الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الجمعة، 10 سبتمبر 2010

حاجات فى نفسى



نفسى اركب مركبه فى النيل ساعه الغروب وافضل فيها لغايه باليل بس طبعا يعنى مش هكون لوحدى


نفسى حد يجيبلى ورد اه والله بوكيه ورد احمر
وانا فى الجامعه لقيت واحده ماسكه بوكيه ورد يجنن رحت قولتلها جايباه منين على اساس افرح نفسى واشتريه قالتلى لا دا من حد عزيز عليا ومعرفش منين اتفرست طب وانا مفيش حد عزيز او حتى عزيزة يجيبلى ورد احمر كدا


نفسى ارجع صغيره ياااااه على الاقل كنت احس بطعم العيد طول الاربع ايام

يوم الوقفه كنت اجهز الفستان والشنطة والشراب والجزمة والتوكه والبورنيطه (كنت عايقه امال ايه ) وارصهم على السرير واستنى وافضل صاحيه واستنى الفجر يأذن واصحى البيت كله (كنت المنبه بتاعهم ) وافضل اتنطط واكبر مع الراجل والبس وننزل نصلى بيكون يوم جمييييل واحساس حلو وانا خارجة بقى لازم اركب المراجيح واتصور واجيب بالوتان (بحبها اوى )
واروح بيت العيله ونفضل هناك نلعب فى الجنينه ونضحك وناخد العديه (امال احنا رايحه بيت العيله ليه عشان اشوف خالو وخالتو يعنى) هههه
دلوقتى وبالنسبه ليا العيد هو ساعه الصلاه وبس
عارفين جبت كابات انا واصحابى مكتوب عليها احب ابى وامى _ القدس فى القلب _ الله يرانى فى كل مكان _حياتى كلها لله
ووزعناها على الاطفال فى الطريق وفى الساحه وكنت مبسوطة اوى اطفالى فى المسجد جهزتلهم العديه وكمان جوايز حلوة عشان اشجعهم


نفسى اروح جنيه خضره وافضل اجرى واتنطط زى ماكنت بعمل زمان واعمل كمان مرجحيه وافضل اتمرجح (دى مرجيحه كان عمو صاحب الجنينه بيعملها يربط حبل بين شجرتين وانا اتمرجح كانت تحفه )

نفسى كمان لو حد زعلان منى يقولى ميكتمش فى نفسوا انا عمرى مابزعل حد ولا بكون قاصده بحب الناس لكن ساعات الاقى حد متجنبنى بروح واسأله الاقيه زعلان من حاجة حصلت من فترة حتى انا نسيت تفاصيلها طب ليه لما يكون حد جواه حاجة من حد مش بيقول فى ساعتها حتى الشيطان ميدخلش بينهم

نفسى كمان اركب عجله اه والله عجله وافضل اجرى اجرى
لما كنت فى اسكندريه المرة اللى فاتت وكنا فى الجنينة اللى قدام البيت لقيت طفل راكب عجله نديت عليه واخدتها منه وفضلت الف بيها فى الجنينه كان احساس تحفه والله

نفسى ارجع اعيش فى قطر او السعوديه زى الاول بس عارفين نفسى افضل فى السعوديه اوى وكمان نفسى لما اتجوز اعيش هناك فى المدينه واكون جنب جدو وتيتا

نفسى اخد بابا فى حضنى دلوقتى واقولوا بحبك اووووووى وكان نفسى تحضر معانا العيد بس هستناك فى العيد الكبير بقى

نفسى الابله اللى بتحفظنا القران ترجع تانى عشان هى حلفت انها مش هتدينا تانى اصل احنا معندناش دم
انا استأذنت وسافرت وهى سمحتلى اه مش انا الاجازة دى اخدتها خمسه صياعه من الاسكندريه للقاهرة للبلد للاسماعيليه للقاهرة وفى النهاية رجعت 6 رمضان الى بلدى الحبيب هههههههه
هى بقى كانت مسافره البلد بتاعتهم وقالت انا بنزل مخصوص عشانكم يعنى لو مش هتيجوا قولولى هى نزلت مرة مخصوص عشان تلاقى واحده ومرة كمان عشان متلاقيش حد ومرة تلاقى 4
طبعا انا رجعت من السفر وبتصل عليها اخدت الطريحة واتبستفت لوحدى هههههههه
يارب ترجع تانى لحسن الواحد كدا هيتسوح خالص والله

نفسى كمان انجح السنة دى بتقدير وكمان مشروع التخرج ربنا يوفقنى فيه

نفسى فى حاجات كتير اوى
يارب بقى تتحقق

كل سنة وانتم طيبييييييييييين يااحلى مدونين انا عرفتها

**************



((((((قلــــــوب بــــلا مرســــــي))))

بطل كسل وادخل اقرأ وقول رايك

هتعرف ايه اللى جرا لكريم
وهتعرف على اللى مخبياه فيروز 4 سنين
وهتشوف بشاعه ياسر مع منه

هناك 47 تعليقًا:

جوجو يقول...

السلام عليكم
كل سنة وانتى طيبية
طبعا ذكريات الطفولة جميلة جدا
عيد سعيد عليكى ياقمر
تحياتى

mrmr يقول...

لينتا نرجع ونصير مثل الاطفال

كل سنه وانتى طيب
ربنا يديم الاعياد والفرحه علينا ويزرع الحب فى قلوب كل البشر
عيد سعيد عليك وعلى كل المسكونه

قوس قزح يقول...

كل سنة وانتى طيبة و يارب تحققى احلامك كلها
عيد سعيد عليكى

yasmina يقول...

هاااااااى توتة ازيك واحشانى والله

على فكرة حلو اوى البوست دة لانى انا كمان دايما بحن لايامن زمان واتمنى انها ترجع من جديد

كل سنة وانتى طيبة
وعيد سعيد
والسنة اللى جاية تكونى حققتى كل اللى الحاجات الجميلة دى اللى انتى نفسك فيها يارب ان شاء الله

تحياتى ليكى يا قمر

ساسو يقول...

دموعي يا جميله
ذكريات الطفوله اكيد مفيش اجمل منها
وكل واحد له ذكريات خاصه بيه
ومش ممكن ينساها
علي الاقل كنا صغيرين
ومش مدركين حاجه
ومنعرفش طريق الحزن
بس الحمد لله
كده حول وكده حلو

ربنا يجعل ايامك فرح في مرح
أه البرنامج هههههه
وعيد سعيد عليكي يا جميله

عاشقه الرومانسيه يقول...

البلوجر كله النهارده بيحلم
هههههههه
ربنا يحقق لك كل احلامك ياثكر


نفسى ارجع صغيره ياااااه على الاقل كنت احس بطعم العيد طول الاربع ايام

انا كمان زيك فى الامنيه دى




كل سنه وانتى طيبه
عيد سعيد

موجة يقول...

اه يا اختى ومين سمعك
انا كمان نفسى اركب عجل اوىىىىىىىى
بس للاسف
مش لاقيه عجله
اهئ اهئ
كل سنة وانتى طيبة ويارب تحققى كل اللى فى نفسك

ليس فقيرا من يحب يقول...

توووووووووتى

باحبك اوى يابت والله

انتى رقيقه بجد وزى النسمه يارب يسعد ايامك

انا بقى عندى حاجات انئح من كده نفسى

اعملها بس انا باعمل اللى نفسى فيه اول باول

باركب موتوسيكل وبالعب وباجرى وباكل فى الشارع ولالعب كورة كمان ههههههههه

ربنا يسعدك ويحققلك كل احلامك

وميحرمنيش منك ابدا

عيد سعيد عليكى وعلى كل حبايبك يارب

VÖltaa يقول...

مش انتى جامعة الزقازيق ؟ طيب انا ليا ذكريات رهيبة مع الجامعة دى وكلها من نوعية البوكيهات والورود

هبقى اجيبلك بوكيه بقى انتى كمان

اى خدمة ياعم

كل سنة وانتى طيبة ياست دموع

أتنين حبيبين يقول...

وحشتينى ياعمرى كتير

عيد سعيد عليكى وعلى الامة الاسلامية جمعاء

متشكره ليكى سؤالك عنى ربنا يديم الود غاليتى

جميل اووى البوست والاجمل منه الذكريات اللى كلنا بنحلم بيها ياريت انا كمان كل اما اشوف طفل او طفله اتمنا اكون زيهم

ربنا يسعدك يارب ويكتب ليكى الخير ويعوض صبرك خير حبيبتى

بحبك اوووى


توتا

الــحــــنـــــــــــــــــــين يقول...

كل سنة وانتى طيبه عيد سعيد وكلنا نفسنا نرجع زى زمان اطفال ناخد العديه وهدوم العيد كانت ايام جميلة اوى تحياتى ليكى

باحث عن حب يقول...

كل سنه وانتى طيبه
يارب يتحقق ليكى كل امانيكى يارب

لــــ زهــــــراء ــــولا يقول...

نفسى اركب مركبه فى النيل ساعه الغروب وافضل فيها لغايه باليل بس طبعا يعنى مش هكون لوحدى


"هو ياعني انا هسيبك تركبي لوحدك منا هكون معاكي :d اصلي عيلة قوووووي ف الحاجات دي بس بتعرفي تعومي ولا هتسوحينا !!!"

نفسى حد يجيبلى ورد اه والله بوكيه ورد احمر


"انا نفسي يكون بنفسج هههه"



وانا فى الجامعه لقيت واحده ماسكه بوكيه ورد يجنن رحت قولتلها جايباه منين على اساس افرح نفسى واشتريه قالتلى لا دا من حد عزيز عليا ومعرفش منين اتفرست طب وانا مفيش حد عزيز او حتى عزيزة يجيبلى ورد احمر كدا


" كل سنة وانتي طيبة (:"

لولا

تويتي فلسطين يقول...

السلام عليكم

كل دي حجات نفسك فيها كتيرررررر

انا من جهتي مو نفسي الا يكون ليا

سياره جولف ولونها اخضر

بس بكير على السياره

وما ينفع اخذ رخصه الا لما يكون عمري

18 وما فوق

الله كريم

سُـمـيّـة يقول...

السلام عليكم
بجد يا رب يارب يحقق ليكى كل أمنياتك كلها بسيطة أوى وجميلة أوى
كل سنة وانتى طيبة ويارب العيد الجاى تكتبى موضوع عنوانه ((حاجات كانت فى نفسى))

Dr/ walaa salah يقول...

كل سنه وانتي طيبه يا دموع

كلنا نفسنا في حاجات كتير اوي واهمها اننا نرجع زي زمان


مدونتك جميله اوي يا حبيبتي وطريقة كتابتك رائعه وبتشد القارئ

شرفني مروري بها

كل سنه وانتي طيبه

R-H-S يقول...

كل سنه وانتي طيبه يااستاذه
وربنا يحققلك كل اللي نفسك فيه

معاكي حق العيد دلوقتي بالنسبه لينا بقي الصلاه وخلاص علي كدا

تحياتي

~ISLAM~ يقول...

كل سنه وانتى طيبه
ويارب تحققى كل اللى بتحلمى بيه
وتعيشى ايامك كلها فى سعاده
عيد سعيد
تحياتى ليكى

شوية قهوة يقول...

ازيك يا قمر
تصدقي انا كمان طول ما انا في مصر نفسي اروح واركب مركب في النيل بس للاسف محدش حققلي امنيتي ومشيت من غير ما احققها

وفعلا نفسي كمان ايام زمان ترجع تاني

ربنا يحققلك كل امنياتك وامنياتنا كلنا

خواطر شابة يقول...

كل سنة وانت طيبة حبيبتي لكل منا حاجات كثيرة في نفسه في اللي مقدور عليه وفيه اللي بيبقى دائما في اطار الاماني
دمت بكل الود عزيزتي

ع نوتة يقول...

كل عيد وحضرتك بالف خير يارب

عيد سعيد

ان شاء الله العيد القادم بالاقصى يارب

جزاك الله كل خيرا


تحيااااااااتى

داليـ ـ ـ ـ ـ ـ ــــا يقول...

ربنا يحقق لك كل الا فى نفسك

بس عايزانا نرجع زى زمان
قول للزمان ارجع يازمان

كل سنه وانتى طيبه
عيد سعيد عليكى وعلى كل اللى حواليكى

richardCatheart يقول...

كل سنه وانت طيبه يا قمر وبخير وصحه وهنا

وربنا يحققلك كل اللى بتتمنيه ونفسك فيه يارب

عيد سعيد

مرايتى يقول...

كل سنه وأنت طيبه وبخير ياقمر

وربنا يرزقك كل إلى بتتمنيه ويرزقك الخير حيث كان ويفرح قلبك يارب

هدى التوابتي يقول...

السلام عليكم ورحمة الله...كل عام وانت بخير ...فكرتني تدوينتك بالعيد أيام الطفولة،وبفرحتنا بقدوم العيد...أول مرة من حوالي خمس سنوات أقضي العيد في بلد والدي،وبجد كنت بحسب أني خلاص هاعيش فرحة الطفولة لكن للأسف .. على العموم خير الحمدلله...ربنا يفرحنا دائماً...كل عام وأنت بخير مرة أخرى وجزاك الله خير على ذكريات العيد الجميلة..

Story pain يقول...

كنت هكتب بوست فيه نفس الكلام

نفس الحاجات اللى في نفسى
فستان العيد..والفرحة اللى مابتنيمش ...المراجيح والعديات

الواحد ماكنش يعرف ان فرحة العيد مش هنحسها لما نكبر...

كل سنة وانت طيبة يا قمر

ذكرى رحيل قلم يقول...

السلام عليكم
كل سنة وانت طيبة وبصحة وسلام
ربنا يفرح قلبك ويحقق لك كل ما تتمني
دمتي بحب

Sahar Elgafary يقول...
أزال المؤلف هذا التعليق.
كلمات من نور يقول...

يارب يحقق كل أمانيكي الحلوة دي

بس ترجعي صغنونه دي ممكن ترجعيها بذكرياتك الحلوة .....عيد سعيد عليكي يا فتاتي الحلوة الأمنيات

كلمات من نور يقول...

يارب يحقق كل أمانيكي الحلوة دي

بس ترجعي صغنونه دي ممكن ترجعيها بذكرياتك الحلوة .....عيد سعيد عليكي يا فتاتي الحلوة الأمنيات

خواطر شابة يقول...

عزيزتي انتظر زيارتك لمدونة الليالي رابطها تجدينه على مدونتي فسنتمم ان شاء الله قصة قلب كامل ومشاركتك تهمنا
دمت بكل الود

rack-yourminds يقول...

فعلا الواحد منا عندما يكبر بيفتقد اشياء جميله كان بيعملها في صغره ...يلا معلهش دي سنة الحياة

_________

كل سنه وانتي طيبه

سندباد يقول...

ليس كل ما يتمناه المرء يدركه
ولكن اعتقد اننا نستطيع ان نمارس طقوسنا الخاصة التي اعتدنا عليها ولو للحظات
ليه نحرم نفسنا من حاجة بنحبها ونقدر نعملها
تحياتي لقلمك الرائع

فشكووول يقول...

السلام عليكم
عيد سعيد وعمر مديد
كل عام وانتى بخير
ما تزعليش يا ستى .. خدى منى بوكيه الورد ده .. بس يا خساره انا راجل عجوز وما ينفعش .. طب ادعى لك ربنا يرزقك باللى تحبى يجيب لك بوكيه ورد

ان شاء الله ومع الايام تستنى العيد انت واللى بالى بالك .. يا رب
تحياتى وعيد سعيد وكل عام وانت بخير

حبات التوت يقول...

ياااااااااااااااااااه
وانا كمان نفسى والله

كل دة يحصل لو رجعنا صغيرين تانى بس قول للزمن يرجع بينا اااااااااااه

اقوللك على حاجة نامى واحلمى احلمى واتنى بتعملى كل الحاجات دى

ربنا يسعدك ويحققللك كل امانيكى

صفــــاء يقول...

الله على العيدعندك

خيالك رائع

نفسنا كلنا فى العيد الخيالى دة

لكن الحمدلله على نعمه الاهل والصحه

وكل سنه وانت بكل خير وسعادة

القمرالباكي يقول...

السلام عليكم ورحمه الله وبركاته
كل سنه وانتي طيبه
ازيك ياقمر
يارب تكوني قضيتي العيد كويس وفرحتي وكلتي كحك
كلامك فكرني بفرحه زمان بالعيد كان الواحد بيستناه من العيد للعيد دلوقت بيجي وبيخلص ولا بنحس بيه
ربنا يجعل ايامنا اعياد بجد
دومتي بخير

شمس النهار يقول...

كل سنه وانتي طيبه


صوره جميله حسستيني اني معاكي


ربنا يحقق لك احلامك

تحياتي

أتنين حبيبين يقول...

وحشتينى انتى فين

وغايبه ليه

يارب تكونى بخير
طمنينى عليكى

اسراء نايف يقول...

كل سنه وانتي طيبه ياسكر:):)
ذكرياتك حلوه اوي اوووي
وفكرتني بردو بنفسي
احلي عيد حسيت بطعمه وانا في اولي ابتداائي

Story pain يقول...

أنت فين..؟

وحشتينا:(

طمنينا عليكِ

ميرام يقول...

ربنا يحققلك كل الي نفسك فيه
(:

salwa يقول...

السلام عليكم
نعم دائما الذكريات لها مكان بحياتنا
لكن لنحافظ على الجميلة و نبعد المزعجة
تسلم الايادي ادراج رائع
ربي يحقق لك كل امنياتك
سلام

غير معرف يقول...

دموعى
البوست دا منزلش فى التحديث عندى ولا أعلم بيه الا الان لما دخلت عشان اطمن عليكى
لانى قلقت عليكى لما قولتيلى انك فى حاله اكتئاب
الف سلامه عليكى يا دموعى
وربنا يحقق لك كل اللى بتحلمى بيه
ويسعد ايامك يارب
خدى بالك على نفسك
دمتى بخير

رشا يقول...

السلام عليكم
نفسي ارجع طفلة من تاني
بحس بالعيد وفرحت العيد
وبتونس بااهلي وصحباتي
نفسي ترجع الايام.
وليه الي بيزعل مننا ميقولش
ده السؤال محيرني من اول ماصار معايا صديقات
ليه مش عارفة ليه؟
سؤال محيرني
بيزعلو وميقولوش انهم زعلانين نفسي اعرف الاجابة لسؤال ده:
ليه اعز الحبايب بيزعلوا مني؟

باحث عن حب يقول...

انتى فين
مش موجوده
خالص ليه كده
عاوزين الجديد
يا دموع

Tamer Nabil Moussa يقول...

ازيك دموع

اخبارك اية


ذكريات الطفولة مفيش احلىمنها

مع خالص تحياتى