الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الثلاثاء، 10 أغسطس 2010

خلصت الحكاية




قبل ماابدأ كلامى وقبل ماارغى وأ لوكلوك

احب اقولكم كل سنة وانت طيبين كل


سنة وانتم اقرب الى الله واقرب للتقوى


جاية النهاردة اقولكم ان الحكاية


خلصت خلاص

ياه لوتعرفوا الوقت اللى فات دا عدا


عليا ازاى كنت كل يوم ادعى ربنا يخلصنى مريت باحاسيس كتير بقالى شهر فى كابوس كان نفسى


اصحى منه ولما صحيت بقيت اخاف انام تانى لكن من النهاردة بس اقدر اناام واغمض عينى من غير خوف انام وانا مرتاحه

عارفين شعور لما تكون مخنوق من حد ومش قادر تخلص منه ياااااااااااه ربنا وحده للى يعلم بس بجد كنت قويه جدا كنت ضمده متهزتش لحظه واحده


وهو دا اللى حصل معايا انا كان فاضل 10 ايام على فرحى وحصل مشاكل بينا ويمكن لاول مرة يشتد بينا الحوار كدا على


رغم انى كنت بسكت مش برد بس المشكلة زادت جدا وساعتها عرفت ان الوش اللى كان معايا بلاستيك المشاكل دى كانت


وقت الامتحانات عشان كدا بدعى ربنا انه يوفقنى فى النتيجة


هو لما حس واتأكد انىى قررت انى انهى الموضوع حاول يراضينى بس (اللى يتهاون فى جرح كرامته مره يستاهل يتجرح


فيها ميت مرة ) وانا بحمد ربنا انى مكملتش معاه بحمد ربنا انه بيحبنى فعلا ربنا عمره مابيقدر للانسان غير كل الخير يمكن


يبتلينا بحاجات عشان يقربنا منه انا افكر انى ارجع واحن الاقيه بيبعتلى رسايل كدا تخلينى ارجع فى قرارى والله ساعات


كنت بدعى ربنا واكون مشغله قناه المجد او اذاعه القران الاقى القاىء بيقرا فى اياه احس وقتها ان ربنا بيقولى متخافيش

انا جنيك اتوكلى على الله فى قرارك

انا مزعلتش خالص انى انفصلت عن الشخص دا اى نعم هو ليه ذكريات جميلة معايا بس لازم اقطع الصفحة دى وارميها

وابدا صفحة جديدة بحياه جديدة عمرى ماهزعل على فراقه وحتى لو افتكرت عمرى ماهنزل دمعه احده يوم 8/8 يوم عالمى لقيت كل واحدة من صحباتى بتحب اليوم دا

انا لانه يوم مانفصلت _ يوم كتب كتاب واحدة _ يوم خطوبة واحدة _ يوم ماعرفت صحبتى انها هتجيب نونو _ يوم

عيد ميلاد _ يوم ماواحدة قالت بحبك لحبيبها لاول مرة :):)

كنتوا بتسألونى لماقولت (خسرتك اه لكن كسبت نفسى ) ليه ؟ هى دى الاجابه


علفكرة بكرة عيد ميلادى 11/8/ اول يوم رمضان شوفتوا ااوعى حد يدخل هنا من غير هديه وكدا هكون كملت 20 سنة

وكمان انا كدا بقالى سنة بالظبط فى عااالم التدوين شوفتى ازاااااى اى نعم نشيل منهم 6 اشهر كنت منقطعه عن التدوين لكن كنت متابعه وبكتب تعليقات :)



واخيييرا عملنا غدوة الحبايب ايون اتجمعت انا واصحابى كلهم بعد معاناه لان اللى بسبس وومان زى حالاتنا بيكونوا

بطبيعه الحال مشغولين شوية بس بصراحة كان يوم جميل انك تتجمع مع اصحاب الطفولة وتاكلوا سوا تعيدوا الذكريات

قررنا والصراحه كان قرار حاسم اننا نجيب فسيخ حد يقول اف يع ايه دا بصراحة اى نعم مبكلوش غير كل فين

وفييييييين حسب الغزالة

جبناه وفرشنا الحصيرة فى الجنينة عندنا فى البيت وقسمنا المهمات يمكن مكنتش مهيأه نفسى انى هاكل فسيخ بس كان

ليه طعم تانى وتأثير فظيييع امبارح وانا اشك ان الراجل دا كان حاطط جواه حبوب التهييس والصراحة

خلصنا الاكل وفضلنا نلعب زى الاطفال اولى وسلطح وصياد السمك والسبع بلطات والغمزة والافلام واخيرا الصراحة وكل

واحد فينا اتكلم بإستفاضه ويطريقه غير معتاده او طبيعيه وكأن كل الموجودين كان مكبوت ومصدق انه يتكلم كان يوم

لطيف وقررنا اننا نعملوا فى رمضان وانا اللى هطبخ بإيدى وطبعا واكيد عارف رقم الاسعاف

دا انا فى يوم خلونى اعمل الغدا ها الغدا على بال ماقررت انى اعمل كانت الساعه 4 وعلى بال مابعت وجبت الطلبات

ودخلت المطبخ كانت 5 ولما خلصت خااالص كانت 8ونص وبالهنا والشفا بس والله كانوا بيحلفوا بيهاوالله عملت احلى

بيتزا وسمبوسه وطبعا بيحلفوا انى مدخلش المطبخ تانى :) لانهم اتعشوا مش اتغدوا :):)



كــــــــــــــــــــــــــــــــــــــــــــــــــــل



سنـــــــــــــــــــــــــــــــــــــــــــــــــــــــــــــــــة



وانتــــــــــــــــــــــــــــــــــــم




طيبيـــــــــــــــــــــــــــــــــــــــــــــــن




رمضــــــــــــــــــــــــــــــــــــــــــــــان كريـــــــــــــــــــــــــــــــــــــم



جمعه السنة دى قرر ان رمضان هيبقى حاجة تانية

خالص ومختلف عن كل الرمضانات اللى فاتت

ليله رؤية (يوم29 شعبان ) جمعه قعد بعد المغرب

فى الجامع مع صاحبه خميس ومسك ورقه وقلم يكتب

هيعمل ايه فى رمضان

1_ قراءه القران 15 مرة ( خميس : ياجمعه استنى

بس انت عارف القران كام جزء معنى كدا انك

هتختمه كل يومين

جمعه : ان شاء الله هقدر

2/ هصلى بعد العشا التراويح وهارجع اكمل صلاه قيام وتهجد لحد الفجر

خميس : ياخميس ان لبدنك عليك حق الكلام دا مش منطقى خالص

جمعه : معلش اصل ذنولى كتبر وعايز ربنا يغفرلى

خميس : ربنا هيغفرلك بإذن الله اذا صدقت التوبة مع الله وتركت معاصيه وبدأت فى الطاعه لكن ......... )

جمعه : كمل برنامج رمضان وطبعا الذكر والدعاء والصدقه والذى منه بس للاسف انا مش محوش فلوس

ممكن ابقى اخد من محفظة بابا واتصدق واهو كله خيير

خميس : ياجمعه مينفعش

جمعه : شششششششش انت هتفهمنى كمان فى دينى ... ياعم سينى اعيش رمضان اعيش السنة دى

يإسلوبى وانا متأكد انى هخرج منه انسان تانى خالص

جمعه : بدأ من ليلة واحد رمضان وصلى التراويح فى الجامع ورجع سصلى قيام بعد نص ساعه رجله

وجعتوا فصلى وهو قاعد وبعد 15 دقيقة تعس ونام

خميس : جمعه اصحى ياجمعه عشان تتسحر ......... مفيش فايدة جمعه مش عايز يصحى ........(ياجمعه الفجر اذن قوم صلى )

جمعه صحى بعد طلوع الشمس وقال معلش هو اول يوم بس كده لكن كل حاجة هتتظبط من بكرة ....


. جمعه صلى الصبح وقعد يقرأ فى المصحف من اول سورة الفاتحه جمعه بقالوا كتير ممسكش

المصحف عشان كده معرفش يخلص جزء فى اليوم ........ ساعه الفطار الكل هجم على لاكل الاجمعه

اللى عمل فيها بطل واكتفى ب 3 بلحات ولكن بعد نزوله لصلاه العشا فوجئت به امه يعود بعد قليل

(متصليش التراويح ليه ) اصلى جعان مش قادر

جمعه اكل وذهب للنوم هصحى بعد ساعه ولكن مرت ست ساعات وجمعه مازال نائما ( ياجمعه حرام تضيع الشهر فى النوم

جمعه صحى اتسحر ونام تانى

خميس : ( وصلاه الفجر ياجمعه )

جمعه : مش قادر فعلا ... من بكرة ان شاء الله

5/رمضان جمعه ساب صلاه الجماعه فى المسجد ماعادا العشاء وصلاه التراويح

8/رمضان جمعه مابقاش يروح المسجد والتراويح فى البيت

12/ جمعه ساب صلاه التراويح ووصل انه يقرا 3 صفحات قران فى اليوم

15/رمضان جمعه بقى بيقرا صفحة قران كل يوم

20 رمضان / جمعه قرر انه يعتكف الايام اللى باقية عشان فيها ليلة القدر وعشان يعوض تقصيرة فى الايام اللى فاتت

21/ رمضان جمعه خرج للاعتكاف

29/ رمضان جمعه اتحسر على اللى فاته من خير وثواب ويقول لنفسه السنة اللى جاية ان شاء الله هاعوض

ياجمعه ايه اللى يضمنك انت هتعيش لبكرة انت معملتش ذنوب كتير فى رمضان وبرضو معملتش حسنات

ضيعت منك ثوابه لانك مخططتش صح

خير الاعمال الى الله ادومها واان قل

ضاع عليك شهر رمضان وثوابه

خاب وخسر من ادرك رمضان ولم يغفر له

هناك 42 تعليقًا:

همسات وبحــ الحياه ــر يقول...

اخد اووول تعليق كدا

المكان مكانى


كل سنة وانتم طيبين

بشكر اى حد سأل عليا فى الفترة اللى فاتت بشكر اى حد وقف جنبى او ادانى نصيحة بشكر ربنا اوى انه وقف جنبى

المرة اللى جاية هحكيلكم على حااجااااااات غريبة اوى كانت بتحصل معايا الفترة اللى فاتت

أتنين حبيبين يقول...

وحششششششششششششششششتينى اووووووووووووووووووى

اخبارك ايه ياقلبى

كل سنه وانتى طيبه

ويعود عليكى الايام بكل الخيررررررررر
والاسره الكريمه
والامة الاسلاميه جمعاء

أتنين حبيبين يقول...

اللى يتهاون فى جرح كرامته مره يستاهل يتجرح
فيها ميت مرة )

انتى قلتى الصح
اكيد ربنا هيعوضك خير
وقدر الله وماشاء فعل
وكل شىء قسمه ونصيب
وربنا اكيد بيحبك وهيبعت ليكى اكيد الاحسن
مبسوطه انك مرتاحه وهتعرفى تعيشى حياتك
حبيبتى ربنا يعوض صبرك خير
ومتزعليش ياقلبى انتى لسه صغيره وقدامك الحياه واكيد الفرج هيجيلك قريب اووووووووووووووووووووووووى

أتنين حبيبين يقول...

قبل ما انسا
انا جاوبت على التاج وانتظرتك تعلقى عليه ماليش دعوه هتعلقى عليه وعلى الموضوع الجديد اياكى تتاخرى وقد اعذر من انذر بقا


ندخل بقا للعيد ميلاد
كل سنه ويوم واسبوع وشهر وثانيه وساعه
وانتى سعيده ومتهنيه ياحبيبتى

عيد ميلاد سعيد وعمر مديد ربنا يطول بعمرك والسنه دى تقدرى تحققى احلامك واكيد الخير جى مع قدوم شهر الرحمه والغفران والعتق من النيران
وكمان سنه جديده من عمرك
ربنا يوفقك يارب
وكل سنه وانتى طيبه

باحث عن حب يقول...

السلام عليكم
دموع القمر
صلى على النبى
كل واحد باخد نصيبه
فى الاول والاخر
والقرار قرارك طبعا برضوا فى الاول والاخر
وانتى فى خضم الاحداث
واللى ايده فى النار مش زى اللى ايده فى الميه
اللى اقصده انه قرار متسرع ممكن من وجهه نظرى
بس انك تلحقى من الاول افضل لك احسن ما نبكى ونقول ياريت اللى جرى ما كان
سامحينى على تلك الكلمات
ولا اقصد ان اقلب على قلبك المواجع يا دموع
بس المهم انا اللى قلق عليه انتى علشان انك تنسى صعب شويه بس انك تقدرى ده انجاز علشان اللى يرتبط بحد صعب انه ينساه خصوصا البنات علشان عندهم اخلاص اكتر وعاطفه اكتر
يارب يرزقك باللى يستحقك يا دموع يارب ويبعد عنك الاذى
كل سنه وانتى طيبه اول يوم رمضان ويوم ميلادك كل سنه وانتى طيبه
اجمل شىء فى الوجود انك تقعدى مع اصدقاء الطفوله لانهم هما اللى بيقدروا يكملوا الطريق للاخر معاكى
ومهما لفيتى الدنيا كلها مش هتقدرى تجيبى ضفر واحده منهم
ولا صدق واحده منهم
ومش هنقدر اننا نعمل صداقه جديده مهما كانت الظروف وعمرها ما هتكون زى اصدقاء الطفوله لانها ليها طعم تانى (كل اللى فات من وجهه نظرى )
كل سنه وانتى طيبه

adel يقول...

كل سنة و انتي طيبة
ورمضان كريم عليكي
ومفيش شئ وحش
الوحش ربنا ساعات بيجيبه عشان يمنع حاجة اوحش تحصلنا
اكيد ده درس ليكي و ليه
والحمدلله علي كل شئ :)
كل سنة و انتي طيبة يابتاعت الـ20
:)

حبات التوت يقول...

كل سنة وانتى طيبة عشان رمضان اولا وان شاء الله نكون من عتقاء رمضان

وثانيا عشان عيد ميلادك ايوة ياعم كبرنا وبقينا عندنا عشرين سنة
يلا خلى باللك عيد ميلا العشرين سنة مش بيجى غير مرة واحدة بالعمر

ثانيا انا فرحانة انى هقبللك اول يوم برمضان ربنا يباركلنا فية ويبقى يوم حلو

اما بالنسبة لموضوعك فقدر الله ماشاء فعل
بس معاكى حق اللى يغلط فيكى مرة اكي هيتمادى بعد كدة
ربنا هيعوضك بااحسن منة ان شاء الله
وماتخافيش اوعى تخافى
وخديها تجربة اكيد اتعلمتى منها كتير اوى
وفهمتى ناس وعرفتى طباعهم

هية كدة حال الدنيا
المهم دلوقتى تكونى مبسوطة ومقتنة باللى عملتية واديكى اكلتى فسيخ يامعلم اهوة اكلتى الاكلة من هنا والنو قطع فى البلد من هنا حرام عليكى ياشيخة سحبتى الكهربا كلها هههههههه
ربنا يوفيقك ويسعدك ان شاء الله
ومش تنسينا من دعائك

مواااااااااااااااااااه

حبات التوت يقول...

وهقابللك يعنى هقابللك حتى لو عارف انى ممكن اموووووووووووووت
هههههههههه

حبات التوت يقول...

واحكى ياروح قلبى وفضفضى وارغى مدونتك وانتى حرة فيها
انكشى شعرك
واجرى
نطى ارقصى
خلاص باه عندك عشريييييييييييين سنة
يارب تتهنى يارب بايامك ويكون كلها سعد وفرح

غير معرف يقول...

دموع القمر
كل سنه وانتى طيبه ويارب دايما متجمعين عندك فى الخير
رمضان كريم

وكل سنه وانتى طيبه بمناسبه عيد ميلادك ويارب كدا دايما محتفله معانا بيه ووسطينا

ومتزعليش لأن ربنا كتبلك الخير أكيد مع شخص تانى وياعالم يمكن يكون دا لصالحك يا حبيبتى

والحمد لله انا شيفاكى متماسكه وهاديه نوعيا ويارب متكنش صادمه تأثر عليكى
وازمه وتعدى منها على خير


انتى سنك أد أختى الصغيوره
ربنا يسعدكم يارب ويوفقكم فى الخير يارب

يا قمر الدنيا ماشيه واجمل ما فيها اننا كل يوم بنقابل ناس حلوه بنرتبط بيها وتسبنا

واحنا مستنين حكاويكى ان شاء الله

دمتى بخير وحب

dolly يقول...

بصى ياحبيبتى اكيد هو مش يستاهلك لانك بجد انسانه ماشاء الله عليها
واللى يتعامل معاكى يحبك بجد واللى يخسرك يبقn ربنا مش بيحبه
ثانيا انت اخدتى القرار السليم لان اللى مش هيحترمك وانت فى بيت اهلك يبقى مش هيعمل اعتبار لاى حد بعد كدا
ثالثا عيشى حياتك وانا عارفة انك بدأتى تنسى
رابعا ربنا يوفقك فى النتيجة
خامسا اللى بياكل لوحده بيزور
سادسا ( هو احنا فى مدرسة ولا ايه اولا ثانيا ثالثا ههههههه )
سابعا كللل سنة وانت طيبة يااحلى توتا

ثامنا جمعه دا مش نافع خااااالص
يارب نكون كلنا زى خميس كدا ونقدر نستغل رمضان صح

بحبك فى الله

Rosie يقول...

موضوع كبير و عايز يتعلق عليه حته حته..أولا كل سنة و أنت طيبة لرمضان و ليكى و للمدونة...
ثانيا أنا بتهيألى الحاجة لما تبقى بايظة من اولها و اعدنا نحاول كتير و مفيش فايدة يبقى لما نبعد عن بعض ده أحسن حل..عشان انا شوفت اللى كملوا و أد أيه اتبهدلوا...
أخيرا قصة جمعة دى..حلو اوى الفكرة..أنك توصلى المعلومة بقصة و حوار ده من احسن الطرق..و ربنا يعينا إن شاء الله على فعل الخيرات..

R-H-S يقول...

كل العام انتي بخير
حلو دا

رمضان كريم عليكي وعلي الامه الاسلاميه

وربنا يعوضك خير عن اللي حصلك ومحدش عارف الخير فين اسأليني انا

وكل سنه وانتي طيبه ياستي العشرين سنه عدو اهم ...الكتاب هيطلع بعد عشرين سنه فاكره؟

انا فضلت منتظر اسمع ولو حتي نص ساعه من الكورس بس حظي العثر النور قطع عندنا فيظهر اني هموت قبل ما اسمع الكورس دا
ربنا يسهل واقدر اتابعه

تحياتي

غير معرف يقول...

وانتي طيبه يا قمر
و الحمدلله ان المشاكل خلصت علي خير و ارتحتي
و ربنا يوفقك ياااااااااارب

didOo

P A S H A يقول...

كل سنة وحضرتك طيبة وبألف خير وصحة وسلامة إن شاء الله
:)
رمضان كريم

م ـلآذ,, يقول...

كل عام وانتي بخير ..

أعجبني جداً القناعة اللي لمستها من كتابتك على اللي حصل :) ..
صدقيني أي شي يصير للإنسان خيره وصدقيني أكيد كنتِ مسوية خير بحياتك عشان ربي بين لك حقيقته قبل لا تتورطين معاه الحمد لله ..
وإن شالله ربي بيعوضك بواحد يهنيك ويدلعك ,,

بالنسبة للفسيخ ودي أعلق بس أخاف تزعلين ههههههههههه لأن أنا ماعمري شفته بس شميت ريحته هههههههههههه

كل عام وانتي بخير مره ثانية ويارب ان شالله يتقبل مننا الصيام والقيام .. ويجعلنا من المعتوقين في هذا الشهر الكريم ..


تقبلي مروري ..
دمتي بخير :)

Lady E يقول...

كل سنة وانتي طيبة وبخير وصحة وسعادة

والحمد لله ان الأيام الصعبة عدت وربنا يكتبلك الخير ويسعدك في حياتك

حلو اوي موضوع خميس جمعة وفعلا ده بيحصل

رمضان كريم

أحــوال الهـوي يقول...

كل سنه و انتي طيبه

و انا زرتك اكتر من مرة
بس يظهر في حاجه في التعليق

طبعا انا مااقدرش انسي بنتي حبيبتي

واذا كنت قصرت سامحيني
احنا في رمضان

تحياتي

Pink Dreams يقول...

ازيك يا قمرايه
بجد بجد وحشانى مووووووووووووووووووووت

كل سنه وانتى طيبه وبصحه وسعاده يا رب

رمضان كريم عليكى وعلى كل حبايبك

اموووووووووووووووووووووواه

love is life يقول...

كل سنه وانتى طيبه
اولا احب اقولك ولا تكرهوا شيئا وهوه خير لكم
فالحمد لله على كل شىء اهم حاجه اننا نتعلم من اخطائنا وربنا يوفقك فى حياتك
تقبلى مرورى

~ISLAM~ يقول...

اولا كل سنه وانتى طيبه وعقبال 65455 سنه
ثانيا كل سنه وانتى طيبه ورمضان كريم عليكى وعلى كل المسلمين
ثالثا انا عايز بيتزا عااااااااااا

romansy يقول...

كل عام وانت الى الله أقرب
ولفعل الطاعات أسبق
وإلى الجنة أرغب
رمضان كريم

мαησηα يقول...

كل سنة وانتى طيبة وزى السكر يا حبيبتى

يارب تنعاد عليكى الايام بالخير والبركة دايما يارب

رمضانك سعيد كريم مبارك

شوية قهوة يقول...

كل سنة وانت طيبة يا جميل

العملتيه هوة الصح واكيد ربنا شايلك الاحسن
اما بالنسبة لقصة خميس وجمعة فهوة دا البحصل مع الناس كلها

داليـ ـ ـ ـ ـ ـ ــــا يقول...

قدر الله وما شاء فعل

الحمد لله على كل اللى ربنا يجيبه

وربنا عنده العوض

وكل سنه وانتى طيوبه
ورمضان كريم
ياضحكة القمر

همس الاحباب يقول...

كل سنة وانتى طيبة ورمضان كريم عليكى وعلى اسرتك
وكل سنة وانتى طيبة وعقبال 100 سنة
تحياتى

salwa يقول...

السلام عليكم دموع القمر
رمضان مبارك اعاده الله عليكي و على الامة جمعاء بافضل الاحوال
و الحمد لله انك الان بخير
اطيب تمنياتي دائما
اَللّهُمَّ قَرِّبْني فيهِ اِلى مَرضاتِكَ ، وَجَنِّبْني فيهِ مِن سَخَطِكَ وَنَقِماتِكَ ، وَ وَفِّقني فيهِ لِقِرائَةِ اياتِِكَ ، بِرَحمَتِكَ يا أرحَمَ الرّاحمينَ
سلاااااااااام

Story pain يقول...

كل سنة وانت طيبة يا حبيبتي
وعقبااال 10000 سنة

أرغي براحتك احنا بنحب رغيك
وبنحس أد ايه احنا قريبين منك زي ما انت قريبه مننا

الحمد لله ان الحكاية خلصت...قدر الله وما شاء فعل..اكيد فعلا كانت فترة صعبه واخذ قرار مصيري وخاصة قرار الارتباط بيباه اصعب وقت ممكن الواحدة تمر بيه..واكتر حاجه ممكن تريح في الوقت ده هو استشعارك واحساسك برسائل ربنا ليك بعد صلاة الاستخارة ..زي ما بتقولي ايات قرانية تسمعيها او موقف وكلام تسمعيه تحسي فعلا ان دي رساله ليك..
قولي(اللهم أجرني في مصيبتي واخلفلي خيرا منها)

ربنا يجعلنا واياك من الفائزين في شهر رمضان..

مهرة سالم يقول...

السلام عليكم..
كل عام وأنتِ بخير يا قمر ومبارك عليكم الشهر..
بارك الله لكِ في عمركِ..
طبعا أنا عديت على التدوينه قبل كده بس إتكسفت وقلت لازم أجيب هديه
فتفضلي إستلميها من مدونتي ياقمر ..
..
في أمان الله

شاب فقرى يقول...

انا جيييييييييييييت
متاخر ؟
يمكن

بس المهم
كل سنة وانتى طيبة بمناسبة عيد ميلادك
كل سنة وانتى الى الله اقرب بمناسبة رمضان
وكل مرة تقابلى صحابك تبقى مبسوطة يارب
كنت عايز اتكلم
بس نسيت هقول ايه
جيت متاخر انا عارف :)
لكن عادى بقى
فى ناس كانت بتيجى متاخر اكتر من يومين
ولا ايه ؟
صحيح
بالنسة للتعليق بتاع قصة قبل النوم
انا وكلتك بتكملة القصة
بما انك قلتى انك انتى حسيتى انك انتى اللى بتكتبى
بس خدى بالك القصة حالمة وهادية كدا ورايقة خالص
انا بقولك اهوه
يلا
انا هجرى بقى الحق استنى الفطار :D
تحياتى ودعواتى مرفقة فى التعليق
شاب فقرى

Tamer Moghazy يقول...

(خلصت احكاية) عنوان (غير عادي)
بس الحمد لله انه الموضوع عدى وبقى (عادي)..
لما عملت حادثة موت مرة وكانت اكبر حدث في حياتي وقتها..
قال لي حد حكيم قوي (ها تبقى ذكرى) و (ها تنساها) كمان..
وعدت السنين وفعلا (بقت ذكرى) وفعلا (نسيتها) :)

كل سنة وانت بكل الخير والسعادة :)

momken يقول...

كل عام وانتى بخير

طبعا دى شكلها بتاعه رمضان

وكل سنه وانتى طيبه

طبعا دى واضح جدا انها لعيد ميلادك


البوست جميل

تسلم ايدك

تحياتى

فشكووول يقول...

يا خبر
هو انا اغيب شويه الاقيك عامله العمايل دى كله
طب ياستى الواد راح لحاله وانت استريحت منه ما عندناش مانع
طب يوم 8 عيد ميلادك : كل سنه وانت طيبه وعقبال 99.5 سنه
بس كمان تضربى فسيخ بصراحه انا حا عليك واحقد عليك اكتر لو كان فيه بصل مع الفسيخ ... لكن بالف هنا وشفاء

كل عام وانت بخير بمناسبة رمضان
ورمضان كريم

MOHAMMED ELBANNA يقول...

همسات
كل سنة وأنتي طيبة رغم أنها جت متأخرة ..... سامحيني
رمضان كريم والحمد لله على أن الله خلصك من المشاكل .
كل عام وأنتي بخير حال .
محمد البنا

طوبه فضه وطوبه دهب يقول...

كل سنه وانتى طيبه يا حبيبتى مرتين مره لعيد ميلادك ومره لرمضان وربنا يعوض عليكى ويكرمك باللى يقدرك ويحس بيكى اللهم امين

ابو المفاصل الواصل يقول...

يارب اجعل ايامنا اعياد والكل يفرح ونعيد/
ونعيش فى سلام وامان وبالتوفيق نتأيد..../
ونعلو ونسمو ونملك ارادتنا بانفسناونتسيد/
ولا يتحكم فينا كأننا من كان لاعبد ولا سيد/
وعن الشر نبعد بعيد ونكون بالخلق الجيد/
ونغفر ونسامح ولا نكون بالطبع الكيد..../
وبالاخلاق والمثل والقيم نتمسك ونتقيد/
ونقيم جسور الحب مع البشر نبنى ونشيد/

ابو المفاصل الواصل يقول...

يارب اجعل ايامنا اعياد والكل يفرح ونعيد/
ونعيش فى سلام وامان وبالتوفيق نتأيد..../
ونعلو ونسمو ونملك ارادتنا بانفسناونتسيد/
ولا يتحكم فينا كأننا من كان لاعبد ولا سيد/
وعن الشر نبعد بعيد ونكون بالخلق الجيد/
ونغفر ونسامح ولا نكون بالطبع الكيد..../
وبالاخلاق والمثل والقيم نتمسك ونتقيد/
ونقيم جسور الحب مع البشر نبنى ونشيد/

صدفة جميلة يقول...

السلام عليكم ورحمة الله وبركاته
اخبارك ايه يارب تكونى بخير مش عارف فكرانى ولا الزهيمر باه على العموم انا ال دايما معترض على كلمة دموع القمر لان القمر شيىء جميل نطلقه على من نحب كرمز للجمال فالقمر عزيزتى لا يبكى لانه اجمل الاشياء كل سنه وانتى طيبه ومستنى اعرف فكرانى ولا ايه وياستى ولا يهمك عريس يروح يجى الف المهم الراحه النفسيه والتوفيق ربنا ييسر لكى كل ما هو عسير سلام

حـــــروف متــبعترة " عــمرو الشــايب يقول...

بصي سبحان الله ربنا العالم بالي بيحص لعبيده و معهما حسيتي بحاجات و ممكن اقرب الناس الى جمبك مش يحسوا ب بيكي لاننا بنحس بكده حتى هما بيحاولوا بس صدقيني نقول الحمد لله
و نتجه لربنا و نقول ياااارب و ما نحولش نقول يا عبد
و افتكري الايه الكريمه الى بتقول
بسم الله الرحمن الرحيم
اذا سئلك عبادي عني فاني قريب اجيب دعوة الداعي اذا دعاني " صدق الله العظيم
قولي يارب و صدقيني هتتلاقيه جمبك و ان شاء الله تبقى في احسن حال

الازهرى يقول...

أولا الحمد لله على إنه أرشدك للخير وبإذن الله ربنا يعوضك عنه خير
ثانيا بما إن عيد الميلاد عدى يبقى الهدايا تؤجل إلى العام القادم
ثالاث كل سنة وانت والأحبابك بخير وسلام بمناسبة الشهر الكريم
رابعا ألف مليون مبروك على النجاح وبكرة تقولى يا ريته ما كان الدراسة دى متعة
خامسا مبروك للمدونة على العام النص كم بتاعها وويا ربالعام الجديد يبقى كام ولو إنها عرفتنا على ناس نص كم برضه
سادسا مش فاكر شكلى اتعلمت منكم الرغى

تحياتى دوماوأبدا

ليس فقيرا من يحب يقول...

قدر الله وما شاء فعل

الحمد لله يا حبيبتى كل امرنا خير

وان شاء الله هيسعدك ويرزقك باطيب انسان يستاهل قلبك الطيب وحنيتك

كل سنه وانتى بالف صحه وسعاده وراحه بال

ربنا يسعدك ويبارك فى عمرك وعااااااا اكلتو فسيخ من غيرى

مليشششش دعوة انا عايزة هه

اموووووووووووووووووووااااااااااااااااااه

وحضن اد السماااااااااااااااااااااا

علشان اطيب وارق واحن توتى فى الدنيا

مهرة سالم يقول...

http://mskuae.blogspot.com/2010/08/blog-post_13.html