الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الخميس، 11 نوفمبر 2010

بلطجية مباااارك




قمنا بتنظيم مهرجان بعنوان ((شقائق الرجال )) هدف تعريف الطلاب بدور المرأة في المجتمع ودورها في الإصلاح والتغيير في إطار حملة مصلحون التي تبناها طلاب وطالبات الإخوان المسلمون بجامعة الزقازيق هذا العام.و يحتوى على بعض الاناشيد التنموية وعروض للاطفال ومسابقات للطالبات .........
وعند لحظة البدء فوجئنا ببعض من شباب الاتحاد قاموا بإقتحام ساحة المهرجان وقاموا بلعب كرة القدم وقذفوها على الطالبات الحاضرين
فقام احد من شباب الاخوان واعلمه ان مافعله ليس بالمستوى الحضارى واستسمحه ان يكف عن ذلك لحين انتهاء المهرجان ليفااجأ برد فعل طبيعى ومتوقع دائما بأن الشاب قام بسبه ولعنه ومن هنا بدأت المعركة
فوجئنا بإقتحام بعض من البلطجية يدعون انهم طلاب ولكن هيئتهم لاتدل على ذلك ووجدناهم يضربون ويسبون الاخوة بدون سبب والغرييييييييييب فى الامر ان الامن المبجل يقف بعيد يشاهد ويضحك حدثتنا الطابة م. س الفرقه الرابعه طب وهى طالبة ليس لها علاقه لاخوان بأنها سمعت المبجل ((مبااااااارك )) احد ظباط الامن يتحدث مع طلاب الاتحاد بأن يتعدوا على هذه الجماعه المحظورة

لا ادرى لمااااذا !!!!!!!! اين هى الحرية الفكرية التى يكررها ويرددها استاذنا الفاضل حسن حماااااااد !!!!

استفزنى الموقف كثيرا وذهبت لسؤال افراد الامن ((اليس من واجبهم فض الاشتباك )) لاجد رد فعل غرييييييييب ((واحنا مالنا هما مش عايزين يطردوا الحرس اهو احنا واقفين بعيد يتصرفوا بقى ويورونا هيعملوا ايه ان شالله يولعوا )) يااااااللعجب !!!!!!!

وبعد فترة انفض الاشتباك وتصالح الجميع وبدأت الاخوات بالاستعداد وبعد التقديم والتحية ومع اول عرض للاطفال

فووووجئنا بأن الشباب والذى لايطلق عليهم غير بلطجية قاموا بقذف الطالبات بالحجارة والطوب والرمل من فوق المبنى وفتح خراطيم المياه مما ادى لغرق كثير من الطالباااات وكسر البلطجية زجاج بوابة كلية التمريض وقذفوا كسور الزجاج علي الطالبات ، واضطرت طالبات الإخوان إلي إنهاء المؤتمر منعا لتطور الموقف. وانصرفوا بهتافات ((حسبنا الله ونعم الوكيل ))




شباب الاتحاد بيعتدى على طالبات الاخوان وشباب الاخوان بيدافعون وبيبعدوهم
تجمع الطالبات لبدء المهرجان
شباب الاتحاد المبجلين بيرمونا بالطوب والرمل وفاتحين خراطيم المية
دا واحد من ضمن 4 من الشباب مصابين و طالبتان والدكتورة حنان استاذ بطب اطفال الزقازيق حسبنا الله ونعم الوكيل

يمكرون ويمكر الله والله خير الماكرين


هناك 19 تعليقًا:

الــحــــنـــــــــــــــــــين يقول...

لكل ظالم نهايه ومبارك مش مبارك ده اسمه فرعون مصر ربنا يجازيكى خير على توعية الشباب احنا داخلين على انتخابات ونختار الافضل يارب الشباب كله يعرف

باحث عن حب يقول...

بصى انا مش من الاخوان
ولا من اى حركه سياسيه
انا رئيس جمهوريه نفسى
بس احب اقولك ان ده
قمه المرض النفسى
المرض القلبى
الشباب دول مش جايين علشان يحضروا مؤتمر لتامر باشا ولا عمورة كانت قوات الامن المركزى طوقت المكان
بس نقول ايه هو كده
الامن كده
ايوه ان شاء الله يولعوا
واذا كان ده الصغير بيقول كده الكبير قوى اللى عنده فوق 80 بيقول ايه ده اصلا لو كان يعرف يقول
صبركم الله يا شباب الاخوان اخوف ما اخاف عليه الطالبات الظابط ده معندهوش بنات اخوات ولا اى حاجه معندهوش دم

Mona Hekal يقول...

no comment
حسبي الله و نعم الوكيل

adel يقول...

انا بختلف فكريا مع الاخوان تماما باي شكل
لاسباب كتير
بس فعليا انا ضد حجب الفكر وتكميم الافواه بالشكل الـ (سوري) زبالة ده !!!

همجية والناس دي اخرها اوحش من اللي بتعمله ده في الناس

mrmr يقول...

حسبى الله ونعم الوكيل

ماعنديش رد غير كده

سندباد يقول...

حسبي الله ونعم الوكيل
هي دي مصر وهو ده النظام
حرامي وظالم ومفلس
ولكي الله يامصر

سندباد يقول...

حسبي الله ونعم الوكيل
هي دي مصر وهو ده النظام
حرامي وظالم ومفلس
ولكي الله يامصر

غير معرف يقول...

حسبى الله ونعم الوكيل

Carmen يقول...

لا حول ولا قوة الا بالله
ربنا يهد المفتري
تسلمي ع الريبورتاج ده
تحياتي

karmen يقول...

لا حول ولا قوة الا بالله
ربنا يهد المفتري
تسلمي ع الريبورتاج ده
تحياتي

شمس النهار يقول...

بجد مش مصدقه اللي بيحصل في الجامعات اليومين دول

معقول!!!!!!!

كأني بحلم
؟؟؟؟؟

Story pain يقول...

حسبنا الله ونعم الوكيل

بجد الواحد مش عارف يقول ايه

متعودين على البلطجة دى فى الانتخابات

وصلت للحرم الجامعى....

دور حكومة مبارك..وامن مبارك ماعدش بيقتصر على محاربة المعارضة والتيار الدينى بس لكن كمان اى نشاط او اصلاح اجتماعى

حسبنا الله ونعم الوكيل

محمود نشأت يقول...

و ده العادى من بنك مصر :D

ツSmiLeY AnGeLツ يقول...

السلام عليكم
حسبنا الله ونعم الوكيل
يمهل ولايهمل
ربنا معاكم ويصبركم
وهياخذلكم حقكم
تقبلي مروري
سلامي لاجمل بنوتة.

باحث عن حب يقول...

فينك
معلقتيش على تبرئه متهم
وتعالى فى جنازه فى المدونه عندى
لازم
تجى تشربى قهوره
يارب يوفقك
فى حياتك
يارب

د/ أحمد لاشين يقول...

ربنا يكرمك
ولازلتم علي الثغر
تحرسونه وتعطونا الامل
امل في غد مشرق
انتم زهوره واقماره
انتم الحداء الدائم في مسيرة الصراع بين افكار طيبة وافكار خبيثة
انتم معشر الشباب الغض الصاعد الواعد
ومن هنا
اسجل اعتزازي بهذه الروح الوثابة الوقادة
فالمؤمن الوثاب تعصمه من الهول السكينة
والخائف الهياب يغرق وهو في ظل السفينة

اخيتي الكريمة الفاضلة
اكرمكي الله وحفظكي
وسدد علي طريق الحق خطاك

جايدا العزيزي يقول...

لا توجد حريه غاليتى

واسالى قانون الطوارئ

موضوع فى الصميم

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

دعاء العطار يقول...

بالرغم انى مش من الااخوان

وبالرغم انى مش بحب الاحزاب ولا الجماعات

الا انى شايفه ان فيه ديمقراطيه وحريه هما بينادوا بيها

فين بقى دى ؟

بالظبط لما يقولوا ع اللى تلبس مينى جيب دى حريه شخصيه

ويجوا ع اللى تلبس نقاب تبقى كووووووخه

منطق غرررررررريب

انا اللى اعرفه ان المبدا لا يجززززززا

مادام حريه

تبقى حريه ع الكللللللل

واللى استفزنى اووووووى برضه موقفهم مع البنات

يعنى مفيش اىىىىى نوع من انواع الشهامه بعيدا بقى عن الدين

بجد مش عارفين الدنيا حصل فيها ايه ؟

ولسسسسسسسسسه

تحياتى

Unknown يقول...

للأسف هذه البذاءات تتكرر منذ كنا في الجامعة.. يعني من زمااان قوي...
يا ما خربولنا معارض ورحلات و و....
لكن الجديد في هذه الفترة فعلا والمؤسف والمخزي هو رد فعل الأمن...!!!!!!
ليس أمامنا إلا قول: حسبنا الله ونعم الوكيل!!!

بعيدا عن مشاعر الانفعال والضيق..
جزاك الله خيرا على هذه التغطية المميزة..
نقل لتفاصيل الحدث غطيتي أسئلة: ماذا؟ من؟ متى؟ أين؟ لماذا؟ وكيف كمان..
صور نقية واضحة لتدعيم الموضوع وتوثيقه..
العنوان جذاب للقارئ (دون خداع) ومختصر ومعبر بصدق عن الموضوع..!
أردت أن أقول: إن شاء الله صحفية صاعدة :)
تحياتي أختي الكريمة..