الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الجمعة، 11 فبراير 2011

الراجل اترعب منى






اول مره انزل مسيره فى الشرقيه واول مانزلت اتنحى
لو اعرف ياخواتى ان حسنى حبيب الهارت بتاع انا هيترعب من نزولى كدا وهيتنحى كنت نزلت من زمان ههههههههه


بجد المشهد النهارده كان رهييييييييييب رهييييييييب
انا بحمد ربنا انه كتبلى انى انزل بجد احساس تانى وانت بتلف فى شوارع بلدك بتهتف وبتطالب بالحريه

وانت حاطط قدامك شعار
مش هنسلم مش هنلين مش هنسيب المصرى حزين مش هنسيب ابدا صهيونى يتحكم فى مصيرنا سنين


احلى حاجة عجبتنى ( دلعوا يادلعوا مبارك الشعب خلعوا _ حالو ياحلو النظام الشعب حلوا _ ياسوزان خافى عليه هنجبهولك من رجليه )

كنت فى الشارع مروحه وسمعت الناس بتزغرط وبتهتف الريس اتنحى دموعى تنزل من الفرحه وانا بقول

الله اكبببببببببببر والله الحمد
الله اكببببببببر والله الحمد
الله اكبببببببر والله الحمد

والله وهملوها الرجاله ورفعا راس مصر بلدنا

انا لغايه لوقتى مش مصدقه
حاسه انى بحلم

بس فى حلم جميييييييييييييييييل

مبرووووووووووووووك يامصر
من النهارده هتغمضى عينك وانت مرتاحه وحاسه بالامان
من النهارده مفيش ارهاب
من النهارده مفيش طغيان
من النهارده فيه تعمير فيه اصلاح فيه تغيير فيه نهضه حقيقيه
صنعها ابنائك
.
كنت ببكى من قلبى على حال البلد واقول فيييينكم يااحفاد احمد عرااابى

كنت فاقده الامل فيكم

لكن سامحونى
انى الان افتخر بكمممم
وغدا سأحدث ابنائى عنكم
كما كام ابائى يحدثوننى عن ابطال 73


الحمد لله وصلنا لغايتنا ......ألف مبروك لكل مصر
من دلوقتى يلا ......الشغل يبدأ لأتقان ، الجد ، التعب ، الإجتهاد
كل واحد فى مكان ...... ((مقامك حيث إقامك ))
أثبت ُحبك لمصر ...أشتغل وغيرّ من نفسك ، إتعب عليها ، عشان تبقى مصر أحلى بلد
"لا يغير الله ما بقوم حتى يغيروا ما بأنفسهم"
...
يحبك يــــــــــــــــــــــــارب ، وبحـــــــــــــــــبك يــــــــــا مصر

هناك 15 تعليقًا:

Casper يقول...

لعله خير

مهرة سالم يقول...

السلام عليكم ...
نسأل الله لكم التوفيق والسداد
وكان الله في عونكم فالقادم صعب وأنتم لها يا أبناء مصر ...
..
في حفظ الله

mrmr يقول...

ههههههههه
باين عليه كده
مات فى جلده وكش
ههههه
مبررررررررررررروك علينا مصر

يوميات شاب منوفى يقول...

مبرررررررررررررررررررررررررررررررررررررررررررررررررررررررررررروك

Mona Hekal يقول...

يا شيييييييييخة كنتي انزلي من بدري
يا رب بس احنا اللي نتغير من جوانا علشان التغير يكون حقيقي و له قيمة

eng_semsem يقول...

احنا لو نعرف كده كنا نزلناكي من زمان
الف مبروك علينا كلنا
ومبروك لمصر رجوع حريتها

Unknown يقول...

السلام عليكم

ألف مبروك أختي تغريد...

سعيد ليكِ.. وحاسس بيكي.. لأن أختي كان عندها نفس المشكلة.. كانت ظروفها تمنعها من النزول وكانت هتموت وتنزل.. ولما زوجها رجع (ضابط في الجيش) خلاها تنزل امبارح.. والنهارده بتقولي كان هيحصلها حاجة لو ماكانتش نزلت التحرير ولو مرة.... :)

وألف مبروك على لقائك غدا.. يا ريت تخلي حد يسجلهولك وتنزليه يوتيوب لأني هنا معنديش القناة الرابعة الأرضية... أوكي؟

وماتنسيناش بقى لما تبقي مذيعة كبيرة :)

تحياتي وتمنياتي الصادقة بالتوفيق...

شمس النهار يقول...

الف الف الف مبروووووووووك

بس ياريتك نزلتيله من زمان

الازهرى يقول...

خلص الكلام ولازم نبدأ نشتغل علشان نبنى مصر
نبنيها علشاننا إحنا مش علشان أى انسان تانى

الــحــــنـــــــــــــــــــين يقول...

مبروك وكويس انك خرجتى تعبرى عن رايك وبجد هتافات جميله اوى حلو يا حلو الشعب خلعوا ومبروك لكل اهل مصر والشرقيه اهل كرم من زمااااااان

باحث عن حب يقول...

لعلك بخير
مبروك
لمصر

موجة يقول...

مبروك التحرير
بس ياخوفى من الغرور
ونسيب شغلنا ونعيش فى الدور
دور اللى عايز ياخد مايديش
دور اللى عايش بلوشى
ربنا يستر

شوية قهوة يقول...

ازيك يا حميل
متتصروريش وحشاني قد ايخ
اسفة على الغيبة الطويلة دي
مبروووووووووووووووووووووووك
بجد كان نفسي اكون هنا
ربنا يخلي البلد دي امنة واحسن بلد في الوجووووووووووود

salwa يقول...

السلام عليكم
الله يحمي ام الدنيا
و يحسن الحال باحسن الاحوال
سلام

salwa يقول...

السلام عليكم
الله يحمي ام الدنيا
و يحسن الحال باحسن الاحوال
سلام