طبعا انا مش هحكى على المطر النهارده احنا كنا راكبين العربية ومن علو المية دخلت جوه
تبص فجأه تلاقى المية داخله من الشباك
بس ايييييييييييييييييييييييه بقى
بعد المطر...خلص المطر خلاص الحمد لله...
كل الناس بقى ..استعنا على الشقا بالله
هيلااا هوب كله شايل الحلل والجرادل وكل أداه ممكن تشيل ميه وعلى فييييييين.؟
على السطوووووح دقت ساعة العمل..
على فين يام ابراهيم؟؟؟طالعه السطح ياختى اشيل الميه ..طيب ياختى هابقلك فوق انا كمان هاخد العيال واطلع..
وقت المطر ده ..عندنا بيكون موسم ياعينى للعيال اللى مبتروحش البحر ف الصيف يصيفوا..
يطلعوا فوق السطوح أو ينزلووا الشوارع ويشمروا هدومهم ويدوا غطس ف المية..
نرجع بقى للحلل والجرادل..
الكل إستعد وأخد أدواته وحلله وسلطاته وطلع فوق السطح ..كله بالجرادل يملى ميه وطاااااااااااااااااااااااااااا
** ف ناس بقى مريحه نفسها وعامله مواسير كده منها لنفسها بتكب ف الشارع ..راحه ع الاخر توماتيكى توماتيكى..
وطبعا متسألوش ..طب ما كده هيبهدلوا الشارع قدام بيتهم؟؟
عيب على ذكائكم تسألوا السؤال ده..كل واحد بيكب ف الشارع اللى جنبه مش قدامه بوابته...اومال يعنى يعك الدنيا قدامه؟؟
وهكذا كل واحد ف الشارع اللى جنبه والناس تولع بقى..
الحاجه بقى الفظيعة اللى حصلت انهارده..
=========================
النور قطع ف شارعنا..طب الحمد لله الناس بقى هتتلم وتبطل ترمى ميه..
برده كان عيب على ذكائى اتوقع هذا التوقع..
بالعكس...المية كتتتترت أكتر من الأول..زى ما يكونوا بيجيبوا من الحنفيات وعاملين مسابقه مين يكب أكبر عدد من الجرادل.....
وفجأه وبدون سابق إنذار..تسمع صويت من تحت البلكون..
انتم يا ............................. ياللى فووووووووووووووووووق انتم اتعميتوا ف عنيكم (طبعا اتعموا النور مقطوع ياعم )مش تبصوا ف الشارع قبل ماتتهببوا تكبوا ميه
يا .......يا...........يا........
وفكرك بعد ده كله ام شعبان تبطل كب ميه...حاشا لله وكأن شئ لم يحدث ..
ويتوالى السباق تش طاش تش تش طااااااااااش (نغمات موسيقيه يااخواتى)
..
ف الاخر اضطر رجال شارعنا الشهمييين..يينزلوا ويلبسوا لبس الغواصيين ويفتحوا البلاعات...
لأن العيال افتكروه بسيين ونزلوا بالمايوهات والعوامات فأهلهم خافوا عليهم من البلهارسيا..
سؤال بسيط؟؟؟
انتم ليه بترموا المية ف الشارع يعنى هى مطرت ع السطوح بس وممطرتش ف الشارع؟؟؟
طب ليه محدش اخترعلنا حاجه نستفاد بالميه دى بدل ماتضيع كده؟؟
الشارع صووووووووت وقال ارحمووووووووووونى..
والله يسامحك ياام شعبان.. انك سمعتى كلام ام فتحى وام فاروق
:))
هناك 17 تعليقًا:
المطر خير بس للاسف زي العادة وزي كل حاجة في مصر مش بنعرف نستفاد من الخير اللي ربنا بيدهولنا اتمني ربنا يفتح عقولنا وبصيرتنا الايام الجاية
تحياتي
ههههههههههههه...حسيت إنى شايفة المشهد و انت بتحكى..لذيذة أوى الناس دى..إحنا مش بس مش بنستفيد من المياه احنا كمان مش عارفين نتخلص منها......
ههههههههههههههههههه
حاجات غريبه والله
انا كمان نفسى افهم ليه بيعملوا كده
عارفه دول يصح عليهم مثل
" زودوا الطينه بله "
نفسسسسسسسسسى يااااااارب اشوف شعب مصر كلللله فى نحضر شباب الثوره
دمتى بكل ود
ازيك يا جميل اخبارك
محدش بيشوفك خالص
سمعت عن المطرة الكانت عندكوا في البلد
بس مكنتش اعرف انها للدرجادي
يلا الحمد لله عدت على خبر
طمنيني عليكي
سبينى على ام شعبان اعرفها شغلها يا اوختى هما قلمين فى القسم وتلاقيها اعترفت انها كبت الميه وبطلت هههه
دمك خفيف يا قمر
السلام عليكم
هههههههه
شكرا على شوية الضحك اللي ضحكتهم..
من زمان معشتش أحداث شارع مصري أصيل..!! :)
الله يعينكم... يعني يقويكم.. مش يشيلكم من الشارع!!!!
يا ريت تطمنيني لما تيجي الكهربا!!!
تحياتي.
اولا السلام عليكم ورحمة الله وبركاتة
بحيك على طرح الفكرة جداااا
وعلى فكرة دا حال مصر كلها نبدور على اقرب حل واسرعة وبيكون اغلبة لا مبالاة بالغير وبحقة يعنى فعلا لية محدش فاكر فى حل للاستفادة بمياة الامطار
لان الكسل سمى غالبة فينا وكلمة وانا مالى هى مبدائنا الاساسى فى المعيشة ومعاها هو انا لوحدى بعمل كدا ما كلنا الدنيا كدا اااااااااااااخ بجد من عمق الامبالاة اللى احنا بنعيشة
ووالاجمل فى الموضوع دا المجالس المحلية اللى ولا لية اى دور ولا اى مواجهة فى اثر الشتاء ولا حتى بتهتم بتنظيف الشوارع ..
خالص تحياتى
يوميات حارة
ههههههههههههههههههههههه
هههههههههههههههههههههههههه
ضحكتينى يا تغرررريد
هههههههههههههههه
ايه المسابقه المائيه دى
والله عندك حق المفروض الجار يراعى جارة
ومن حق الشارع يصوت ههههههههه
الصراحه بوست تحفه زى الاسامى اللى فيه
وحشانى كتيررر
معليش مقصرة معاكى او مع الكل على العموم
خدى بالك ع نفسك يا قمرايه
عثل عثل طول عمرك يا ثكر انتى والله وحشنى دمك الخفيف وكلامك العثل عثل ده هههههههههه هم يبكى وهم يضحك
وربنا يهديها ام شعباااااان وتبطل بس مينفعش اصل اللى في داء مش بيسله
والطبع بيغلب التطبع ده اصلا لو هي حاولت تتطبع بغير كده وعلى رأي المثل لا حياة لمن تنادى
وحشانى موت يا قمر
طب يعملوا ايه بسي
الناس غلبانه ومعندهاش لي حاجه تانيه
يلا خير
ايه فينك من مدا بقا؟
أخبار الحفلة إيه الأول ؟
فى عادات كتير محتاجة لتصحيح وبإذن الله هتتصحح مع الوقت
بس نبدأ وربنا يعيننا
على فكرة انا أخدت ساعات المطر كلها على دماغى والحمد لله
تحياتى دوما
السلام عليكم
اعذري تقصيريو لكن دااائما بالبال
ادراجاتك سهل ممتنع و اسلوبك راائع
تسلم الايادي و ربي يحسن الحال باحسن حال
سلام
ان شاء الله ان شاء الله
افتكر يوم الجمعة الجايه ارفع يافطه في ميدان التحرير
ان تتذكر الحكومة الجديده ان الدنيا بتمطر في الشتاء فاياريت يعملوا بلعات مخصوص للمطر ونستفاد منها في الزراعه وخصوصا ان ماء النيل شكله كده مش هيبقا نجاشي ده هيبقا ماجاشي
http://fritend.blogspot.com/
حاولى تنشرى الدعوة بسرعة
بتحصل في كل حته علي فكره
بس هو تقريبا علشان لو سابو الميه فوق السقف ...السقف هيشربها وممكن توصل للحديد وتنقع وتبوظه هذا والله ادري واعلم
وبعدين انتي ترضي يكون فوق بيتك بحيره البجع ؟؟؟
هذا وقد نفت ام شعبان كل هذه الانباء دون أدني تعقيب منها ...
فاصل ونواصل ^_^
هههههههه
_________
والله يا تغريد اللى بتتكلمي فيه ده انا سالته لنفسي في يوم المطرة باليل لقيت ناس برضه من فوق السطوح وعمانة تكب مية في الشارع وقلت يعني عشان تنضف سطوح بيتك تغرق الشارع مية
هيا ثقافة منتشرة عند ناس كتير للاسف الشديد ومحتاجة سنين عشان تتغير
__________
بوست روعة
خالص تحياتي
ههههههههههههه
تعبيراتك جميلة اوى
انا حاسة انى شايفة المشهد قدامى
فى عادات كتيرة فعلا محتاجين نغيرها
إرسال تعليق