه
بس ايه حاجة لذيذه خالص

اول مادخلت

السلام عليكم
عليكم السلام

ازيك تغريد
الحمد لله

صحتك تمام
الحمد لله

انت من ههيا صح
اه

من ههيا نفسها
اه

بتدرسى صح
اه

ايه
اداب اعلام

بتلاقى صعوبه فى المواصلات ومشاكل
اكيد بلاقى صعوبه ..بس الحمد لله مفيش مشاكل

سمعت انك اديتى كورسات
اه ..اون لاين ... اديت كورس ايمه افتح قلبك ...عشها بشكل تانى ...وان شاء الله بحضر لكورس لستى مثلهن وزوجتك نفسى

تمااااام عظيم
طيب اخدتى كورسات
معرفش مفتكرتش ولا اسم كورس خالص بس لقيته بيقولى انت عندك عصوبه فى انك تطلعى وتقفى قدام الجمههور
لا عملتها مرتين

تماااام

عندك مشكله فى السفر لاسماعيلة او الاسكندريه وتقضى هناك اسبوع ورش عمل

لا ان شاء الله مفيش مشاكل ,,, فى الاول كان اهلى معارضين بس انا جاية النهارده واخدت الموافقه الحمد لله

طب تمام
استنى مننا تليفون
شكرا

السلام عليكم

ايه رايكم فى الانترفيو الفظيع دا هههههه

انا استخرت واللى فيه خير ربنا يقدمه

MaNoO يقول...

ههههههههههه اولا الكلام حلو جدا خلانى اركز معاه شدنى بمعنى اصح للتركيز
نورتى المدونه من جديد بس حلو الانترفيو دافين طيب الانترفيوهات السهله دى الواحد يروحلها
تقبلى احترامى وتحياتى

Rosie يقول...

بأنك وحدك الذى اسرت قلبى

احيانا اشعر حبك كالطوق يقيد عنقى
>>>
حلوة عجبتنى ...المرة الجاية تبقى شعر بقى..

Mona Hekal يقول...

ايه الرغي بتاعك ده انا نسيت انا كنت قريت ايه و مفروض اعلق عليه توهتيني بتعليقاتك انا رأيي ترفعي البوست و تسيبي التعليقات بتاعتك هههههههههههه هي لوحدها بوست رغايه صحيح هههههههههههه

المهم اعلق علي ايه و النبي بالنسبة للامتحانات هانت بس لازم الفضايح يعني ما تسيبي الناس فاكرينك ضليعة في الانجليش لازم التسييح ده . اما الانترفيو فربنا معاكي و يعملك اللي فيه الخير بسسسسسس برضه ايه السياح ده يا بنتي داري علي شمعتك او كبريتك اي حاجة بتنور و خلاص .
ايه ده هو الرغي هنا بالعدوي عجبك كده بقالي ساعة برغي

نيجي بقي للبوست نسيته صراحة من كتر رغيك و رغيي ههههههههههههه
استني بقي اقراه تاني

حلوة اوي المشاعر دي حب و اشتياق و امل بالقاء المستحيل :( حب من غير امل ازاي الشمس و القمر هايتقابلوا
تسلم ايدك يا توتا و ما تغيبيش بقي

richardCatheart يقول...

هههههههههههههههه
صباح الجمال

انت اللى وحشتينى وافتقدك جداااااااااااا

كنت بدعيلك زى مابدعى لمريهان بنتى وكل ولادنا حبيبنا

فكك بقى مش خلصتى امتحنات انسى الانجليزى يا مرسى هههههههههههه

المهم انا عجبنى موضوع الشغل دا علشان حاجه واحده الا وهى انك ممكن اوى تيجى اسكندريه ههههههههه اشطه يارب يقبلوكى يارب
ربنا يقدرك الخير فى زمان ومكان يارب

نجى للبوست الجميل

ما اجمله من قيد وما اجمله من اسر وبطل ما استطاع غزو افكارك

تحياتى يا قمر على الكلام الجميل والله تسلمو

R-H-S يقول...

ياسلام ايه الروقان دا مش عارف اقول ايه عن اللى انتي كتباه لانه سهل ولذيذ وسلسل وجميل

وبالتوفيق في امتحاناتك يارب وان شاء الله تحيبي امتياز وربنا يوفقك
وبعدين كدا تكسفينا قدام الاجانب فيه ايه الانجليزي

ومبروك علي الانترفيو وربنا ييسرلك اللي فيه الخير ونشوف تغريد الفقي قصدي تغريد احسان
بالتوفيق يا استاذه

شوية قهوة يقول...

ازيك يا قمر
والله بجد وحشاني جدا
انا خلصت امتحانات وبيتهيالي انتي كمان
مبروووك
ربنا يوفاك يا رب
بس ايه يا عم الكلام الجامد دا
ان شاء الله المركب هترسى قريب
طمنيني عنك يا قمر

شمس النهار يقول...

انتي كمان وحشتينا

وهااااااااااااانت

وربنا يوفقك

وان شاء الله ترجعي سالمه غانمة


ومعاااااكي الشهادة الكبيرة شيلنهاااالك اربعة

:)))

وتكملي القصة كمان

اه صحيح كلمات البوست جميلة جداااااا

Carmen يقول...

كلمات رقيقة ياتوتا ياحبيبتي تسلم ايدك

صيدلانيه طالعه نازله يقول...

جايز الشمس والقمر مش بيتقابلوا
بس القمر عمره ما هيكون منور الا بضوء الشمس
و الشمس مش هتحس بدورها الا لو القمر موجود
الاتنين مهمين لبعضهم حتى لو لم يتقابلوا
ما يجمعهم حبيبتى هو شعاع النور الذى يستمدونه من بعضهم البعض
الشعاع اللى بيربطكم انتوا بقى هو شعاع الحب اللى بيسعدكم و ينور حياتكم

تحياتى

mrmr يقول...

اهلا بالقمر اللى هالل عليا ده
ونور الريدر عندى
حمد الله بالسلامه يا قمر وربنا يوفقك فى باقى الامتحانات
بدعيلك يا غاليه انتى وكل اللى بيمتحنوا لغايه يا اوختى بوقى وجعنى ههههههه
ربنا يفعل الصالح ليكى وباذن الله خير
اما انا الخاطره فما فيش كلام جميله ذيك يا قمر واحساس عالى
اقعدى بالعافيه

Unknown يقول...

السلام عليكم

!!!!!!!!!!!!!!
أنا كتبت تعليق هنا قبل كده... راح فين؟!!!

غريبة!!!

عامة سعيد بموضوع المقابلة.. ربنا ييسر أمورك.. وبلغينا بآخر الأحداث..

بس بجد.. تعليقي راح فين؟!!!

الــحــــنـــــــــــــــــــين يقول...

ههههههههههههههه بجد بوست جميل اوى وتعليق الذ وارق بجد ربنا يكرمك فى حياتك

سندباد يقول...

عودة جميلة جدا وكلمنات في منتهي الرقة
ربنا يوفقك انشالله في امتحانتك وتعدي علي خير
وبالتوفيق دائما انشالله
تقديري واحترامي