الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الجمعة، 26 نوفمبر 2010

كروت شحن وموبايل والكل كاسبان !!!!!!!!!!!!!!!!!!!


عزيييييزى

لاتنتدهش اذا فوجئت الفترة السابقه
بمجهول يأخذك بين احضانه من دون مناسبة !!!!!!
او يقف على بابك ويهديك كرتونه بها زيت وكيلو سكر وكام صابونة !!!!
او يعدك ان قريريط ارضك الزراعيه ستدخل كردون مبانى بقدرة قادر !!!!
او ينتهز فرصه العيد ويرسل لك كام كيلو لحمة ...او يقوم بدفع مصايف اولادك المدرسية !!!........

ولا تستعجب !!!!!!

عندما يقوم احدهم بوضع حفنه من اللحاليح المصرية وهى جمع لحلوح وهو طبعا الجنيه المصرى الغلبان ...
او يعطيك موبايل وكروت شاحن كادوه !!!!

ولا تستعجب!!!!

ان رأيته فى سراديق العزاء وهو من الاصل لايعلم من الراحل ...او تراه يرقص طربا فى الحفلات والافراح من دون سابق دعوة ................ او انك ترى صورته وقد بدا ( منتفخ الاوداج مبروم الشنبات مبحلق العينين مثل الاسد العضنفر !! او تراه يخطب مفوها وكأنه احمد عرابى او سعد زغلول

لاتندهش!!!

اذا رأيت ولمحت إمراة تتوسل الى سيادتك لتمنحها صوتك الغالى وتستغل ملكاتها الانثوية من الدلال والحنان ونعومة الصوت وتسبيل العيون لخطف قلبك وصوتك

لاااااااا تندهش عزيزى الناخب فأنت فى موسم الانتخابات !!!!!!!!

والانتخابات كلها مصالح وتربيطات والكل اكيييييييد كسبان !!!!!!
فى القطفة الاولى سترى العشرات من المرشحين الذين لايملكون شيئا يؤهلهم ليمثلون الشعب !!

فى القطفه التانية تنخفض اعدادهم بشكل ملحوظ ولانهم يعلمون انهم راسبون مع مرتبة الشرف فسيكتفون باألاف من الحاليييح مقابل التنازل !!!!!!


يدهشنى ايضااااا

واسأل نفسى دائما ماهو السر وراء اندفاع الناس لدرجة الاقتتال على مقعد الشعب ؟؟؟
هل الناس لديها قناعه بأن مجلس الشعب برلمان نيابى حقيقى يعبر عن امال والام الموطنين بصدق ؟؟؟
.....هل يشرع القوانين ولاينتظرها من الحكومة ؟؟؟؟
.هل يناقش مشروعات القوانين التى يقدمها الاعضاء ...ولايجعلها حبيسه الادراج؟؟؟

هل يعرف هؤلاء ان من أسوأ عاااادااات المجلس هو التصفيق عمال على بطال للحكومة !!!!!!!!
_ وان جميع الاستجوابات تنتهى بالانتقال الى جدول الاعمال اى وكأنها لم تكن !!!!!!

ماااذاااااا يريد هؤلاء الذين ينفقون الاموال بهذا البزخ من دخولهم المجلس .
..ماذا ينتظرون هل تحولت عضوية البرلمان الى وجاهه اجتماعيه تستحق كل هذه الاموال والاقتتال والشراسه والبلطجة؟؟؟؟!!!!!!!!

من اهم ظواهر هذه الانتخابات الانفاق الغير مسبوق من المرشحين وبصورة لافته للانتباه
بدايه من التقديم للحزب الوطنى والتبرع (عمال على بطال ) وصرف ملايين بكل سهولة والمبالغه فى ذبح الاضاحى !!!!!! والتباهى بها سباق محموم فى الصرف وكأن اصحاب هذه النقود لم يشقوا بجلبها فالملايين التى يمتلكوها ظهرت بسهوووووووله والاسهل هو اسلوب إنفاقها

من هنااااا اتسائل هل مقعد مجلس الشعب او الحصانه تستحق كل هذه الملايين ؟؟؟؟؟
وهل يعتقد المرشح ان جلوسه تحت القبه سوف يجعله يستعيد كل هذه الاموال مضاعفه ؟؟؟؟؟؟؟
هل يعرف طرق لكيفية التربح من دخوله المجلس بحيث انه يحسبها جيدا ؟؟؟؟؟؟؟
وكأنه استثمار مضمون والا لم يتهافت الجميع للوصول الى القبه !!!!!


اليكم اعزائى الناخبين .....

ان عملية الانتخابات فى النهاية شهاده سيحاسبنا الله عليها حسابا عسيرا .......من الامانة الوطنية ان تراعى الله والدين والوطن فى اختيار من يمثلك تحت القبه دوون النظر الى شكله او حزبه او دينه او غناه او فقره ......
فقد آن الاوان لدولة كبيره مثل مصر ان يكون لها برلمان حقيقى ونئب حقيقى وإراده حقيقيه ولن يصنع هذا غير شعبه
استعجب على من يقول لافائده !! او من ينادى بالمقاطعه !! او من لايقتنع ان صوته امانه !!
صدقونى ان لم تؤمن انت بالتغيير والاصلاح فسنظل فى القاع
ان الله لايغير مابقوم حتى يغيروا مابأنفسهم
وفى كل الاحوال فهى معذره الى الله اتمنى ان تحطم قيودك الفكرية وتسعى للتغير والتنمية وهذا لن يأتى الا بإختيارك للممثل المناسب الذى يختاره ضميرك وصدقونى ترك صوتك سبب من اسباب التزوير
ان لم تجد من يمثلك والكل سيىء فأذهب وابطل صوتك على الاقل اختر افضل السيئين








!

تحياااااتى القلبيه

*********************

موضوع جميل جدا وعجبنى فكرته وطريقه عرضه للاستاذ ماجد اتمنى انه ينال اعجابكم


((هكذا علمتني الحياة))

***************************

ضحايا الحب
.....
حلقه جديده من
((((((قلــــــوب بــــلا مرســــــي))))

اكيييد رأيكم يهمنى

هناك 23 تعليقًا:

همسات وبحــ الحياه ــر يقول...

بعتذررررر جدا
عن غيابى الفترة اللى فاتت وعدم متابعتكم
بس بجد كنت مشغووووولة جدا ومازلت مشغولة
ومحتاجة دعواااااتكم الفترة اللى جايه
اخر سنة ليا فى الجامعه مطلعين عنينا من ابحاث وتدريب فى جرنال :(

اختكم /

تغريد احمد

Unknown يقول...

أولا: أشكرك جزيلا على وضع الرابط..

ثانيا: مش تقولي إنك عندك مدونة تانية غير (قلوب بلا مرسى) أنا كنت فاكرك روائية فقط.. طلعتي جرنالجية كمان.. أنا لازم أكون على صلة قوية بيكي من دلوقتي يمكن أنشر في جرنالك في المستقبل :)

بالتوفيق إن شاء الله في الامتحانات وعقبال فرحة التخرج.

Casper يقول...

حقيقة الامر فهذه الانتخابات عائدها كثير وتستحق صرف الملايين من الجنيهات

وإن ظن المواطنون أنهم كسبانين في موسم الانتخابات فأبشرهم بأن هذه الاموال سترد ثانية من جيوبهم

======

موضوع خطير له ابعاد كثيرة
عامة أنا لن اذهب للادلاء بصوتي
لأنني لأ ارى وجه احدهم بعد نجاحه
اخوان او وطني او احزاب

ينجح من ينجح فالكل سواء وعلى رأي المثل " مش هتفرق سينا من سونيا "
========

تقبلي مروري
Casper

=======

بالتوفيق دائما

باحث عن حب يقول...

اختنا همسات
عافاكى الله ونصرك
يارب
يعينك
فانتى الله اكبر نابغه وبلا مجامله
يارب يعزك ويقويكى ويعطيكى الخير كله يارب
انتخابات دى مولد
وصاحبها فوق الكرسى مرزوع
وفى قولبنا خنقنا وعلى صدرنا قاعد
ومنه لله

همسات وبحــ الحياه ــر يقول...

ياااااااااااه نفسى اغمض عينى افتحها كدا الاقى نفسى خلصت الكلية دى

adel يقول...

انا عاوز موبايل و 100 لحلوح وهدي صوتي لاي حمار

غير معرف يقول...

ربنااااااا معاكى يا توتى
بالتوفيق والنجاح ان شاء الله
اما بالنسبه لموضوع البوست
احب قولك

حــــــــــــــــــاضر مش هندهش
دا الطبيعى يا ماما

خدى بالك على نفسك وذاكرى كويس عشان تخلصى بقاااااااااااااااا
سلام يا حبى

سندباد يقول...

ربنا يوفقك انشالله ويحققلك كل اللي تتمنيه كلنا هاندعيك بالتوفيق
اما بالنسبة للبوست
متستغربش لان هي دي مصر

شمس النهار يقول...

اهي هوجه زي اي هوجه
ورزق الهبل علي المجانين

ان شاء الله تخلصي علي الخير الكليه وتنجحي بتفوق

وتحققي كل احلامك

:)
وهروح اقرا الحلقه

Dr Ibrahim يقول...

ما يأخذه النائب هو الحصانة الدبلوماسية
والتسهيلات التى يأخذها عندما يفكر فى إنشاء أى مشروع...إلخ

mrmr يقول...

احنا مش مندهشين ابدا للى بيحصل من اول ما تبدى الانتخابات
ولولا ما المرشح عارف كويس انه ح يجمع اضعاف مضعفه من المصاريف اللى بيصرفها مش ح يقدم على الخطوه دى
والمرشح يعرف جيدا من اين تؤكل الكتف

ربنا يسعدك ويكمل دراستك على خير

جايدا العزيزي يقول...

اولا ربنا ينجحك وتفوقى بقى

اما الغياب عزرينك

مبدعه ياخواتى

وانتظر وساتابع كل رساله

تحياتى

Carmen يقول...

اذا رأيت هذا فلا تتعجب ولكن ابتسم فانت في مصر:))))

ربنا يوفقك ياحبي ويسرلك امورك كلها

تحياتي

Ms Venus يقول...

ربنا معاكى ويوفقك يا قمراية
وميرسى جدا على سؤالك عليا وعلى سلامك

ربنا معاكى دايما

ارق وردة لعيونك

Unknown يقول...

انا اللى بعتزر عن غيابى وعدم سؤالى وكلى خجلا منك يا هموستى ياريت متكونيش زعلانه بموت فطريقة الكتابه الساخره بتاعتك دى

وحشتينى موت...منه

عباس ابن فرناس يقول...

فات الكثير وما باقى الا القليل
وبتوفيق انشاءالله


على فكرة انا من الجماعة اللى مش شافين ان فيه جدوا من المشاركة فى الانتخابات
لانى شايف ان صوتى مش ملكى
او على راى الدكتور فتحى
صوتى مش سيد قراره
انامضمنش حتى صوتى ممكن يروح لمين
من الاخر مش شايف ان فيه حد يستحق
تحياتى

Pink Dreams يقول...

ازيك يا توتا يا قمر
بجد وحشااااااااااااااانى مووووووووووت
ابقى طمنينى عليكى

salwa يقول...

السلام عليكم همسات
اولا الله يعطيكي العافية و يوفقك
ادراجك من صميم محبتك لوطنك
حسبنا الله و نعم الوكيل
لا يغير الله ما بقوم حتى يغيروا ما بانفسهم
لكي اطيب التمنيات
سلام

دعاء العطار يقول...

ايه ده انت اعلام ياقمر

يعنى احنا زمل ؟

زكمان واضح انك شعبة صحافه

بالتوفيق ان شاء الله وولا يهمك خالص عذرينك

تخلصيها ع خييييييير

بس صدقينى ايام مش هتتعوض

:::::::::::::

بالنسبه بقى لموضوع الانتخابات فعلى فكره انا برضه كاتبه بوست عنها وتقريبا نفس الكلام

شوفتى بقى ان فيه تقارب افكار

هههههههههههه

زمل بقى

بس عارفه

موضوع ان حد بقى يجى يدى الناس رشاوى وكده عشان ينتخبوه ويوووووعد بوعود كتييييييير مابقاش زى الاول

عارفه ليه ... لانهم بكلللل بساطه ضامنين الفووووووووز

فالموضوع مش فارق معاهم التزوير بقى عينى عينك

بس انا طبعا مع اننا نكون ايجابين ومانضيعش صوتنا حتى لو عارفين النتيجه

دمتى بكلللل ود

(:

Unknown يقول...

بالتوفيق بإذن الله...

معلش ما عنديش استعداد حاليا أعلق على الخيبة التقيلة اللي هي نتيجة الانتخابات!!!
----------------
احم.... النهارده الثلاثاء!!!

R-H-S يقول...

ايه التفنيطه الفظيعه للانتخابات دي
معلش جيت متأخر خالص لان النت كان فاصل عندي 7 ايام بلياليهم لحد ما كنت هموت من النقطه

انتي شرحتي الموضوع اللي بيحصل شرح كافي وافي فعلا ..تبص تلاقي واحد ماشي ووراه كام واحد عاملين يعدوا يسلموا علي الناس منافقين طبعا

بس انا مشفتش الفلوس دي الصراحه علشان اكون صادق

الحزب الوطني خلي الناس تعمل اللي هيا عاوزاه الانتخابات السنه دي كانت هاديه جداا ومفيش مشاكل الكلام دا عندنا طبعا بس طبعا الحزب الوثني عمل اللي هو عاوزه يعني طظ في الشعب انا مكنتش عاوز انتخب بس رجعت في قراري وانتخب وعملت صباعي في الحبر اللي قعد فتره لما طلع ههههههه

الناس اللي بتجري ورا الكرسي دول ربنا يكون في عونهم فعلا مش هقول اكتر من كدا

تحياتي وبالتوفيق يا استاذه في الدراسة وخلاص هانت دي فركه كعب

حاجات جوايا يقول...

طبعا يا بنتى المقعد مهم امال ايه
سيادة النايب راح
سيادة النايب جه
نفوذ وسلطة
ووصول سريع لكل مسئول فى البلد
ولكل وسائل الاعلام
خصوصا المعارضين
شهرة وسطوة
ويدخل ولاده كليات شرطة حتى لو هو مش ظابط
ده غير الفلوس والشقة والعربية والحصانة وما ادراكى ما الحصانة خصوصا لو عايز يشتغل فى الممنوع وهلم جرجررررررر

صوتك امانة !!!!
انتى لسه مقتنعة بالفكر ده بعد اللى حصل فى الجولة الاولى
اعتقد انك غيرتى رايك
هو مين عرف يدلى بصوته
الطبخة المرة دى متسبكة عالاخر وطنى * وطنى = وطنى اس 2 ههههههههه
وبكره هتكمل المهزلة فى الاعادة
وفى الاعادة افادة ههههههههه
والتكرار يعلم مين ........
الشعب المحتار
هههههههههه

وحشتينا يا قمرى
ارجعى بقى
ربنا يعينك يارب

همسات وبحــ الحياه ــر يقول...

اشكركم ^_^