الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

السبت، 23 أكتوبر 2010

كوابــيــس



سيداتى انساتى سادتى

اهلا ومرحبا بكم فى نشره جديدة من اخبار 9 و 19 دقيقه خبر مستعجل مايستناش للدقيقه العشرين

وصلت الينا من مصادر سريه بأن بعض من طلاب علمنى شكرا قاموا بعمل حمله بعنوان (( خد شنطتك فى حضنك لتسمع خبر يغمك ))
وذلك من مبدأ ((حرس ولاتخونش ))... حيث ان هناك بعض الطالبات تعرضوا للسرقه داخل قاعات المحاضره على اثر ذلك تمت حالات اغماء شديدة صحبتها نوبات صياح هستيريه .........وزى ماحضراتكم عارفين شنط البنات بتكون ملغمه ......وعلى رأيك فيلسوفنا الكبير ((لاتضع البيض فى سله واحده )) ...........وعند التوجه للمسؤلين لفيناهم نايمين فى العسل ودا طبعا من مبدأ (( اغمزينى بعشرينايه ...اجبلك الحرميايه ))
وعند التوجه لعمل محضر رسمى فوجئنا بأن الحرميايه هتقلب الموضوع ودا من مبدأ (( سرقنى وبكى سبقنى واشتكى ))

************************************************
ومن ناحيه اخرى
حدثت مشاداه كلاميه بين احد سائقى الميكروباص السيد ((خليكى كول تركبى الميكروباص على طول )) وبين احد الطلاب لان البرنس كان بينقى البناتيت اللى هيركبوا معاه والباقى يعمل ايه يروح موتورجل ............
ياجمااااااااااااعه (( مش اى واحده بيضه حلوة تبقى ورزه .....ولا اى واحده لابسه كت تبقى مزة ))

**************************************************


وصل الينا نبأ عاااااااجل بأن السيده (( ادفعى اجرتك ومتلميش من حد )) اتهمت بالسرقه وهى معنا الان على الهاتف

ام برقوق : السيده ((ادفعى اجرتك ومتلميش من حد )) ......... ماذا حدث بالضبط
المتهمه : اولا بشكرك ياام برقوق على الاهتمام
ثانيا : هحكيلك اللى حصل .........((( انا يأوختى ركبت الميكروباص الصبح ورايحه على شغلى امان الله ......وبعد ماركبت الميكروباص بإعجوبه .......قعدت فى الكرسى اللى ورا السواق ايوا هو القدمانى دا ..........وبعدين طلعت الاجرة وبمد ايدى عشان السراق ياخدها
لقيييييييته ياحبه عين امه مشغووووول .. صوعب عليا بيتعب اه امال انت مفكره ايه .........يعنى هو هيسوق ولا يعاكس المزة اللى جانبه ولا يتكلم فى النوبايل ........قولت اما الم الاجرة واخد الباقى بتاعى وبعد ماخلصت المهمه الرسمية التى يقوم بيها التباع .......لقيت السواق تحول الى سيد قشطه وبيقول فاضل 10 جنيه ..........اووووم ايه الاقى اللى ورايا تحول الى خرتيت وبيقولى عدى فلوسك ياحاجه!!!!!!!!
واللى جانبه تحول الى حماااااااار وحشى وبيوجه ليا اتهام رسمى فهمى نظمى انى معايا 10 ج !!!!!
وانا قاعده عماله اقول اللهم اخذيك ياشوشو والراجل لسه مصر انى معايا العشره جنيه
سااااااعتها تحولت الى ديانصوووووور والشرار طق من عينى ومن بقى وبصيته وكنت لسه همد ايدى فى بقه اطلع زمااااره رقبته واديها للواد شلاط ابن اختى يزمر بيها شويه
لفيييييييييت واحد ابن مسطوله بيقول هو فيه ايه يااسطى ماال 10 ج معايا وانت اللى باعتهالى

ساااااعتها اخدت القرار ان بظهر ايدى وهدى السواق على قفاه اصحصحه شوية
ومن مزنقى هذاااااااا بقووووووووول (( اوعى تلم الاجرة ل السواق يرميك فى اقرب نقره ))

ام برقوق : اشكرك على استفاضت حديثك

الى هنا اعزائى

تنتهى نشرتنا الاخباريه
كانت معكم من امام احدى شاشات الكمبيوتر

ام برقوق .............



**************************************

حلقه جديدة من
((((((قلــــــوب بــــلا مرســــــي))))

هتعرف فيها شهوة المال ازاى ممكن تدمر قلوب


هناك 39 تعليقًا:

همسات وبحــ الحياه ــر يقول...

علفكره

كل كلمه فى البوست دا حصلت معايا من يومين

اتخانقت اول اليوم عشان صاحب الميكروباص بينقى القطط

واتخانقت عشان اتهمت انى انا اللى معايا ال10 جنيه

واتسرقت فى المحاضره شنطتى كلها
ورحت للظابط واتخانقت لانهم مش مهتميين وقالوا يعنى نعمل ايه

فطبعا طلعت كبتى انى اعمله بإسلوب فكاهى بدل مااقعد اندب حظى ههههه

R-H-S يقول...

ههههههههههههه
فظيعه يا ام برقوق ههههه قصدي فظيعه ياتغريد
بجد الاسلوب جميل جدااا وربنا يعوض عليكي ياختي هههههههه

The illusionist يقول...

اوااااااااااااااااااااااااال

The illusionist يقول...

هو انا مش شايف انى الاول قوى يعنى

بس موافق

شغال

الدليل مش موجود

بس اوااااااااااااااااااال

Mona Hekal يقول...

طبعا بعد معلش فاداكي الشنطة
انا مش قادرة ابطل ضحك و ما تفهميش غلط مش عليكي طبعا ههههه
و الله كويس انك تنزلي البوست ده بعد قلوب بلا مرسي بعد ما تنكدي علينا تضحكينا

غير معرف يقول...

حلوه النشرة

mrmr يقول...

صبااااااااح الجمااااااااال
اولا : ربنا يعوض عليكى يا ام برقوق
ثانيا : ده يعلمك انك مش تلمى الاجره تانى وخليكى فى حالك وخصوصا فى المكوباص
ثالثا : ضحكتلك السنبله لانى ضحكت قوى قبل ما اعرف ان الاحداث دى حدثت بالفعل
لكن معلش بتحصل فى احسن العائلات
طلعى يا حبى كبتك ولا يهمك احنا نستحمل بعض ههههه

Story pain يقول...

هههههههههههه...

عارفه انا السواقين دول وبفرح فيهم لما يفضلوا يدورا على القطط اللى هتقعد على الكراسى اللى جنبهم وفى الاخر يجيلهم ركاب رجاله غلسين ويصمموا يقعدوا قدام...

وماعدتيش ياختى تلمى اجرة واسمعى كلام طنطك( ادفعى اجرتك وماتلميش من حد )


والشنطة كمان اتسرقت...فعلا كان لازم بعد المواقف دى كلها ام برقوق تنزل الاخبار العاجلة دى فى النشرة

بوست لذيذ جدا :)

gogo!sf يقول...

هههههههههههههههههههه انتى مشكله وربناعسل يا اختى والله

بس بجد هى مشكله جدا ركوب الميكروباصات ده بس شىء لابد منه اومال هتروحى كليتك موتو رجل مثلاً

والمشكله الاكبر فعلا فى السواقين اوقات بيكون مبلبعين حاجه والواحد يشوف بقى موقف يعكننه وفى نفس الوقت مش هتعرفى تتكلمى معاك مهو مسطول يا اختى ههههههههه تقلقى يروح واخدك كوع بس على مين ده انا ممكن افوق اللى جابوة واتوبه على السطل اصلا ههههههههههه

بجد ضحكتيبى جدا واسلوبك اكتر من رائع
وام برقوق ازيها دلوقتى

ربنا يسترها معاكى يا قمر
ودايما خلى بالك على نفسك وخليكى مع نفسك اوى خصوصا فى المواصلات تسلمى من اى مشاغبات مع اى حد

جوجو

كبر دماغك يقول...

الله ينور عليكى يا أم برقوق والله الى انتى جبتيه ده عين العقل
ربنا يستر بقى الركبه الجايه

Carmen يقول...

ههههههههههههه هايلة بجد تسلم ايدك
والله كلها حاجات واقعية بس مضحكة^_^ كمان جميلة الحلقة بتاعة قلوب بلا مرسي
ماتتأخريش علينا بقي
¥k¥

Carmen يقول...

ههههههههههههه هايلة بجد تسلم ايدك
والله كلها حاجات واقعية بس مضحكة^_^ كمان جميلة الحلقة بتاعة قلوب بلا مرسي
ماتتأخريش علينا بقي
¥k¥

غير معرف يقول...

ههههههههههههههه
لا بجد انتى مشكلة يا ام برقوق
هههههههههههههه
حاضر مش هلم الاجرة نصيحة حلوة برضو
معليشى تعيشى وتاخدى غيرها يا ام برقوق
هههههههههههههه
وحشانى ياقمرى

باحث عن حب يقول...

هههههههههههههههههههه

ابتسم
انت
فى مصر

لازم
ندور على الضحك
وسط
الدموع
رائعه
دموع
القمر

سندباد يقول...

ايه الحلاوة دي
في يومين خناق وسرقة واقسام ومحاضر ونيابات
انتي محظوظة اوي علي فكرة
بس جميل ان الواحد يطلع كبته وهمخ فيا لكتباة باسلوب ساخر بدل ما يطق ويجراله حاجة
في انتظار النشرة القادمة

ツSmiLeY AnGeLツ يقول...

هههههههههههههههههههههه
بجد فكاهية حلو انك خليتي ايامك بشكل قصة فكاهية بنشرة اخبار
افكارك جميلة
سلامي لاجمل واحلى بنوتة ولافكارها الجميلة.

جايدا العزيزي يقول...

ههههههههههههه

حلو اوووووووى ام برقوق

ابقى سلميلى على ام مشمش

تسلم افكارك

تحياتى

adel يقول...

1-ضحك قوي البوست ده ومسخرة

2-اسمها حرص يا ابلة
هههههههههههههه

3-انت عملتي حركة غريبة قوي متتعمليش
في حد يعلن عن قصة ويقول المورال بتاعها
او المقصود بالبوست او الجزء من القصة ؟
يعني انا هاقرا ليه جزء كامل وفي الاخر اللي هطلع بيه ان شهوة المال بتدمر القلوب

انت سيبي القارئ يفهمها لوحده مش كده ابدا
زي السينما
مينفعش في اخر الفيلم اكتب اللي استفدناه زي فيلم 1000 مبروك الجملة اللي قالها احمد حلمي المتخلفة بتاعت (اعيش ميت ولا اموت عايش) مش فاكر
وهي اختراع احمد مش الكاتب لاني اعرفه وهو فاهم كويس
حركة بايخة ان المشاهدين بعد ساعتين مش هيفهموا انت قصدك ايه يبقي عيبك انت مش هما
فهمتي قصدي ؟؟؟

جنون عـبقري يقول...

دي أم برقوق حيكايتها حكاية بجد الله يعوض عليها وعليك

~ISLAM~ يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
الله حلو اوى التهييس ده

والله بقالى فتره عايز اهرتل كده بشوية كلام
بس بقول امسك نفسك يا واد
ههههههههههههههه
لكن انتى والله تمام مش حارمه نفسك من حاجه
ميه ميه
انا شكلى هنفض لقلوب بلا مرسى واتابع النشره دى على طول

مرايتى يقول...

هههههههههههههههههههههههههه
جميله ومضحكه جدا فى السرد
بس طبعا فى الحقيقه حاجه تانيه

تسلم إيدك يا أم برقوق
ومعلشى بقى على البهدله

الازهرى يقول...

ممممممممم
واضح إن كيكي بدأت تعديكم

ربنا يستر على الولاد الغلابة من بلطجة البنات

إيه بس كل ده
ربنا معاكى وإعملى زى
وأنا فى المحاضرات بأحط حزام الشنطة على كتفى وبكده صعب تتاخد من غير كتفى

الكارثة هنا إنى ممكن وأنا مركز ياخدوا كتفى كمان من غير ما احس

مش عارف أعمل إيه ؟

ربنا يعينك

salwa يقول...

السلام عليكم
ادراج روعة باسلوب ناقد و ساخر
جميل ما تكتبي
تسلم الايادي و اعذري تقصيري
سلام

well يقول...

رغم الضحك اللى فيها الا انها من الواقع بإثتثناء الاسامى طبعا ..

بس والله تضحك ..

ابتدعتى بإمتياز
تحياتى

شمس النهار يقول...

نشكر الست ام برقوق علي نشرتها المفصلة

التي تنافس نشرة ال25 ساعة

ونبي ضحتيني وانا ماكنتش ناويه اضحك النهارده
اه
عامله مقموصه النهارده

:))))

بس موضوع الشنطه ده خلص علي ايه ان شاء الله تلاقيها
ماهو مش معقول يعني هو انتي كنتي بتاخدي المحاضره في محطة مصر
:(

حاجات جوايا يقول...

ايه يا جميل ده
قناة ام برقوق الفضائية
ههههههههههههههه
حلوة اوى
معلش يا جميل ربنا يعوض عليكى فى اللى اتسرق
:)
وحشتينى يا قمراية :)

أتنين حبيبين يقول...

وحششششششششششششششتينى اووووووووووووى
ازيك توتا اخبارك ايه يارب تكونى بخير ويطمنى عليكى يارب
متشكره ليكى على سؤالك الطيب وشعورك النبيل
يارب يدوم الود والاخوه فى الله

تحياتى ليكى معلهشى يادوب لسه راجعه
قلت اطمن كل اصدقائى وبعدين اتابع كل ما هو جديد


تحياتى
توتا

romansy يقول...

لا بقى انتى كده شكلك بتاخدى محاضرات فى الجبلايه ايه دا كلو ايه دا كلووووووو
الصراحه الصراحه يا بنتى الجيل بتاعنا جيل التمنيات مكنش فيه الافاظ والحاجات الحلمنيشى دا اما بقى جيل التسعيان فالامور اطورت قوى قوى
اما بقى فانا اهديك هديه وزعيها عليكى وعلى كل زمايلك اللى فى الجبلايه
http://forum.sedty.com/imagehosting/22365_1265916164.jpg

ميس فلسطين يقول...

يلهوي ايه الاخبار ده
والله اتغم النفس

هههههههههه لا بمزح معقول انتي اجمل الاخبار بتجيبي
سلام يا عسل

تويتي فلسطين يقول...

السلام عليكم

ايه الجمال ده

ربنا يعوضك ويلااااا خيره في غيره

سلامووووووو

اقدم عاصمه فى الحب يقول...

السلام عليكم

هههههههههه
فيه كده والنبى
ربنا يرزقك بالصحه والستر وراحه البال
انتى دمك خفيف اوى على فكره
واللى متعود على السعاده وخفه الدم دى عمر ما يبقى عنده مشاكل
البساطه يا همستى
.
وسعى بقه لما اشوفها تانى
ورده :)

الغاردينيا يقول...

ههههههههههههههههه

بوست جميل جداااااا

ومعذرة للوصول متاخره :)

ولا يهمك السارق بيجيله يوم وربي يحرق

قلبه بواحد يسرقه !! الدنيا دوار حبيبتي ولا يهمك اصبري انتي بس :)

بس حلووة ان السواق قاعد ينقي البنات ههههههه

بوست تحفة وسلامي لام برقوق

شوية قهوة يقول...

هههههههههههه
فكرة حلوة اوي
اجمل حاجة انك تعرفي تطلعي الجواكي
باي طريقة

زينب علي حبيب يقول...

هههههههههههههههه عجبني اوووي بجد ..

بس ربنا يعوووضك ان شاااء الله :)

شوكولاتة يقول...

تحفففففففففففة يا بت يا توتا فعلا متيني من الضحك
تسلم ايدك

وحشاني يا توتوس

دعاء العطار يقول...

ههههههههههههههه

ع فكره انا بكره موضوع لم الاجره ده جداااااا

ولو حد قالى جمعى الاجره ولميها اقوله لاء اتفضل انت لمها

اصل بجد وجع دماغ ع الفاضى

بس بصراحه اصحاب ليا كتيييييييير كانوا بيتبرعوا ويتطوعوا من تلقاء نفسيتهم ويلموا الاجره

اما انا فبتاتاً البتتتتتته

دمتى بخييييير

Casper يقول...

أسلوب حضرتك رائع جدا
بيفكرني بأسلوب أحد أصدقائي
كان غاوي يسخر من أي موقف يحدث أمامه بطريقة كوميدية جدا
لكنه سافر من شهور ولم أعلم شيئا عن غيابه

معذرة عن الخروج عن الموضوع

========
بجد طريقتك في الكتابة رائعة جدا
بالتوفيق دائما

وفي انتظار المزيد من الابداعات

باحث عن حب يقول...

فينك
غايبه ليه
مستنيكى على باب مدونتى
قلبى حبيبى

Rosie يقول...

أيه بس الكلام ده..متألقة فى الكوميدى و الرومانسى و النوع التات اللى مش عارفة اسميه..دراما ..آهه..أيدى أخرة التعليم يا أختى ..شايفة الذاكرة حصلها أيه؟؟..اهىء اهىء...انا سمعت عن حوادذ السرقة دى..ربنا يستر..شكلها world wide
بالنسبة إنى النهاردة ملقتش كارنبه الجامعة..تفتكرى ممكن يبقى مصيره زى العشرة جنيه.....حلوة اوى الأغنية اللى أنت حاططها و الأمثال..جااامدة..بس خلصت كل كلمات الاعجاب..وحشتينى..