الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الأحد، 17 أبريل 2011

دبسنى دبس :D مع تاج الثورة


طبعا التدبيسه دى من استاذى الفاضل ماجد القاضى

بأمر وقرار جمهورى انى لازم اجاوب فطبعا لازم اجاوب تلميذه لازم تسمع كلام استاذها :D

*** هل توقعت ثورة 25 يناير؟

عايزين الحق ولا ابن عمه ....طبعا لاا والف لا

دا حتى لما قالو هنطلع كلنا يوم 25 كنت بتريق عليهم انا قلت مجرد مظاهرة عادية وهيتلم فيها الحبايب كلهم ويشرفوا بطرة كالعادة لا عمرى تصورت اننا نقوم ونكون ايد واحده كدا ولاعمرى تصورت ان هيحكمنى حد غير عفروتو اصلا انا كنت فاقده الامل فى الشباب ...... كنت ببكى من قلبى على حال البلد واقول فيييينكم يااحفاد احمد عرااابى .........بس اللى كنت متأكده منه ان لازم يوم البركان ينفجر .

وهل كنت من ثوار ميدان ( التحرير - الكنبة - الكمبيوتر - حدد الميدان الآخر الخاص بك)

الكمبيوتر ..وحبه الكنبه...وعمرو افندى :D دا كان ميدان التحرير بتاعنا فى الزقازيق

كان نفسى جدااا اروح ميدان التحرير بس كله خيييييييير

*** مالم تنجح الثورة في تحقيقه هو ....................( اختار شيئا واحدا)

حرية الاعلام

ان الثقه ترجع تانى بين الشعب والشرطه وخاااااصه المرور

وان مازال فيه ناس بتشكك فى بعضها ودا ادى الى انقسام .....انت معايا تبقى حبيب مش معايا تبقى عدو

*** أكثر شىء فرحك في هذه الثورة هو .........................( اختار شيئا واحدا

ان القرضاوى ام المصلين يوم الجمعه فى ميدان التحرير كان اجمل منظر شوفته فى حياتى

اكتشفنا اننا بنحب البلد دى بجد وبنعشق ترابها وهنضحى بعمرنا عشانها

ان كل دول العالم عرفت مين هو المصرى وخلاص رجعتله قيمته وهيبته الضائعه

ان خلاص كل واحد شال اللزقه وصرخ بأعلى صوت لا للظلم

*** الشخصية التي أعجبتك خلال الثورة

كل شخص نزل وقال كلمه حق ......كل واحد عرف هو عايز ايه وليه .....مش ماشى مع اللى ماشى وخلاص ومعاهم معاهم عليهم عليهم

*** الشخصية التي احتقرتها بسبب الثورة

الاعلاااااااااااامييييييييييين اللى مكنوش بيقوموا بدورهم بأمانة واللى فعلا ميعرفوش يعنى ايه شرف المهنه ........واكتر حاجه كنت بحترقها الفنانين ياربى لما كنت اسمع منهم حد بيتكلم ويدافع عنه حاجه تشل

*** أطرف ما سمعته خلال الثورة ؟( تعليق _ نكتة _ حدث _ أخرى (

ياسوزان خافى عليه هنجبهولك من رجليه

واللى عجبنى جدا مستر نانا ^_^

*** القناة التي تابعت من خلالها أحداث الثورة هي

الجزيرة والعربية ........

وساعات كنت بجيب المصرية عشان اتفرج على منظر النيل :D

*** الجريدة التي كنت تقرأها لتتابع الثورة هي

المصرى اليوم ومازلت اقراها

واحيانا الدستور

اليوم السابع الكترونيا

*** الكاتب المفضل خلال الثورة هو

فهمى هويدى

بلال فضل

مجدى الجلاد

*** المذيع (المذيعة) المفضل خلال الثورة هو

مفيش تقريبا كنت بحب اقل فى القنوات كلها واسمع

بس كنت بحب جدا مذيعين الجزيرة

وميسون فى العربية ^_^

*** كلمة تقولها لشهداء وجرحى 25 يناير

بغبطكم بجد على النعمه دى واحسبكم كذلك ولا اذكى على الله احد

كنت اتمنى اكون معاكم وربى يعلم كنت بتمناها قد ايه بس ان شاء الله هتكون الشهاده فى المسجد الاقصى قريييييييب

وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ

دمكم عمره ماهيضيع هدر


***
متقولش إيه إدتنا مصر وقول حندي إيه لمصر

عندك حاجة تديها لمصر ؟

مجهودى ....انا تعهدت انى كل حاجة هتعلمها هعلمها للناس ..

ولو شوفت اى غلط عمرى ماهسكت حتى لو صغيره ومتستاهلش

يعنى افتكر من يومين كنت ماشيه ولقيت واحد رمى كيس شبسى فى الارض اخد الكيس وقولتله لو سحمت احنا تعبنا فى نظافه البلد دى ياريت متوسخهاش طبعا هو بصلى بذهول وابتسم ومشى هههه بس انا فرحت انى كنت ايجابيه

*** من سترشح لرئاسة الجمهورية ؟ ولماذا ؟

ازاى ارشح حد وانا معرفش برنامجه ايه .....لكن اتمنى يكون متدين فى المقام الاول انسان بمعنى الكلمة فى المقام الثانى

** لو أصبحت رئيسا لمصر ما هي أول ثلاث قرارات لك ؟

التعليم ثم التعليم ثم التعليم دا اهم حاجة والله لازم نفكر فيها لو عايزين البلد دى تنهض صح لازم يكون التعليم صح مش بياخدوا سمك لبن تمر هندى

عمرى ماهعمل لاى حد كارت ارهاب وهخلى اى حد يقول رأيه بكل صراحه عمرى ماهكبت حرية حد ادام مش هيضر البلد ولا بيخالف تعاليم ربنا

لاااااازم يكون فيه عداله فى توزيع الاجور

بس فى كل الاحوال ودا مش هيحصل يعنى انى اكون رئيسه جمهوريه ....بس مفيش مانع انى احلم ^_^ ....عمرى ماهوافق لانها مسئوليه كبيييييييره جدا

كلكم راع وكلكم مسئول عن رعيته وانا هكون مسئوله عن ملايين وحسابى هيكون عسير لو قصرت فى حق حد ولو حصل عمرى ماهدوق الراحه

*** لو أعطوك نصيبك من المليارات المسروقة , ما توقعك أن يكون نصيبك منها وماذا ستفعل بهذا المال ؟

ياصلاة النبى معتقدش ان الفلوس دى تتوزع علينا

وبصراحه لو فعلا هيحصل انا مرضاش لان كدا كدا الفلوس هتتصرف فلو استثمرناها فى مشروعات تنموية مشروعات تخفف نسبة البطاله وتنمى البلد دى يبقى افضل بكتييييييييير

التاج دا لو ههديه فههديه لاى حد يقراه واى حد يكتبلى تعليق ودا اجبااااااااااااار

هناك 13 تعليقًا:

Casper يقول...

اجابات جميلة ومتفق معكي تماما ان الاعلاميين والفنانيين كانوا أسوأ طائفة تحدثت عن الثورة


خالص تحياتي
وبالتوفيق دائما

تامر نبيل موسى يقول...

تسلمى على الاجابات البسيطة

ربنا يوفقك ويكرمك

مع خالص تحياتى

شمس النهار يقول...

ايه الاجابات الجميلة دي
:)
التحرير رمز للثورة

لكن اللي نجح الثورة ان محافظات مصر كانت كلها ميدان التحرير
واللي خرج مش بس الشباب كل الاعمار من اول الطفل الي الكهل

والحمد لله بسجن مبارك نقدر نقول ان الثورة نجحت

سندباد يقول...

باذن الله القادم افضل ونقدر نحقق كل اللي بنتمناه
تحياتي وتقديري
اجابات جميلة

ماجد القاضي يقول...

السلام عليكم أختي تغريد

1- أنا مش أستاذك.. أنا بس كنت بهوش علشان تجاوبي.. وطبعا دي أحلى تدبيسة! :)
2- أشكرك جزيلا على الاستجابة السريعة رغم انشغالاتك التنموية البشرية..
3- "كنت ببكى من قلبى على حال البلد واقول فيييينكم يااحفاد احمد عرااابى"... يا دنتي قديمة قوي.. فيه ناس كتير ظهرت بعد عرابي!!!! :)
4- أشكرك على تصريحك بفرحتك بالقرضاوي؛ أصلي حاسس إن فيه ناس بتخاف تبين الموضوع ده لحسن يفتكروها مع (الدولة الدينية الإيرانية الخومينية)!!!!!
5- تحية خاصة لهذه الإجابة المهمة الدالة في رأيي على وعي كبير: "كل واحد عرف هو عايز ايه وليه.. مش ماشى مع اللى ماشى وخلاص".
6- الإجابة دي ضحكتني: "وساعات كنت بجيب المصرية عشان اتفرج على منظر النيل"!!
7- استمري في أنشطتك الحالية فهي من أجمل ما تعطيه لمصر بالفعل.

تحياتي الدائمة أختي الكريمة.

لـــولا وزهـــراء يقول...

مبرووووك عليك التاج يااقمر(:

لولا

كلمات من نور يقول...

ما شاء الله

تاج جميل و إجاباتنا كانت أجمل و أجمل

تسلم إيدك

دعاء العطار يقول...

يعنى انتى قولتى انك مش هتعملى اى كرت ارهاب لاى حد يقول رايه لو بقيتى رئيسة جمهوريه

وجينا نعلق عندك .. فرضتى علينا جبررراً التاج ..فين الديمقراطيه بقى ؟ D: :D

بس عارفه ده احلى قرار ديكتاتورى ممكن تاخديه فى مدونتك (: (:

" مجهودى ....انا تعهدت انى كل حاجة هتعلمها هعلمها للناس ..

ولو شوفت اى غلط عمرى ماهسكت حتى لو صغيره ومتستاهلش "

عجبتنى اووووى اجابتك دى

ربنا يوفقنا كلنا يارب اننا نقدر نرفع اسم مصر ونكون على قد المسئوليه

تحياتى

(:

ღ أحاسيس آيـــوشـاღ يقول...

اجابات على التاج حلوة وخصوصا السؤال الاخير وسؤال لو اصبحت رئيس

sweet angel يقول...

جميله اجاباتك

انا بسلم بس
اعتبريني مش علقت

sony2000 يقول...

ههههههه
انتي كمان اتدبستي

أشطات:)

ساسو يقول...

اجاباتك جميله حبيبي
ومتفقه معاكي في اكتر كلامك
عسوله يا قلبي

وجع البنفسج يقول...

والله حلو كثير التاج هذا .. حاسة حالي باتتبعه من مدونة إلى أخرى .. يا بختكم في الثورة .. صدقوني راح تظل ذكرى لكم ولأحفادكم .. تقصون عليهم ما قمتم به من عمل بطولي في تغيير وضع البلد للأفضل " طبعا هذا من نتمناه ""

وعلى فكرة اعجبني مقطع " وساعات كنت بجيب المصرية عشان اتفرج على منظر النيل " . كنت اروح هناك برضه ع المصرية من مبدأ الرأي والرأي الاخر وكنت استمتع برؤية نهر النيل بصراحة..!!

أسعدني تواجدي هنا ..