الدموع هي الانسان قالوا منذ قديم الزمان... ان الدموع هي الانسان...عند الأسى يعبر بها عن الاحزان... وعندما يبتسم له الزمان...يذرفها فرحة وامتنان...وفي كثير من الأحيان...
هي دليل الشقاء والحرمان...ولكنها قليلا ما تكون دموع حب وامان...ونادرا نادرا ما نبكي امتنانا او عرفان...ليس لأننا افتقدنا للتقدير والاحترام...ولكن لان من يمنح الحب اصبح يداس تحت الأقدام...فأصحبت الدموع هي الانسان...وهناك الحب ذل واستعباد وكرامة تهان...والغش والزيف والخداع هم سر الاطمئنان...كيف؟؟؟ لا ادري !! ولكن ما اقره قلبي ...ان الدموع هي الانسان...وان الانسان بلا دموع بقايا انسان....

الاثنين، 21 مارس 2011

५० قرش هديه عيد الام :D


وحشتييييييييييييينى يامدونتى كتييييييير كتييييييييير
وحشتووووووووووووونى يااحلى اخوات واصحاب
مقصره فى حقكم كتير
بس علفكره كنت متابعاكم دااايما اى نعم مكنتش بحط تعليقات بس كنت بعدى اشرب كوبايه شاى وامشى :
डी

جوايا كلام كتييييير نفسى ارغى واكتب وألوكلوك بس مش عايزة اصدعكم
بس هقولكم حاجات على السريع كدا

اخييرا هيتحقق حلمى ومشوارى فى التدريب ^_^
وان شاء الله هبدأ ادى كورسات وورش عمل لمهارات حياتيه

تانى حاجة ادعووووولى لانى ماسكه المسرح فى يوم اليتيم وان شاء الله هبقى انزلكم العروض اللى علمتها للبنات,,^^

عايزة اقولكم كمااااااااان
على الله على الحريه اللى حسيتها يوم الاستفتاااااااء
بجد مش قادره اوصفلكم سعاااااااادتى وانا رايحه اقول نعم او لا بدون ضغط من حد بدون اى تحيز لحد
والاقى الناس كلها نازلين وهما حاسين ان فعلا صوتهم هيوصل
الله يحفظك يامصر


**************


لاول بقول لكل ام كل سنة وهى طيبة

كل سنة وهى احن واطعم ام

وبقول لامى بجد بحببببك مووووت وربنا يخليكى ليا

تعبتى عشانى كتيير ويااارب اقدر ارد جزء من جمايلك عليا

انا بقى النهارده جايه احكيلكم على اول عيد ام

كنت فى رابعه ابتدائى

فى المدرسه طبعا الابله كانت عماله تقولنا على فضل الام واتكلمت كتييير قوى

طبعا انا اتشجعت لااااازم اجيب لماما هديه بمناسبه عيد الام

حطيت ايدى فى جيبى ملقتش غير خمسين قرش

واااااااااااااااااو

اجيب ايه فضلت افكر افكر افكر

ياجدعان دا نص جنييه بحاله انتم بتهزروا :d:d

نزلت المكتبه اديتها النص جنيه

وفضلت اتجول فى المكتبه وحاطه ايدى فى جيبى

ياناس دا نا معايا نص جنييييه بحااااله

المهم رسيت وبعد مشوار طويييييييل من البحث

جبت

بنستين من ام فص فضى دى

وكيسين شامبو

وتوكه

ايوووووووون

مش تستغربوا ياناس دا نص جنيه

البنسه كانت بعشر قروش يبقى 2 ب 20 قرش

وكيس شامبو بعشر قروس يبقى 2 ب20قرش

وتوكه بعشر قروش

يبقى 50 قرش ^____^

والمفأجأة الكبرى

كتبت جواااااب لامى

وكتبت فيه الدرس اللى اخدناه فى المدرسه

امى الحبيبه انتى حملتينى فى بطنك تسع اشهر تحملتى الالام وسهرتى لليالى على راحتى ال اخره هههههههههههههه

بعد كدا بقى بقيت اتفق مع اخويا ونجيب هديه

وبعد ماكبرت بقى بقيت احوش او اعمل جمعيه واقبضها واخويا يزود ونجيب لماما حاجة دهب

بس عايزة اقولكم على حاجة يابنااااااااات

لو انت على وش جواز هاتى لمامتك هديه تنفع فى بيتك هههههههههههههه

اصل عقبالكم كدا

كنت بجيب هدايا كتير لماما

اطقم كوبايات او كاسات وحاجات قيمه برضو

وبعد كدا الاقى ماما بتعينهم ليا فى جهازى

طيب فرصه بقى ههههههه

ياللى بتجهزى شوفى ناقصك ايه ياحبيبتى وهاتيه لماما فى عيد الام

واخييييييييرا بعد فوات 11 عام

اكرر

امى الحبيبه تعبتى من اجلى كثيرا فانتى حملتينى فى بطنك 9 اشهر تحملتى الالام وسهرتى الليالى على راحتى

:D:D:D:D

******************

هناك 21 تعليقًا:

Casper يقول...

اولا كل سنة ووالدة حضرتك بخير
وكل الامهات بخير

______
ربنا يعينك ويوفقك لكن برضه
مفتقدين كتاباتك جدا
ومفتقدين تعليقاتك

______

خالص تحياتي ,,,

Casper

سندباد يقول...

اولا حمدلله علي السلامة وربنا يوفقك انشالله في حلمك ومن نجاح الي نجاح
ثانيا كل سنة وانتي طيبة وكل امهات مصر ربنا يخلي والدتك ويرضيها عنك دائما

همسات وبحــ الحياه ــر يقول...

بالنسبه للقصه
بشكركم على اهتمامهم بيها
ومبسوطه انها نالت اعجابكم
ومنتظرين الحلقات الباقيه
بس انا وقفت عن نشر الباقى لانى غيرت فيها كتييير فى الاول سواء احداث او شخصيات
فعشان مش الخبطكم معايا
وان شاء الله قريب قوى قوووى
تلاقوها كتاب وتحضروا حفله التوقيع بتاعتى ^_______^
بحلم باليوم دا ادعولى

تغريد احمد

دعاء العطار يقول...

هههههههههههههههه

كانت ذكريات حلوه

ربنا يخليه ليكى يارب

وكل سنه وهى طيبه

هههههههههههههه حلوه وى حكاية الجواب ضحكتنى كتير

ماتغيبيش عننا تانى

(:

R-H-S يقول...

بتستغلي طيبه الوالده?? ....:-x

وان شاء الله نحضر حفل توقيع كتابك وبقولك كتابك دا هيكون اول كتاب هارد كوبي اشتريه يالا اي خدمة D:

mrmr يقول...

حمد الله بالسلامه
سعيده انك رجعتى وياريت متغبيش تانى
كل سنه وماما طيبه
ربنا يباركلك فيها ويديها الصحه
بالتوفيق يا قمر

لــــ زهــــــراء ــــولا يقول...

كل سنة وماما بخير يا قمراية
لولا

VÖltaa يقول...

والله يا تغريد ماهتصدقى انك جيتى على بالى امبارح و دخلت مدونتك اشوف انتى فين


القلوب عند بعضها :)

ازيك يا ست البنات

Mona Hekal يقول...

و الله انتي مصيبة ههههههههههههه
مش فاهمة انا ايه الهدايا دي لأ و ايه فيهم تناسق كله للشعر يعني تغسل شعرها بالكيس و تحط البنس و التوكة ههههههه لماحة يا توتة من يومك هههههههههههههه
اما عن امنيات سيادتك و احلامك ربنا يكرمك ان شاء الله

yasmina يقول...

وحشتيييييييييييييييينى اوى اوى ووحشنى كلامك جدا

يا ترى لسة فاكرانى ؟

حبيت اعلق عندك واقول معاكى لكل ام كل سنة وهى طيبة

yasmina يقول...

بجد انتى وحشتينى جدا جدا

غصب عنى بجد الغياب دة كله

ادعيييييييييلى كتييييير

الازهرى يقول...

يا ربىىىىىىىىىىىى
لى خبث بنات حواء
يعنى مفيش فايدة برضه حتى هدية عيد الأم حاطين عينيكم عليها
صحيح يا أولا
إن كيدهن عظيم

فى انتظار الإحتفال بيوم اليتيم وتوقيع الكتاب

Unknown يقول...

السلام عليكم

1- حمد الله على السلامة
2- جزاك الله خيرا على مجهودك مع الأيتام
3- ربنا يوفقك في موضوع التدريب
4- هما أول مرة اخترعوا عيد الأم وانتي في 4 ابتدائي؟ :) [أصلك بتقولي هحكيلكم على أول عيد أم] :)
5- ذكرياتك فيها كمية براءة جميلة جدا أكيد موجودة عند معظمنا.. غالبا كنا أول مرة نسمع عنه من المدرسة وغالبا كنا بنضرب إيدينا في جيوبنا علشان نطبق الدرس مباشرة :)
6- ما كنتش عارف إنك انتهازية ونفعية كده... أتاريكي بتحوشي جهازك وبالمرة بتشيلي مامتك جميلة!!!
طيب روحي إلهي تخلفي بنت تجبلك هدية طقم كبايات شاي في عيد الأم :)
7- منتظر الكتاب إن شاء الله.

تحياتي وتمنياتي بالتوفيق...

غير معرف يقول...

السلام عليكم ورحمة الله وبركاتة
ادام عليكى الموالى نعمة التوفيق
واتم عليك نعمة النجاح فى عرضك المسرحى
..
بحق كان اروع شعور واطهرة لما كنا صغيرين وبنحاول باقل مبلغ ومكناش مندركين قيمتة السوقية وقتها لكن كنا بنحاول نجيب به اكبر هدية فى ناظرنا هى قمة الهدايا افتكر زمان كان فى علبه صغيرة فيلها منديل ووردة وازازة ريحة كانت تقريبا بجنية وربع
..
خالص تحياتى وتمنياتى بالتوفيق
يوميات حارة

غير معرف يقول...

السلام عليكم ورحمة الله وبركاتة
خالص تمنياتى بالنجاح والتوفيق لعرضك المسرحى ان شاء الله
كل سنة وكل ام فى الدنيا بخير وسعيدة فكرتينى بالهدية اللى كانت فى المكتبة عبارة عن قالب بلاستك فيه منديل +وردة+ ازازة ريحة وتقريبا كان كل دا جنية وربع كان فعلا حلم وفرحة كبيرة وانا ماسكها فى ايدى وبعد مقعدت احوش لها كان احساس راقى وطاهر اكيد
خالص تحياتى وتمنياتى بالتوفيق فى مشوارك التدريبى
يوميات حارة

باحث عن حب يقول...

كل سنه وانتى ومامتك ومامتى وكل الامهات بخير

موجة يقول...

دمك خفيف موووت وانتى بتسردى البوست

شوية قهوة يقول...

هههههههههههههه
كل سنة وممتك طيبة
وممتي طيبة
وكل الامهات طيبيين
وحمدالله على السلامة والله وحشاني جدا

جايدا العزيزي يقول...

كل عيد ام وانت طيبه

وكل سنه ووالدتك بخير

ههههههههههه

اى حاجه منك حلوة

حتى لو قولتى كل سنه وانت طيبه ماما

هى اكيد حساها

ربنا يخليهالك يارب

تحياتى

رحلتنا في الحياة يقول...

السلام عليكم ورحمة الله وبركاته
ازيك ياجميل حمدلله على سلامتك
كل سنة وكل الامهات بخير يارب بس عجبنى موضوع الخمسين قرش دا كان ايام كلها بركة والله :))
وربنا يوفقك وتحققى كل اللى بتتمنيه اللهم امين يارب العالمين

Rosie يقول...

كل سنة و كل الأمهات بخير...حلوة أوى قصة الخمسين قرش..و سبحان الله على البركة اللى فيهم...أنا السنة دى اتعلمت إن الهدية لازم يتحضر لها من بدرى و ما تعدمديش على حد و تنزلى تجيبها بنفسك...حمد الله على السلامة و صولك لأرض المدونات سالمة غانمة