الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الأربعاء، 30 مارس، 2011

بحبك ياكرييييم ^_^+++تحديييث


جاية ابلغكم ان محمد البنا صاحب مدونة طريق النجاح
هيتجوز ...
بقوله ربنا يسعدك ويهنييك
بارك الله لكما وبارك عليكما وجمع بينكما فى خير
ودى زغروطه هديه
لوووووووووووولووووووووووووووولىىىىىىى

************************************

عايزة اقولكم على حاجة حساها بقالى فتره وفرحانه جدا بيها وحستها اكتر واكتر امباح (بركه ربنا ووجوده معايا فى كل خطوه وفى كل قرار وفى كل ازمة )

طبعا كلنا عارفين ان يوم اليتيم الجمعه اللى جايه كتير من الجمعيات الخيرية بنحنفل بالاطفال فى اليوم دا
جمعيه رساله خلتنى ماسكه المسرح ومشرفه عليه من اول الطفله اللى هتقول القرآن لغايه اخر عرض فى الحفله
بجد بحمد ربنا لنه من عليا ببركته ورحمته وفضله وساعدنى انى اخلص 11 فقره فى 3 ايام بجد انجاااااز والله مش عارفه ازاى لكن وما توفيقى الا بالله

المهم عشان مرغيش كتير حكم انا رغااااايه :d:d:d

كنت فى جمعيه رساله امبارح وبراجع معاهم البرنامج ...لقيت انشوده من ضمن الاناشيد فيها كلمه ماما وبابا
اوباااااااااااااااااااااااا
طبعا لازم تتلغى ولازم احط حاجة مكانها

يااااااااااارب طب ازااااااااااى النهارده السبت الحفله الجمعه
الاطفال بتراجع على العروض
وهيجولى النهارده الساعه 5 ونص

ازاى طفل فجاه اقولوا انسى العرض دا وهنبدا عرض تانى بحركات جديده

وانا قعدت افكر اجيب حركات منين دا انا طلعت كل اللى عندى فى العروض التانية
ياااااارب

الاطفال جاين النهارده الساعه 5ونص عشان يراجعوا العرض اللى اتلغى ......الساعه دلوقتى 5
توتر .......قلق .....خوف

لكن يقينى ان ربنا عمره ماهيخذبنى وانه هينصرنى وهيوفقنى وهيلهمنى الصواب
خلانى فجأه جه فى بالى انشوده ايقاعها جميييييييل وتنفع عرض

الحمد لله اخترت الاغنية طيب الحركات

والله الذى لا اله الا هو انى خلصت فى ربع ساعه
وحطيت الهيكل للانشوده
انجاااااااااااااااااز عمرها ماحصلت

والساعه 5 ونص رن جرس الباب استقبلت الاطفال وفهمتهم ان الانشوده اتلغت وهنعمل مكانها واحده جديده
نص ساعه بالظبط
,
,
,
,
,
,
,
,
,
,
,
,
,
,
النووور قطع :(:(:(
البنات فى نفس واحد يوووووووووه هو دا وقته

قولتلهم لا .....قولوا الله نور السموات والارض
واستغفروا عشان ربنا يجيب النور

بالفعل البنات استغفروا
ومكملناش دقيقه
وانا بقول يااااارب عشان خاطر البنات دول وانهم واثقين ان استغفارهم هيجيب التور
والله مكملت الجمله
الا والنور جه الكل فى نفس واحد هيييييييييييييييييييه
وبعدها قالو الحمد لله

وعدى الوقت وكملنا العرض .
,,
,,
,,
,
,,
والدتى لسه جايه من بره
وبتسلم عليهم
فى نفس واحد حصل كذا كذا كذا
واحنالما استغفرنا ربنا جاب التور على طول

بجد فرحت جدا
ولغاية دلوقتى قلبى طابر من الفرح
بحمد ربنا انه مش خذلنى
انه من عليا بالالهام من عنده
ان الاطفال ماشين وقتنعين ان الاستغفار بيحققلهم كل اللى عايزينه

بحبببببببك باااااااااارب
ياكريم
ياودود
ياعظيم
يالطيف

حقا من وجد الله ماذا فقد
ومن فقد الله ماذا وجد



تغريد احمد ^_^

هناك 20 تعليقًا:

VÖltaa يقول...

ربنا يكرمك كمان و كمان ياتغريد انتى طيبة

R-H-S يقول...

بتصممي استعراضات كمان ^_^
انتى مبهره

بالتوفيق في العرض بتاعك

كلام من قلبي يقول...

ازيك يا جميل
اوالله وحشاني
اخبارك ايه
الحمد لله هوة اللطيف بعبادة
طمنيني عليكي يا جميل

لـــولا وزهـــراء يقول...

بحبك يارب وانت عارف بحبك قوووي يا نور القلوب وناصر كل مظلوم ومدرك الهالكين وامل التائبين وهادي العاصين ومجيب الدعوات بحبك بحبك بحبك

الله عليكِ ربنا يبارك فيكِ ويجعله كله في ميزان حسناتك الصالحة ويعوض عليكِ خيراً كما عوض على ام سلمة خيراً

لولا

موجة يقول...

مواقف جميلة جدا يا تغريد بجد انا كنت سعيده وانا بتابع اللى حصل مع البنات
ربنا يوفقك يا قمر وينورلك طريقك

Casper يقول...

بالتأكيد اللجوء إلى الله عز وجل هو المفتاح لحل أي مشكلة تواجهنا

________

خالص تقديري
وربنا يعينك ويقويكي

وبالنسبة للرغي فانتي مش رغاية اطلاقا
^_^

تقبلي مروري
Casper

سندباد يقول...

بسم الله ما شاء الله ربنا سبحانه وتعالي يجعله في ميزان حسناتك ويقربك ويقربنا كلنا من ربنا ويتقبل منا دعانا ورجانا واستغفارنا باذن الله موفقة ومن نجاح الي نجاح
تقديري واحترامي

زهرة نيسان يقول...

السلام عليكم ،

ما أجمل الثقة بالله ،
واليقين من واسع فضله ورحمته ..

ربنا يوفقك للخير دائماً ،
دمتِ بكل الخير ..

mena يقول...

مش لقيه كلام اقولو غير ربنا يفتح عليكي

MOHAMMED ELBANNA يقول...

الله يبارك فيكي وفي ثقتك به عزوجل
منذ فتره ولم أتشرف بالمرور على مدونتك الكريمه والتعليق فيها .... أشتقتُ لمجتمع التدوين .
تحياتي همســات
محمد البنا

mrmr يقول...

ليس احد قادر ومستجيب غير الله
سبحانه هو وده المنقذ من كل الضيقات
بالتوفيق

ღ أحاسيس آيـــوشـاღ يقول...

ربنا يسعدك ويفرح قلبك دايما يارب
ويجعل كل دا فى ميزان حسناتك اللهم امين يارب العالمين

شمس النهار يقول...

ربنا كريم لايخزل عبد استجار به
والحمد لله ان النور جه
والا كانت البنات جالهم احباط

ربنا يكرمك ويسعدك زي مااسعدتي البنات

ماجد القاضي يقول...

السلام عليكم أختي تغريد..

أولا: إخص عليا التأخير ده كله في التعليق رغم قراءة الموضوع أول ما نزل (مشكلة التسويف!!).

ثانيا: الله الله الله على نشاطك مع الأولاد دول!!! ربنا يكرمك بكل اللي بتعمليه.. ربنا يتقبله ويكون في ميزان حسناتك.. وإن شاء الله كل طفل اتعلم منك حاجة صح يعمل بيها طول عمره فتكون ليكي صدقة جارية.. آمين.

ثالثا: اجتهدي أختي تغريد في عمل كل ما تستطيعين من أعمال خيرية تحتاج نشاط ووقت لأني اكتشفت أني لم أستطع القيام بمثل هذه الأنشطة من زماااااان قوي.. الدنيا بتتغير والزواج والأولاد بيشغل بطريقة مرعبة...!

رابعا: أشكرك على إعادتي لأيام جميلة مضت، فتيسير ربنا لأعمال كثيرة في وقت قليل ومجهود محدود شيء ممتع جدا ويقرب من الله ويشعرك فعلا بمعيته وبالتالي تهون في عينك كل الصعاب.. فضلا عن شعورك أن الله راضي عنك وعن العمل اللي بتقومي بيه...

بجد أغبطك على النعمة اللي إنتي فيها :)

تحياتي وتمنياتي الدائمة بالتوفيق.

دعاء العطار يقول...

اجمل شعور ممكن نحسه فى حياتنا كللللللها

ان ربنامعاكى

" ان معى ربى سيهدين "

بجد يابختك بالاحساس ده

ربنا يزيدك أكترررررر قرب منه

دمتى بكل ود

(: (:

مدونة رحلة حياه يقول...

السلام عليكم
يارب دايما تبقى موفقة
ومن افضل لافضل
من وجد الله فماذا فقد
ومن فقد الله فماذ وجد
احسنتى اختيار كلماتك

محمود(باحث عن حب) يقول...

تقبل الله منا ومنكى صالح الاعمال يارب

جايدا العزيزي يقول...

تغريد

من جد وجد ومن زرع حصد

دائما الله موجود كريم رحيم

وفقك الله على فعل الخير دائما

تحياتى

همس الحنين يقول...

مساء العطر تغريد

وربنا يسعدك كمان وكمان

ويجعلها في موازين حسناتك

وبشكرك جداً على زيارة مدونتي

وبتشرف بيكي دايماً

دمتِ بسعادة

تحياتي

الــحــــنـــــــــــــــــــين يقول...

ربنا يكرمك يارب وتكونى احسن الناس قولى امين