اليكم اخر الانباء
الواد شلاطه بن ام فاروق نزل بعد العصر وجمع محسن وشيكو ومرتضى ومنصور اولاد بثينة وفكيهه وشمس وفايزة
ولفوا جمعوا قش
وعملوا كومه كبيييره وكبوا جاز وولعو فى القش
ونط يامعلم وهش البراغيث
الاولى بسمله والتانية وبسمله والثالته بسمله
بتعمل ايه ياولااااااااااااا
بنط يامااا خلى البراغيث تطلع
حاسب ياولا لتقع
وفجأه وعلى حين غره رقعت ام شعبان بالصوت
يالااااااااااااااااااااااااااهوى ربنا يهدكم خليتم الغسيل هباااااب
وهب جابت جرد المية وتش عليييييهم من البلاكونه
والى هنا تنتهى نشرتنا الاخباريه
هذا هو مشهد يتكرر كل عام
البراغيث الشتوية
حد سمع قبل كده عن الاسم ده؟؟؟؟؟؟!!!
دى لعبه عندنا اول ما الربيع يدخل كدا ويهل علينا تلاقى الشوارع كلها مليانه قش اسود ومتبهدله
وتلاقى العيال مجمعيين قش ويحطوه ف الشارع ويولعوا فيه..وبالدور بقى كله يننط فوق القش..
اللى يقع بقى ف النار واللى ينط..كل واحد وحظه :)
اعتقد محدش عنده العاده دى غيرنا!!!!!!!
لى بقى ذكريات كتيير فاللعبه دى او الحدث الههياوى العظيم ده..
زمان وانا صغيرة طبعا احنا مبنحتفلش بشم النسيم فبابا عشان ميزعلناش كان يخرجنا يوم الجمعه نروح جنينة ونلعب ونطنطط وانا راجعه الاقى العيال قدام البيت مولعين وبينطوا
وحياتى عندك يابابا عايزة العب
لا طبعا مينفعش اخاف عليكى
عشان خاطرى
يابنتى خطر
يابابا اشمعنى هما
طب اجرب مره واحده بس انط نطه
وبعد جدال طبعا والزن على الودان بقى
نطيت النطه ومتنتهاش ههههه تانى
بس امووووت واعرف العادات دى بنجيبها منيين ومعناها ايه؟؟؟؟؟؟؟
هناك 21 تعليقًا:
نطين نطة وكانت هي النطة هاهاهاها عسسسسسسسسسسسسسسسسسسل
في الاول حسبت البوست اسقاط على حريق الحزب الوطني بيد ليست شريفة وفي الاخر فهمت اللعبة يالهوي عايزة تنطي فوق النار !!
لولا
ههههههههههههه
غريبه جدا وماسمعتش عنها قبل كده
اول مرة اعرف الموضوع ده
ايه الخطورة دي
واعتقد البورسعيديه بيحرقوا عروسة لدليسيبس
انا بنتظر بوستاتك عشان اضحك صراحة
كل سنة وانتي طيبة
تحياتي ليكي
ياليلة براغيث
واحشتنا ليالى السمر مع أهالينا
بعيدا عن شم النسيم وغيره
وبابا عندى برضه كان سبب رفض الرحلات فى االيوم ده بس معلهش الأهم ا احنا نعيد ذكرياتنا دى فى زمن جاف وماعادش فيه ذكريات
مساء الفل
هههههههههههههههههههههه
العادة دى عند الفلاحين بس هههههههههههه
عندنا احنا كمان عادي يعني
ودي عادات جاهليه اكيد يعني دا هبل ياحاجه اشتغالات
هههههههههههههههه الواحد لو اتنطط خمسين مرة الله يسامحه البرغوث مش بتحرك
ههههههههههههههههه
اضحك الله سنك
.......
ههههههههههههههه
غريبة اللعبه دى اووى اول مرة اسمع عنها بس تعرفى اكتر حاجة صعبانة عليا هما البراغيت
عجب !
لا يوجد شئ من هذه العادات هنا
كمان هنا من اصله لا نعترف بشئ اسمه ربيع هههه صيف وشتاء بس
تحياتي
اكيد من التراث المصري
ههههههههه
التراث بتاع المصريين مليان بلاوي
ههههههههه قصدي ابداعات
خالص تحياتي
تقبلي مروري
السلام عليكم
ههههههههه
صراحة من أغرب وأطرف الموضوعات التي طرحت في المرحلة الأخيرة...
فكرتيني طبعا ببعض الألعاب العجيبة والخطيرة اللي كنا بنلعبها.. طبعا كل مكان له أفكاره..
بس بجد.. جديدة البراغيث دي!!!
على فكرة اللي عاوز يمسك برغوت يخلي معاه عجينة وأول ما يشوفه .... هوووب... يلطعه بيها!!!
قلت أضيف معلومة قبل ما امشي :)
تحياتي أختي تغريد..
هههههههههههههه
معقول ده انتم كده جامدين أقوي دي شجاعه محاصلتش
تحياتي ليكي يا جميل
ازيك يا جميل
اخبار الامتحانات ايه
احنا كمان عندنا امتحانات ربنا يستر
غريبة اوي اللعبة دي انا اول مرة اسمع عنها وفوق نار والغلطة بجون على طول
ههههههههههههههههههههه
ربنا يسعدكِ يا تغريد ياااارب
ضحكتيني وأنا ماليش نفس اضحك :))
تصدقي بالله لعبة ظريفة
انا بقى مش فاكره حاجه من العاب الطفولة دي ولا من العابها حاجه
تقدري تقولي زهايمر مبكر ^^
المهم في الهالومه دي كلها
بيطلع البرغوث ولا بيلصق في الواحد اكتر :))
ههههههههههههههههههههههههههه
موضوع جامد بس ملخص النشرة كام فقيد وكام جريح والست ام شعبان معها حق بس ما داهية تطلع بمظهره فئوية ضد العيال لوقف العيال واللعب ولا حاجة حد سروح وياذن فى ودانها
كل سنة وانت طيبة وعيد ربيع سعيد عليكى
حسام
يحتفل الأكرد و العديد من شعوب آسيا بعيد النيروز و طقوسه تشبه إلى حد ما ما يقومه به الأطفال
هذا اليوم عدا انه أول ايام الربيع فانه مرتبط بأسطورة كاوا الحداد الذي قاد ثورة ضد الملك الظالم واشعل النار على ابراج قصره ابتهاجا بالنصر لذلك تتعبر النار رمزا لعيد النوروز.
كل عام و أنت بألف خير ينعاد عليك و على كل العالم
سعدت بقراءة كتابتك
حلوة و مهضومة كثير
والله انتى عسل
مع انى مش عارف اللعبه دى
بس اعرف العاب تانيه كتير
بس لعبه خطيره جدا
وبعدين علشان البراغيت تهرب اتشوى انا واصبح باربكيوا طب ما اخد شاور وخلاص
بس دمك سكر فى الحكايه
تسلم ايدك
تحياتى
اتمنى ان نشرة الاخبار دى صيتها ما يوصلش وربنا يستر وتظل محلية
فى حلقات يا تغريد لازم تخليها للمصريين فقط يا حسن احنا عندنا عادات مصرية كتير امنه جدا زي العادة دى
نفسي اعرف ايه اللى حصلك بعد ما نطيتى :)
انا اول مره اسمع فعلا عن الموضوع ده
بس ساعات ذكريات الطفولة بتبقي جميله حتى لو فيها أذيه
المهم كمان انك وحشتينى اوووووووووووى
الحاجة أم الاختراع..أكيد الناس كانت زهقانة أوى اوى..و مخها خلاص هيتجنن أوى أوى..فقالت تتطلع باللعبة العجيبة دى..
إرسال تعليق