الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الثلاثاء، 17 أغسطس 2010

قررت اتحجب+++تحدييث



واسمع احلى زغطوطة من هنا لهناك مش سامعه
نزل الساقع يادقدق
وبم انكم صايمين فمفيش ساقع
وطبعا بعد فقدان الامل الرهيب اللى كان مسيطر عليا انى هنجح
جبت جيد طبعا دا مش التقدير العام لانى وبلافخر جبت تقدير الشعب
لكن التيرم دا جبت جيد
فى الظروف اللى كنت بمر بيها كنت بروح الامتحان واخرج وانا اصلا مش عارفة حليت ايه
كنت بسهر للفجر اذاكر واكنى مذاكرتش حاجة
واسمع كمان زغطوطة
وعقبال كدا السنة اللى جاية ربنا يوفقنى فى مشروع التخرج لان دا الهم الكبير




محروسة : ميدو كل سنة وانت طيب ياميدو
ميدو: وانت طيبة ياحياتى
محروسه : لالالا بلاش حياتى دى احنا فى رمضان
ميدو : اه صحيح انما ايه الطرحة دى معقولة اتحجبتى
محروسة : طبعااااا لازم عشان رمضان
ميدو : طب وميعادنا النهاردة فى الجونينة
محروسه : لالالا مش ممكن بلاش نغضب ربنا فى رمضان
ميدو : وطب وليه كدا
محروسة : اصلى سمعت برنامج هايل على قناه اقرا ومن وقتها وانا حاسه انى قربت من ربنا خالص وقررت اتغير
ميدو : ربنا يزيدك كمان وكمان
محروسه : امين يارب
ميدو : طيب والطرحة دى متنفعش تطلع قدام شوية وتغطى شعرك
محروسة : اووووووووه هى اتزحلقت اصل انا شعرى حرير وبينزل لوحده
ميدوه : ياسلام طيب هبقى اكلم باليل لما اروح خليكى جنب التليفون
محروسه : ايه كلام وتليفونات فى رمضان لالالا ياميدو لازم نساعد بعض على الطاعه ونقلل احسن من التليفونات طول الشهر وكفاية تدينى missed
ميدو : ماشاء الله داانت اتغيرتى خالص
محروسه : ولسه كمان هروح اصلى قيام مع اختى نانى فى المسجد
ميدو : مش معقول
محروسه : والله دا حتى كمن جبت عباية جديده
ميدو : ربنا يحرسك يامحروسه
محروسه : طبعا انت كمان هتصلى قيام واوعى ياميدو تنسى الفجر
ميدو : لا ازاى انا بفضل صاحى طول الليل والاغانى والمسلسلات بتسلينى
محروسة :عندك حق دا حى فيه حبه مسلسلات تجنن ولامسلسل زهرة وازواجها الخمسه نفسى اعرف الاروبه دى عملتها ازاى
ولا عايزة اتجوز عايزة اعرف اصطادت عريس ولا ايه
ميدو : الله مش قولنا انتغير
محروسه : اه ياميدو بس ساعه لقيبك ساعة ربك ولا ايه
يلا همشى بقى ومتنساش ميعادنا مع الشله اول يوم العيد
ميدو: اكيييد ودى حاجة تتنسى يلا اسيبك بقى تيك كير ياحبى
محروسه وبعدييييييييييين حنا اتفقنا على ايه
ميدو : معلش سلام ياعمرى قصدى ياقلبى باااااااااااااى

هناك 39 تعليقًا:

حبات التوت يقول...

ان شر البيلية مايضحك
بجد هوة دة حال كتير اوى من الشباب
كتير بجد

يارب يهديهم ويهدينا معاهم

تنتى رجعتى من اسماعلية ولا لسة
ابقى كلمينى لما تخلصى مشاويرك ياقطة

باحث عن حب يقول...

كل سنهوانتى طيبه
محروسات مصر كتير
وميدو اكتر
بس الاهالى فين
اه
اكيد راحوا يصيفوا
رمضاااااااااااااااان كريم

فولتاا يقول...

هههههههههههههه

The illusionist يقول...

الله

الله الله

يا جمال هذا البوست

ملخص لكل العالم الفرافير اللى اعرفهم

The illusionist يقول...

مش انا الاول كما هو واضح

المهم نقول صوباح الخير

وحوى يا وحوى

رمضان جانا

وجبنا فانوسنا

مين هوناك

ده انا

safa7_karmooz يقول...

وبعد رمضان زى قبل رمضان

وعجمى :D

salwa يقول...

السلام عليكم
رووووووووووعة
رمضان تعاليم نطبقها و ليس مظاهرنتباهى فيها
جزاكي الله كل خير
رمضان مبارك

تيمور يقول...

كل عام وانتى بخير


حال كتير من الشباب غير مفرح بالمرة

ربنا يهدى

تحياتى

غير معرف يقول...

من المؤسف ان الكلام دا بيحصل فى رمضان كتير
بوست جميل
وليه معانى كتير
كل سنه وانتى طيبه يا دموع
دمتى بخير

ساسو يقول...

رب رمضان هو رب كل الشهور
الطاعه لازم في كل وقت
يعني في رمضان نقول مش هنعمل ومش هنعمل
ليه كده ؟ احنا في رمضان
المفروض نخلي بالنا من تصرفاتنا كويس أوي
ودايما نفتكر ان هيجي يوم ونقف بين ايد المولي سبحانه وتعالي
ونتحاسب
فلازم نبعد عن كل الشبهات

يارب كل اللي زي محروسه وميدوا يتمحوا من العالم

الازهرى يقول...

افتؤمنون ببعض الكتاب وتكفرون ببعض
فما جزاء من يفعل ذلك الا خزى فى الحياة الدنيا ويوم القيامة يردون الى اشد العذاب وما الله بغافل عما يعملون

رمضان فرصة لتطويع النفس لما بعده والدين ليس شكليات

ولكن هل من معتبر

تحياتى دوما

غير معرف يقول...

حلوة اوي اوي يا قمر
و ده فعلا حال كتير من البنات و الولاد و ربنا يهدينا جميعا
DIDO

R-H-S يقول...

اولا يعني الف مبروك ومينفعش كدا جيد ايه دا امال سبتي الجيد جدا لمين

ثانيا بقي العطاطين علي رأي بعض الناس مبتفرقش معاهم سينا من سونيا رمضان او غير رمضان كله واحد عادي

وتحياتي

mrmr يقول...

ههههههههه

سكر

اولا مبروووووووووووووووك لولولولولولولولولولولولولولولى
احلى زعروته لاحلى دموع قمر

ثانيا عسل مكرر سردك للمحادثه لذيذ
بس ده فعلا حال شبااااااااب كتيييير قوى من اول يوم رمضان الاستقامه والتقوى ما فيش بعد كده وتلاقيهم طول شهر رمضان فى الشغل ماسكين المصحف فى ايديهم وسيبين الشغل وعايزين بسرعه يختموا القران قبل ما الشهر يخلص

وبعد انتهاء الشهر رجعت ريما لعادتها القديمه

التغير لازم يكون نابع من القلب اولا

رمضان كريم

أتنين حبيبين يقول...

لولولولولولولووووووووووووووووى

لولولولولولووووووووووووووووووووى

لولولولولولولولولولولولوى

أتنين حبيبين يقول...

مليووووووووووووووووون
مبروك ياقلبى
بجد فرحت ليكى مووووووووووووت
ربنا يحقق ليكى كل ما تتمنى ويسعدك
ويعوض صبرك خير يا حبيبتى
بتمنالك السعاده من كل قلبى

adel يقول...

النت قاطع صدقيني
بس لما قريت تعليقك جيت مخصوص

مبروووووووووووووك
مبروووووووووووووك
وازاي مبركش يعني
انا ليا نصيب الاسد
P:P:P:P:

جوجو يقول...

السلام عليكم
الف الف مليون مبروك على النجاح ويارب دايما
كل سنة وانتى طيبة
نورتى مدونتى
تحياتى

م ـلآذ,, يقول...

الله يوسع صدرك بالعافية يارب ..

كان ضايق صدري شوي ويوم قريت بلوقك وسع صدري ..
إن شالله يارب يسهل عليك مشروع التخرج وكله يكون تمام وتجيبين معدل كويس يارب ...


تحيات ـي ,, :)

خواطر شابة يقول...

مبروك عزيزتي وعقبال السنة الجاية ان شاء الله
كل سنة وانت طيبة وبخير
في امان الله

تويتي فلسطين يقول...

كل عام وانتي بخير

ومبروك نجاحك

انا اول مره بزور مدونتك

وانشاء الله ما بتكون الاخيره

تسلمي على الموضوع الجميل

تحياتي

Rosie يقول...

مرة كانت مبعوتالى رسالة بتقول حاول فى رمضان ده تعمل حاجة جديدة و تستمر عليها..افتكرت الكلام ده و انا بقرا البوست بتاعك..طبعا محدش يقدر يعترض لما يلاقلى حد بيحسن نفسه بس لازم يحاول يقوله ان التحسين مش كفاية يبقى 30 يوم و شكرا..لأ لازم يستمر..
بس فى نفس الوقت ما ينقعش لو لقينا حد اتحجب أو بيحاول يبطل حاجات وحشة كان بيعملها-زى فى القصة بتاعتك-نترىء عليه..بمعنى أصح نكسر مقاديفه..بالعكس لازم نبدأ نشكر فى الخطوة الكويسة اللى عملها..لأن بدام حد خد خطوة كويسة يبقى لسه فى أمل للأحسن..
و عشان اللى بيعمل حاجة كويسة و جديدة عليه بيبقى أحب حاجة يسمعها هى كلمات التشجيع..

شوية قهوة يقول...

هههههههههه
ازيك يا قمر
والله وحشاني جدا مووووووت
معلش اتاخرت عليكي بس حبة ظروف حلوين
هوة دا حال اغلبية بنات مصر والله

طوبه فضه وطوبه دهب يقول...

الف مبروك يارب ديما وجميل اوى الموضوع ربنا يهدى وتكون الهدايه على حق

ليس فقيرا من يحب يقول...

لولولولولوولولولولولولولولولولولولولى

الف الف مبروووك على النجاح ياروح قلبى

عقبال كده البكالريوس وتشتغلى وتحقق كل احلامك

وطبعا عقبال العريس اللى يسعدك ويهنيكى

وطبعا البوست بجد دمه خفيف جدا مع طبعا الفكرة الجميله اللى وصلت خلاص

وعموما رب رمضان هو رب الشهور كلها

ياااااارب يسعدك دايما ياروح قلبى

اقصوصه يقول...

رمضان كريم :)

مذكرات زوجة يقول...

حلو البوست فعلا ... الدين بقى مجرد قشور عند الناس والحجاب اللى المفروض يكون النهاية اصبح هو البداية

المشكلة ان انا مثلا مش محجبة لكنى اعرف ربنا كويس واقيم الشعائر واتق الله فى الآخرين بينما عندى صديقات محجبات مش بيصلوا وممكن تبقى واحدة محجبة ومصاحبة على جوزها عادى

ربنا يهدى الجميع

ع نوتة يقول...

هههههههههههههههههههههههه


جاااااااااااااامدة اوى اوى

تيحاتى لك

داليـ ـ ـ ـ ـ ـ ــــا يقول...

هما يومين
لالالالالا قصدى يوم
لالالالالالا قصدى ساعه
وتلاقيها خالعه الحجاب

يابنتى دى واحده بتعمل حاجه وتبوظ قصادها مليون حاجه

سيبك انتا ياقمر
المهم انك نجحت
مبرررررررررررررررررررررررررررررررروك
الف الف مبرررررررررررررررررررررررروك
وعقبال التخرج
وانا عايزه عزومه على الفطار

Story pain يقول...

لازم نبدأ التعليق بزغروطة

وبعدين نبارك
الف مبرووووك يا جميل
وماينفعش دقدق ينزل الساقع ومانشربوش
هنيجي بعد الفطار نشربه
عقبال السنة الجاية يا قمرايه

محروسة وميدو نموذج لكتييير من البنات والشباب..منهم اللي بيستمر ويبأه احسن كمان بعد رمضان ومنهم اللي بيباه اضعف من انه يستمر

تسلم ايدك الحوار لذيذ وممتع جدا

سلام ياعمرى قصدى ياقلبى:):)

الــحــــنـــــــــــــــــــين يقول...

هههههههههههه ده احلى مسلسل رمضانى شفته تحياتى ليكى

محمد التركى يقول...

السلامو عليكم

يالهوووووى
دى الست محروسه الهى ربنا يحرسه يارب لشبابها هى والعفريت ميدو
مثال للشباب

ههههههههههههههههههههههه
ضحكت جدا والله وأنا صايم وعطشان والجو ناااااااار بعيد عنك

أنا اسف نسيت أقولك الف الف الف مبروك
وعقبال مشروع تخرجك بأذن الله
بس أنتى تفألى كده وخليها على الله
أنتى فكرتينى بأيام الجامعه
أنا بقى كانت معكوسه معايا جبت تقدير فى رابعه التقدير العام بتاع السنه جيد
والتراكمى شعبى بس كان فاضل درجتين وحياتك ويبقى جيد كنت هتجنن
ياله محدش بياخد أكتر من نصيبه

أنا سعيد جدا بمروك الجميل على مدونتى المتواضعه
وسعيد أكتر بمرورى على مدونتك الرائعه
ربنا يديم التواصل مابينا

تحياتى لقلبك الجميل

محمد التركى

ويكا يقول...

اولا الف مبروك
ولن اتنازل عن حقى فى الحاجه الساقعه

ثانيا
الحوار - بصراحه البت والواد عداهم العيب وقزح كمان.

قمة التمدن فى الحوار - قمة الرومانسيه - قمة التزام الدين.

حقيقى حقيق انا اتخنقتلهم.

انا متهيقلى لو شفت اتنين قدامى عملوا الحوار ده ممكن اضربهم باقرب حاجه جنب ايدى ، وافضل اجرى وراهم فى الشارع زى المجانين

همس الاحساس يقول...

كل سنه وانتى طيبه يا قلبو

انا سعيدة انك من الزقازيق

رمضان كريم

معلشى اتاخرت كتير عليكى يا قلبو

بسى بجد كنت بخلص مشروع التخرج

والحمد ربنا كرمنى

عقبالك سا جميل

اما الحوار كان رائع بيصور حال ناس كتير مش تعرف بجد يعنى ايه دين بظبط الدين
مش ليوم ولا شهر الدين حياة
صدقينى الناس ده عمرها ما تعرف ايه يعنى رمضان
لكن ربنا يهدى
انك لا تهدى من احببت ولكن الله يهدى من يا شاء

ربنا يهدى الجميع لصالح الاعمال

كل سنه وانتى طيبه
واسفه مرة تنية للتاخير

موجة يقول...

السلام عليكم ورحمة الله وبركاتة
اولا
الف مليون مبروووك على التقدير جيد
وانشاء الله تجيبى امتياز مشروع التخرج
الا بالحق انتى كليه ايه
ثانيا
جامد جدا الحوار اللى بين ميدو ومقروصة دى
بجد والايحاء اللى من وراه جميل جدا
هى ان الناس فعلا بتحاول تمثل على نفسها وعلى ربنا انها اتغيرت فى شهر رمضان
ده شئ خطير جدا
يمكرون ويمكر الله والله خير الماكرين
اللهم ارزقنا العفة واغفر لنا
امين

العاشقه يقول...

وانتى طيبه ياقمر
ويارب على رمضان الجاى تكونى حققتى كل احلامك

غير معرف يقول...

ابتسمي انتي في مصر
حيث ازدواجية الشخصية سمة من سمات المواطن المصري
ايه الكلام الكبير ده؟
ههههههههههههههههههه
رمضان كريم

سندباد يقول...

كل سنة وانتي طيبة رمضان كريم
زيارة اولي وانشالله مش هاتكون الاخيرة
احييكي علي المدونة الجميلة دي
رمضان كريم مرة تانية
مبروك النجاح بالتوفيق انشالله
تحياتي

Tamer Moghazy يقول...

الف مبرووووك النجاح :)